ທ້າວ ເຜີຍ ນັ່ງກົ້ມໜ້າ ກັບນ້ຳຕາດ້ວຍຄວາມໂສກເສົ້າພາຍຫຼັງໄດ້ຮັບຮູ້ຄຳຕັດສິນຂອງສານໃຫ້ປະຫານຊີວິດໃນຂໍ້ຫາຄ້າຂາຍຢາເສບຕິດ
( ຢາບ້າ ) ເຊິ່ງຖືກເຈົ້າໜ້າທີ່ຕຳຫຼວດສະກັດກັ້ນ ແລະ ປາບປາມຢາເສບຕິດ ນະຄອນຫຼວງວຽງຈັນ
ຈັບຕົວມາດຳເນີນຄະດີໄດ້ໃນໄລຍະເດືອນມີນາຜ່ານມາ ຂະນະທີ່ນາງ ລັດຕະນາ ຜູ້ເປັນເມຍສານໄດ້ຕັດອິດສະລະພາບຈຳຄຸກໜຶ່ງ
ປີຫົກເດືອນພ້ອມປັບໃໝເງິນ 1,5 ລ້ານກີບ ໃນຂໍ້ຫາປິດບັງການກະທຳຜິດ.
ຄະນະສານອາຍາຂັ້ນຕົ້ນນະຄອນຫຼວງວຽງຈັນ ໄດ້ໄຂປະຊຸມສານຂື້ນໃນວັນທີ
8 ຕຸລາ 2013 ເພື່ອພິຈາລະນາຄະດີເລກທີ 418/ຂຕ.ອ, ລົງວັນທີ 11 ກໍລະກົດ 2013 ເຊິ່ງມີຈຳເລີຍຄື:
ທ້າວ ເຜີຍ ສິງທອງ ອາຍຸ 27 ປີ ຢູ່ບ້ານ ທົ່ງສາງນາງ ເມືອງ ຈັນທະບູລີ ນະ ຄອນຫຼວງວຽງຈັນ
ຈຳເລີຍທີ 1 ຖືກຫາວ່າ: ຄ້າຂາຍຢາເສບຕິດ ຖືກກັກຂັງໃນວັນທີ 6 ມີນາ 2013 ຢູ່ຄ້າຍຄຸມຂັງໂພນທັນ
ແລະ ນາງ ລັດຕະນາ ສິລິມຸງຄຸນ ອາຍຸ 27 ປີ ຜູ້ເປັນເມຍ ຖືກຫາວ່າ: ປິດບັງການກະທຳຜິດຖືກກັກຂັງໃນວັນທີ
6 ມີນາ
2013 ຢູ່ຄ້າຍຄຸມຂັງ ນະຄອນຫຼວງວຽງຈັນ ແລະ ຖືກປ່ອຍຕົວພາງໃນວັນທີ 14 ມິຖຸນາ
2013ໂດຍທ້າວ ເຜີຍ ສິງທອງ ໄດ້ມີພຶດຕິກຳເລີ່ມຄ້າຂາຍຢາເສບຕິດ (ຢາບ້າ) ແຕ່ປີ
2008 ເປັນຕົ້ນມາຈາກນ້ອຍໄປຫາໃຫຍ່ໂດຍບໍ່ຢ້ານກົວຕໍ່ລະບຽບກົດໝາຍແຕ່ຢ່າງໃດສານຈຶ່ງໄດ້ພິພາກສາຕັດສິນປະຫານຊີວິດຕາມການກະທຳຜິດດັ່ງກ່າວ.
No comments:
Post a Comment