ໃນວັນທີ 16 ຕຸລານີ້, ສານປະຊາຊົນ ນະຄອນຫຼວງວຽງຈັນໄດ້ເປີດປະຊຸມສານເພື່ອຕັດສິນຄະດີ
ທ້າວ ທະນົງສິນ ສີຫາວົງ ອາ ຍຸ 24 ປີ ຢູ່ບ້ານ ຈອມເພັດໃຕ້ ເມືອງສີສັດຕະນາກ ນະຄອນຫຼວງວຽງຈັນ
ໃນຂໍ້ຫາຄ້າຂາຍຢາເສບຕິດຖືກກັກໃນວັນທີ 10 ມັງກອນ 2013.
ຕາມການໃຫ້ການຂອງຈຳເລີຍ ໃນທີ່ປະຊຸມສານວ່າ:
ຜ່ານມາຈຳເລີຍເຄີຍລັກຊັບພົນລະເມືອງ 2 ຄັ້ງ, ແຕ່ບໍ່ໄດ້ຖືກກັກຂັງ, ມາໃນຄັ້ງນີ້ຕົນໄດ້ຄ້າຂາຍຢາເສບຕິດແທ້ໂດຍໄດ້ໄປຊື້ຢາບ້ານຳ
ທ້າວ ລີ້ ບ້ານ ໂຄກນິນ ມາເສບ ແລະຂາຍເປັນຈຳ ນວນຫຼາຍ ຄັ້ງ, ໃນລາຄາເມັດລະ
20.000 ກີບ ແລ້ວໄປຂາຍຕໍ່ຢູ່ໂຕະສະໜຸກເກີ ໃນລາຄາເມັດລະ 25.000 ກີບ ຕົກມາໃນວັນທີ
10 ມັງກອນ 2013 ຈຶ່ງຖືກເຈົ້າໜ້າທີ່ຈັບຕົວພ້ອມຂອງກາງຢາບ້າ 30 ເມັດ ແລະ ອຸປະກອນເສບ
1 ອັນ.
ຜ່ານການເກັບກຳຂໍ້ມູນ ແລະ ຄຳໃຫ້ການຂອງຈຳເລີຍ,ສານໄດ້ມີຄຳວິນິດໄສວ່າ:
ຈຳເລີຍໄດ້ມີການເຄື່ອນໄຫວຄ້າຂາຍຢາເສບຕິດທີ່ຜິດຕໍ່ກົດໝາຍອາຍາມາດ ຕາ 146 ຂໍ້
2 ວັກ 1, ສະນັ້ນ ຈຶ່ງໄດ້ຕັດສິນ ໂດຍຊ່ອງໜ້າໂຈດ ແລະ ຈຳເລີຍບອກວ່າ: ທ້າວ ທະນົງສິນ
ມີຄວາມຜິດໃນສະຖານຄ້າຂາຍຢາເສບຕິດ ສານຈຶ່ງໄດ້ຕັດອິດສະລະພາບຈຳຄຸກ 5 ປີ ແລະ
ປັບໃໝ 10 ລ້ານກີບ ແລະ ໃຫ້ຈຳເລີຍເສຍເງີນຄ່າທຳນຽມ ສານ 30 ພັນກີບ.
ສານປະຊາຊົນ ນະຄອນ ຫຼວງວຽງຈັນ ໃຫ້ຮູ້ວ່າ:
ໃນ 6 ເດືອນຜ່ານມາ ມີຄະດີເຂົ້າມາຍັງສານ 1.500 ກວ່າເລື່ອງ ຊຶ່ງສານສາມາດຕັດສິນ
700 ກວ່າເລື່ອງ, ສ່ວນໃຫຍ່ແມ່ນຄະດີຄ້າຂາຍຢາເສບຕິດ, ລະເມີດກົດຈະລາຈອນ, ລັກຊັບພົນລະເມືອງ,
ຂໍ້ຂັດແຂ່ງມູນມໍລະດົກ ແລະ ຄະດີສາຍພົວ ພັນຄອບຄົວ. ຂະນະທີ່ ເຈົ້າໜ້າທີ່ ກົມຕຳຫຼວດສະກັດກັ້ນ
ແລະ ປາບປາມຢາເສບຕິດ ກ່າວວ່າ: ປັດຈຸບັນນີ້,ບັນຫາຢາເສບຕິດໄດ້ແຜ່ລາມໄປທົ່ວໂລກບໍ່ວ່າປະເທດທຸກຍາກຮັ່ງມີກໍລ້ວນແຕ່ໄດ້ຮັບຜົນສະທ້ອນໃນລະສະນະແຕ່ກຕ່າງກັນ,ສະເພາະຢາບ້າພວມເປັນບັນຫາໃໝ່ແຜ່ຂະຫຍາຍ,ໃນປີ
2012 ຢູ່ລາວມີຜູ້ຕິດຢາບ້າປະມານ 50 ພັນຄົນ ແລະ ເປັນບັນຫາໜຶ່ງພາໃຫ້ເກີດປະກົດການຫຍໍ້ທໍ້ສັງຄົມ,ກົດໜ່ວງຖ່ວງດຶງການສ້າງສາພັດທະນາປະເທດຊາດ
ແລະ ກໍໃນປີ 2012 ນີ້ ເຈົ້າໜ້າທີ່ສາມາດມ້າງຄະດີຢາເສບຕິດໄດ້ 1.300 ກ່ວາເລື່ອງ,
ກັກຜູ້ຕ້ອງຫາໄດ້ 2.129 ຄົນ, ຍຶດຂອງກາງປະເພດ: ເຮໂລອິນ 54,84 ກິໂລກຣາມ, ຢາບ້າ
1.200 ກິໂລກຼາມ,ຝິ່ນກວ່າ 199 ກິໂລກຼາມ,ກັນຊາ 2.200 ກວ່າກິໂລກຣາມ.
No comments:
Post a Comment