ໃນວັນທີ 22 ຕຸລານີ້, ຢູ່ພະແນກແຮງງານ ແລະ ສະຫວັດດີການ-ສັງຄົມແຂວງເຊກອງ
ໄດ້ຈັດກອງປະຊຸມສະຫລຸບຕີລາ ຄາການຈັດຕັ້ງປະຕິບັດວຽກງານອົງການປະກັນສັງຄົມແຫ່ງລັດ (ອປລ)
ປະຈຳປີ ແລະ ເຊັນສັນຍາເພື່ອບໍລິການປິ່ນປົວສຸຂະ ພາບ ແບບມອບເໝົາປະຈຳສົກປີ
2013-2014 ໂດຍການເປັນປະທານຂອງທ່ານ ຖາວອນ ພົມມະໄລລຸນ
ຮອງເຈົ້າແຂວງເຊ ກອງ, ຕາງ ໜ້າຂະແໜງການກ່ຽວຂ້ອງຂັ້ນສູນກາງ, ແຂວງ ແລະ 4 ເມືອງເຂົ້າຮ່ວມ.
ນອກຈາກພິທີເຊັນສັນຍາ ເພື່ອບໍລິການປິ່ນປົວສຸຂະພາບ
ແບບມອບເໝົາສົກປີ 2013-2014 ລະຫວ່າງອົງການປະກັນສັງ ຄົມແຫ່ງລັດກັບບັນດາໂຮງໝໍໃນ ແຂວງເຊກອງແລ້ວ,
ກອງປະຊຸມຍັງໄດ້ລາຍງານການຈັດຕັ້ງປະຕິບັດວຽກງານປະກັນສັງຄົມ ແຫ່ງລັດໃນໄລຍະ 1 ປີ ແລະ ທິດທາງແຜນການໃນຕໍ່ໜ້າໂດຍສະເພາະຈະໄດ້ສຸມໃສ່ການຈັດພິມບັດປະກັນສຸຂະພາບແບບ ຖາວອນໃຫ້
ແກ່ຜູ້ເກີດສິດໃນງວດທີ I ສົກປີ 2013-2014 ຈຳນວນ
3.000 ກວ່າ ຄົນ ໃຫ້ສຳເລັດ, ສືບຕໍ່ປະສານສົມທົບກັບ ຂະແໜງກ່ຽວ ຂ້ອງປັບປຸງຂອດບໍລິການປິ່ນປົວສຸຂະພາບໃຫ້ມີປະສິດທິຜົນ
ແລະ ຕັ້ງໜ້າໂຄສະນາເຜີຍແຜ່ນິຕິກຳກ່ຽວກັບ
ວຽກງານປະກັນສັງ ຄົມໃຫ້ກວ້າງຂວາງ, ເລິກເຊິ່ງ ແລະ
ທົ່ວເຖິງເຮັດໃຫ້ສະມາຊິກປະກັນສັງຄົມຮັບຮູ້, ເຂົ້າໃຈຂັ້ນຕອນ ແລະ ວິທີການຈັດຕັ້ງປະຕິ ບັດ.
ຂະນະທີ່ຕົວແທນຈາກໂຮງໝໍແຂວງ ແລະ ໂຮງໝໍເມືອງຕ່າງໆໄດ້ມີຄຳເຫັນວ່າ: ຂອດການປະສານ ງານລະຫວ່າງໂຮງໝໍກັບ
ອປລ ແລະ ພະນັກງານ-ລັດຖະກອນຈຳນວນໜຶ່ງບໍ່ທັນເຂົ້າໃຈເລິກເຊິ່ງຕໍ່ການນຳໃຊ້ບັດ ອປລ. ໃນໂອກາດດັ່ງກ່າວ,
ຮອງເຈົ້າແຂວງ ເຊກອງໄດ້ແນະນຳວ່າ: ການປະຕິບັດວຽກນີ້ ຕ້ອງໄດ້ມີການປັບປຸງຫລາຍຢ່າງເປັນຕົ້ນ ການປະສານສົມທົບລະຫວ່າງໂຮງໝໍກັບອົງການປະກັນສັງຄົມແຫ່ງລັດແຂວງ; ການຈັດສົ່ງຄົນເຈັບລະຫວ່າງເມືອງຫາແຂວງ ແລະ ຈາກແຂວງໄປຫາຕ່າງແຂວງ;
ການສະຫລຸບລາຍງານຂອງໂຮງໝໍໃຫ້ກັບອົງການປະກັນສັງຄົມແຂວງກໍໃຫ້ທ່ວງທັນ ກັບກຳນົດເວລາ ແລະ
ຖືກຕ້ອງຕາມຄວາມເປັນຈິງເພື່ອເຮັດໃຫ້ການຈັດຕັ້ງປະຕິບັດວຽກປະກັນສັງຄົມແຫ່ງລັດ ນັບມື້ດີຂຶ້ນກວ່າເກົ່າ.
No comments:
Post a Comment