ໂດຍ : ຄຳກອງ
ທຳມະເທວາ
ມື້ວານນີ້, ຜູ້ຂຽນໄດ້ມີໂອກາດໄປນັ່ງຫລິ້ນ ແລະ
ໄດ້ລົມັກັບນາຍຄູຜູ້ໜຶ່ງ ເຊິ່ງຜູ້ກ່ຽວນັ້ນເປັນຄູສອນຢູ່ໂຮງຮຽນມັດທະ ຍົມຕອນປາຍແຫ່ງໜຶ່ງໃນນະຄອນຫລວງວຽງຈັນ
ເວົ້າໃຫ້ຟັງວ່າ: “ປັດຈຸບັນ ສິ່ງເປັນຫ່ວງທີ່ສຸດຕໍ່ນັກຮຽນທີ່ໄປໂຮງຮຽນແລ້ວ ໜີໄປທາງອື່ນບາດຮອດໂມງເລີກຮຽນແລ້ວແມ່ນມາຕາມທີ່ພໍ່ແມ່ໄດ້ນັດໄວ້ເພື່ອມາຕ້ອນເອົາລູກ
ເຮັດຄືວ່າຕົນເອງໄດ້ໄປໂຮງ ຮຽນຄັກແນ່, ແຕ່ຄວາມຈິງແລ້ວແມ່ນໄປຫລິ້ນເກມ, ຫລິ້ນສະນຸກເກີ,
ເຂົ້າຮ້ານກິນດື່ມ, ເລາະຊື້ເຄື່ອງຕາມຕະຫລາດ ແລະ ອື່ນໆ” ໃນສົກຮຽນຜ່ານມາກໍມີຫລາຍກໍລະນີ.
ຄູຜູ້ນັ້ນເວົ້າອອກມາດ້ວຍຄວາມເປັນຫ່ວງ.
ຄວາມຈິງແລ້ວ ຕໍ່ເຫດການດັ່ງກ່າວ ເຮົາຕ້ອງໄດ້ພ້ອມກັນຊອກທາງແກ້ໄຂແຕ່ຫົວທີ.
ດັ່ງສຸພາສິດເຄີຍກ່າວໄວ້ວ່າ: “ຮັກງົວ ໃຫ້ຜູກຮັກລູກໃຫ້ຕີ” ທາງແກ້ໄຂດີທີ່ສຸດແມ່ນຄອບຄົວ
(ພໍ່ແມ່) ຜູ້ປົກຄອງ ຕ້ອງເອົາໃຈໃສ່ເປັນພິເສດໃນການສຶກສາອົບຮົມ ບົ່ມສອນລູກຫລານຂອງຕົນ,
ຕິດຕາມເບິ່ງພຶດ ຕິກຳຂອງລູກ, ໄປຮອດໂຮງຮຽນ ແທ້ບໍ່... ? ຈາກນັ້ນ ພໍ່ແມ່ຜູ້ປົກຄອງຕ້ອງ ໄດ້ໃກ້ຊິດຕິດແທດກັບຄູ-ອາຈານຢູ່ໂຮງຮຽນບ່ອນທີ່ລູກໄດ້ຮຽນນັ້ນເປັນປະຈຳ,
ຮັບຟັງຄຳຕຳນິສົ່ງຂ່າວຈາກຄູ-ອາຈານເປັນ ປະຈຳຕໍ່ກັບການຮ່ຳຮຽນ, ການເຄື່ອນໄຫວຂອງລູກ, ຫລີກເວັ້ນທີ່ສຸດມີພໍ່ແມ່ບາງຄົນເວລານາຍຄູສ່ອງແສງມາຕໍ່ພຶດຕິກຳຕ່າງໆ
ຂອງລູກຕົນເອງແລ້ວພັດເກີດຄວາມຄຽດຕໍ່ຄູ-ອາຈານ, ສ່ວນອຳນາດການປົກຄອງບ້ານບ່ອນທີ່ໂຮງຮຽນຕັ້ງຢູ່ນັ້ນຕ້ອງໄດ້ເຂົ້າ
ຮ່ວມການຕິດຕາມຊ່ວຍເຫລືອຄູ-ອາຈານ ສົມ ຄວນບໍ່ ? ທີ່ຈະອະນຸຍາດໃຫ້ມີຮ້ານເກມ, ຮ້ານກິນດື່ມຢູ່ໃກ້ໂຮງຮຽນບ້ານ
ຂອງຕົນ ແລະ ຕ້ອງມີລະບຽບການຄຸ້ມຄອງໃຫ້ເຂັ້ມງວດ ແລະ ຫ້າມນັກຮຽນເຂົ້າໄປໃຊ້ບໍລິການແມ່ນຈະເປັນການດີທີ່ສຸດ
ແລະ ສ່ວນໂຮງຮຽນກໍຕ້ອງມີມາດຕະການຄຸ້ມຄອງນັກຮຽນຂອງຕົນບໍ່ໃຫ້ປະລະການຮຽນໄປຫລິ້ນແນວອື່ນ
ແລະ ຖ້ານັກ ຮຽນຄົນໃດມີພຶດຕິກຳບໍ່ດີກໍຕ້ອງໄດ້ຮ່ວມກັບພໍ່ແມ່ຜູ້ປົກຄອງນຳມາສຶກສາອົບຮົມບອກສອນແຕ່ຫົວທີໂລດແມ່ນຈະເປັນການ
ດີທີ່ສຸດ.
No comments:
Post a Comment