ໃນວັນທີ 23 ຕຸລານີ້, ອົງການສະຫະປະຊາຊາດ
(ສປຊ) ປະຈຳລາວ ໄດ້ຮ່ວມກັບສະມາ ຄົມນັກຂ່າວແຫ່ງ ສປປ ລາວ ໄດ້ຈັດພິທີຖະແຫລງຂ່າວຕໍ່ສື່ມວນຊົນລາວຂຶ້ນ
ຢູ່ສະມາຄົມດັ່ງກ່າວ ໃນນະຄອນຫລວງວຽງຈັນເພື່ອ ຫວນຄືນວັນສ້າງຕັ້ງອົງການສະຫະປະຊາຊາດ
ຄົບຮອບ 68 ປີ (24/10/1945 - 24/10/2013).
ໃນພິທີ, ທ່ານ ມິງຟາມ ຜູ້ ຕາງໜ້າອົງການ
ສປຊ ປະຈຳລາວ ໄດ້ຍົກໃຫ້ເຫັນເຖິງບົດບາດສຳຄັນຂອງອົງການດັ່ງກ່າວເພື່ອເຮັດໜ້າທີ່ສົ່ງເສີມຄວາມປອດໄພຂອງບັນດາປະຊາຊາດໃນທົ່ວໂລກໃຫ້ພົ້ນຈາກສົງຄາມ
ແລະ ໄພພິບັດຕ່າງໆ, ພ້ອມກະຕຸກຊຸກຍູ້ການພັດທະນາຂອງບັນດາປະຊາຊາດໃຫ້ຫລຸດພົ້ນອອກຈາກຄວາມດ້ອຍພັດທະນາ.
ທ່ານ ມິງຟາມ ໃຫ້ຮູ້ວ່າ: ສປປ ລາວ ໄດ້ເຂົ້າເປັນສະມາຊິກຂອງອົງການ ສປຊ ເມື່ອປີ
1955 ແລະ ນັບແຕ່ນັ້ນມາ,ອົງການກໍບໍ່ໄດ້ຢຸດຢັ້ງໃນການຊ່ວຍເຫລືອລາວພັດທະນາຕົນເອງໃຫ້ເຕີບໃຫຍ່ເຂັ້ມແຂງມາໂດຍຕະຫລອດ
ຄືເມື່ອປີ 2000 ໄດ້ມີກອງປະຊຸມໃຫຍ່ຂອງອົງການສະຫະປະຊາຊາດຢູ່ນິວ ຢ໋ອກສະຫະລັດອາເມລິກາ
ໂດຍມີປະເທດສະມາຊິກເຂົ້າຮ່ວມ 190 ປະເທດຈາກທຸກທະວີບຂອງໂລກ ແລະ ກອງປະຊຸມດັ່ງກ່າວກໍໄດ້ອອກຖະ
ແຫລງການສະຫະສະວັດ
ໂດຍເລັ່ງໃສ່ 8 ເປົ້າໝາຍ ຄືການລຶບລ້າງຄວາມທຸກຍາກ, ການສຶກສາ, ຄວາມສະເໝີພາບລະຫວ່າງຍິງ-ຊາຍ,ການຫລຸດຜ່ອນອັດຕາການຕາຍຂອງເດັກ,ຫລຸດຜ່ອນການຕາຍຂອງແມ່ຍິງຖືພາ,
ການຕ້ານພະຍາດ, ສິ່ງແວດລ້ອມ ແລະ ການສ້າງຂອບເຂດການພັດທະນາໃນທົ່ວໂລກ ແລະ
ໃນນີ້ສຳລັບປະເທດລາວແລ້ວແມ່ນມີ 9 ເປົ້າ ໝາຍຄືເປົ້າໝາຍທີ 9 ແນໃສ່ຫລຸດ
ຜ່ອນຜົນກະທົບຈາກລະເບີດທີ່ຍັງບໍ່ທັນແຕກ ເຊິ່ງເປົ້າໝາຍສະຫັດສະວັດທັງໝົດດັ່ງກ່າວຄາດວ່າຈະປະຕິບັດໃຫ້ໄດ້ເຄິ່ງໜຶ່ງໃນປີ
2015 ແລະ ປັດຈຸບັນປະເທດລາວ ພວມເນັ້ນໜັກ 5 ເປົ້າໝາຍສະຫັດສະວັດ ຄືລຶບລ້າງຄວາມທຸກຍາກ
ແລະໄພອຶດຫິວ,ການສຶກສາ, ຫລຸດຜ່ອນອັດຕາການຕາຍຂອງເດັກ,ຫລຸດຜ່ອນຜົນກະທົບຈາກລະເບີດທີ່ຍັງບໍ່ທັນແຕກ
ແລະ ຫລຸດຜ່ອນອັດຕາການຕາຍຂອງແມ່ຍິງຖືພາ. ບັນດາເປົ້າໝາຍສະ ຫັດສະວັດດັ່ງກ່າວມີຄວາມສຳຄັນຫລາຍຕໍ່ປະເທດລາວ
ເພາະມັນຈະຊ່ວຍໃນການສ້າງ ສາພັດທະນາປະເທດ ແລະ ເພື່ອສະແດງໃຫ້ເຫັນຄວາມສຳຄັນຂອງວຽກງານຂອງອົງການສະ
ຫະປະຊາຊາດເມື່ອມໍ່ມານີ້,ທາງອົງການໄດ້ຈັດຕັ້ງໂຄງການຖ່າຍຈຸດສຸມເຊິ່ງເປັນການແຂ່ງຂັນຖ່າຍພາບຂອງບັນດາໄວໜຸ່ມລາວ
ເພື່ອໃຫ້ເຂົາເຈົ້າເຫລົ່ານັ້ນເຂົ້າໃຈເຖິງວຽກງານຕ່າງໆຂອງສະຫະປະຊາຊາດ.
No comments:
Post a Comment