ວິທະຍາໄລເຕັກນິກ-ວິຊາຊີບຈຳປາສັກ ສປປ.ລາວ ແລະ
ວິທະຍາໄລເຕັກນິກອຸ ບົນລາຊະທານີ, ລາຊະອານາຈັກໄທໄດ້ ເຊັນບົດບັນທຶກການຮ່ວມມືກັນຫລາຍ ດ້ານ ເພື່ອພັດທະນາການສຶກສາ
ແລະ ການວິໄຈຂອງທັງສອງສະຖາບັນໃນວັນທີ 3 ຕຸລາ ນີ້, ຢູ່ວິທະຍາໄລເຕັກນິກ-ວິຊາຊີບຈຳປາສັກ
ລະຫວ່າງທ່ານ ບົວໄຂ ສຸພາອ່ອນ ຜູ້ອຳ ນວຍການວິທະຍາໄລເຕັກ ນິກ-ວິຊາຊີບ ຈຳປາສັກ ແລະ ທ່ານ
ລິຄິດ ພົນເຫລົາ ຜູ້ອຳນວຍການວິທະຍາໄລເຕັກນິກອຸບົນລາຊະທານີ, ມີບັນດາພະນັກງານຄູອາຈານ ຂອງທັງສອງສະຖາບັນ
ແລະ ຂະແໜງການທີ່ກ່ຽວຂ້ອງເຂົ້າຮ່ວມ.
ເນື້ອໃນບົດບັນທຶກເປີດກວ້າງການຮ່ວມມືດັ່ງກ່າວ,
ທັງສອງສະຖາບັນໄດ້ຕົກລົງໃຫ້ມີການແລກປ່ຽນບຸກຄະລາກອນນັກ ວິຊາການ ແລະ ນັກວິໄຈ, ແລກປ່ຽນນັກສຶກສາ,
ວິທະຍາກອນການນຳສະເໜີ ແລະ ເຄື່ອງມືຮັບໃຊ້ກອງປະຊຸມສຳມະນາ, ຂໍ້ ມູນຂ່າວສານດ້ານວິທະຍາສາດ
ແລະ ອື່ນໆທີ່ທັງສອງສະຖາບັນມີຂໍ້ຕົກລົງຮ່ວມກັນ.
No comments:
Post a Comment