ທີມກູ້ໄພໃຊ້ເວລາເກືອບ 2 ຊົ່ວໂມງ ເພື່ອນຳຊາກສ່ວນໜຶ່ງຂອງເຮືອບິນ
ATR72-600 ທີ່ຕົກຢູ່ນ້ຳຂອງ ໃນວັນທີ 16 ຕຸລາຜ່ານມາ ເຊິ່ງຈຸດທີ່ພົບຊາກເຮືອ ບິນບາງສ່ວນນີ້ຢູ່ຫ່າງຈາກຈຸດເກີດເຫດປະມານ
900 ແມັດ. ຂະນະທີ່ກ໋ອງດຳຍັງບໍ່ທັນເຫັນ.
ນັກຂ່າວປະຈຳແຂວງຈຳປາສັກໄດ້ລາຍງານໃຫ້ຮູ້ວ່າ:
ໃນຕອນແລງວັນທີ 22 ຕຸລານີ້, ທີມກູ້ໄພໄດ້ທຳການນຳຊາກບາງສ່ວນຂອງເຮືອບິນທີ່ເກີດອຸປະຕິເຫດດັ່ງກ່າວ
ເຊິ່ງຊາກທີ່ພົບແມ່ນສິ້ນ ສ່ວນໜຶ່ງຂອງລຳຕົວເຮືອບິນ ແລະ ມີລໍ້ຫລັງໜຶ່ງຂ້າງຕິດມານຳ
ຄາດວ່າແມ່ນສິ້ນສ່ວນຝາກເບື້ອງ ຕີນຊ້າຍຂອງເຮືອບິນ, ໂດຍນຳໃຊ້ເຊືອກກາບມັດຈ່ອງໃສ່ຕີນແລ້ວໃຊ້ເຄນຄ່ອຍໆດຶງຂຶ້ນຈາກພື້ນນ້ຳເລິກຫລາຍແມັດ.
ແນວໃດກໍຕາມ, ກ໋ອງບັນທຶກການບິນ ຫລື ກ໋ອງ ດຳທີ່ເປັນສິ່ງຕ້ອງການທີ່ສຸດຂອງທີມສືບສວນອຸປະຕິເຫດເທື່ອນີ້ຍັງບໍ່ພົບເຊິ່ງຈະຕ້ອງມີການສືບຕໍ່ຊອກຄົ້ນຕໍ່ໄປ.
No comments:
Post a Comment