ກົມອາຫານ ແລະ ຢາ ກະ ຊວງສາທາລະນະສຸກລາວ
ໄດ້ຢັ້ງຢືນຜົນກວດຜະລິດຕະພັນນົມຜົງສຳເລັດຮູບດູເມັກທຸກລຸ້ນແລ້ວວ່າມີຄວາມປອດໄພຈາກສານປົນເປື້ອນ
ເມື່ອຕົ້ນເດືອນຕຸລານີ້, ຂະ ນະທີ່ບໍລິສັດຕົວແທນຈຳໜ່າຍເຊື່ອວ່າ: ການຢັ້ງ
ຢືນເທື່ອນີ້ຈະເປັນສ່ວນສຳຄັນໃນການຮຽກຄືນຄວາມເຊື່ອໝັ້ນຂອງຜູ້ບໍລິໂພກຢູ່ລາວໄດ້ດີຂຶ້ນ.
ເຖິງວ່າກ່ອນໜ້ານີ້ ບໍລິສັດດູແມັກຈຳກັດ
ຈະໄດ້ອອກມາຢືນ ຢັນຜົນການກວດກາຈາກກະຊວງອຸດສາຫະກຳ ຂອງປະເທດນິວຊີແລນ ວ່າ:
ວັດຖຸດິບທີ່ນຳມາຜະ ລິດນົມດູເມັກມີຄວາມປອດໄພຈາກການປົນເປື້ອນ, ແຕ່ເພື່ອເປັນການສະແດງເຖິງຄວາມຫ່ວງໄຍ
ແລະ ມີຄວາມຮັບຜິດຊອບຕໍ່ຜູ້ບໍລິໂພກ, ບໍລິສັດຕົວແທນຈຳໜ່າຍຜະລິດຕະພັນນົມດັ່ງກ່າວຢູ່ລາວກໍໄດ້ມີການເກັບຄືນຜະລິດຕະພັນນົມສະເພາະຮຸ່ນ
ເພື່ອໃຫ້ກົມອາ ຫານ ແລະ ຢາຂອງລາວກວດກາຕື່ມ ເຊິ່ງຜົນການກວດກາກໍສາ ມາດຢັ້ງຢືນໄດ້ວ່າ:
ມີຄວາມປອດໄພດີ. ແຕ່ແນວໃດກໍຕາມ, ບໍລິສັດຕົວແທນຈຳໜ່າຍຢູ່ລາວໃຫ້ຮູ້ວ່າ:
ພາຍຫລັງທີ່ໄດ້ມີການອອກມາຢືນຢັນຂອງຜົນກວດຈາກຫລາຍປະເທດກໍເຮັດໃຫ້ຜູ້ບໍລິໂພກເລີ່ມກັບມາຊົມ
ໃຊ້ຜະລິດຕະພັນນົມດູເມັກຫລາຍຂຶ້ນ
ແລະ ເຊື່ອໝັ້ນວ່າ: ຈາກຜົນການກວດກາຂອງກົມອາຫານ ແລະ ຢາຂອງລາວ ຍິ່ງ ຈະເຮັດໃຫ້ຜູ້ບໍລິໂພກພາຍໃນປະເທດກັບມາຊົມໃຊ້ຜະລິດຕະພັນດັ່ງກ່າວຫລາຍຂຶ້ນກວ່າເກົ່າ,
ສ່ວນຜະລິດຕະພັນທີ່ໄດ້ເກັບຄືນສະເພາະຮຸ່ນໃນທົ່ວປະເທດມີຈຳ ນວນ 18 ໂຕນນັ້ນ
ແມ່ນຈະໄດ້ນຳໄປທຳລາຍຖິ້ມ ເພື່ອບໍ່ໃຫ້ກັບຄືນມາຈຳໜ່າຍອີກ.
ບໍລິສັດດູເມັກປະເທດໄທ ຈຳກັດ ສ້າງຕັ້ງມາໄດ້
56 ປີ, ປັດ ຈຸບັນເປັນໜຶ່ງໃນກຸ່ມບໍລິສັດດາ ນອນທີ່ປະສົບຜົນສຳເລັດໃນການຜະລິດອາຫານເພື່ອສຸຂະພາບເປັນຕົ້ນຜະລິດຕະພັນທີ່ເຮັດຈາກນົມ,
ນ້ຳດື່ມ, ອາຫານທາງການແພດ ແລະ ໂພຊະນາການສຳລັບເດັກເຊິ່ງກຸ່ມບໍລິສັດດັ່ງກ່າວມີສຳນັກງານໃຫຍ່ຢູ່ນະຄອນຫລວງປາຣີ
ປະເທດຝຣັ່ງ.
No comments:
Post a Comment