ໃນວັນທີ 23 ຕຸລານີ້, ທ່ານ ວັນໄຊ ພອງສະໝຸດ
ປະທານຜູ້ຕາງໜ້າຜູ້ຖືຮຸ້ນລັດວິສາ ຫະກິດຫວຍພັດທະນາລາວ ພ້ອມຄະນະໄດ້ນຳເງິນຈຳນວນ
350 ລ້ານກີບມອບໃຫ້ທ່ານພົນ ໂທ ດວງໃຈ ພິຈິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງປ້ອງກັນປະເທດ ທັງເປັນປະທານຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດຢູ່ກະຊວງປ້ອງ ກັນປະເທດ
ເພື່ອນຳໄປຊ່ວຍເຫລືອບັນເທົາທຸກປະຊາຊົນຜູ້ໄດ້ຮັບຜົນກະທົບຈາກໄພນ້ຳຖ້ວມ ຢູ່ແຂວງທາງພາກເໜືອ
ແລະ ບັນດາ ແຂວງທາງພາກໃຕ້ຂອງລາວ ໂດຍມີກອງເລຂາຄະນະ ກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດເຂົ້າຮ່ວມ.
ໂອກາດນີ້, ທ່ານ ພົນໂທ ດວງໃຈ ພິຈິດ ໄດ້ສະແດງຄວາມຂອບອົກຂອບໃຈຕໍ່ທ່ານ
ວັນໄຊ ພອງສະໝຸດ ກໍຄືລັດວິສາ ຫະກິດ ຫວຍພັດທະນາລາວ ທີ່ໄດ້ແບ່ງນ້ຳຈິດນ້ຳໃຈເປັນເງິນຈຳນວນ
ດັ່ງກ່າວຊ່ວຍເຫລືອບັນເທົາທຸກປະຊາຊົນຜູ້ທີ່ໄດ້ຮັບຜົນກະ ທົບຈາກໄພນ້ຳຖ້ວມຢູ່ພາກເໜືອ
ແລະ ພາກໃຕ້ ຊຶ່ງເປັນການປະກອບສ່ວນສຳຄັນໃນການຟື້ນຟູຊີວິດການຢູ່ຂອງປະຊາຊົນໃຫ້ດີຂຶ້ນ
ແລະ ນັບແຕ່ວັນທີ 10-23 ຕຸລານີ້, ມີ 17 ພາກສ່ວນທັງພາກລັດ ແລະ ເອກະຊົນມອບເງິນຊ່ວຍເຫລືອເພື່ອບັນເທົາທຸກທັງ
ໝົດ 2.637 ລ້ານກວ່າກີບ.
No comments:
Post a Comment