ໃນວັນທີ 8 ຕຸລານີ້, ຢູ່ຫ້ອງວ່າການລັດຖະບານ,
ນະຄອນຫລວງວຽງຈັນ, ໄດ້ຈັດຕັ້ງການເຜີຍແຜ່ເຊື່ອມຊືມເອກກະ ສານສຳຄັນຂອງມະຕິ IX ຄື:ເສີມຂະ ຫຍາຍຜົນສຳເລັດອັນພົ້ນເດັ່ນ,
ສ້າງບາດກ້າວບຸກທະລຸໃຫ້ແຂງແຮງຕື່ມ ອີກເພື່ອ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ IX
ຂອງພັກໃຫ້ໄດ້ຕາມຄາດໝາຍ ແລະ ມີດ້ານລື່ນຄາດໝາຍ ເຊິ່ງເຜີຍແຜ່ໂດຍທ່ານ ນາງ ບຸນເພັງ ມູນໂພໄຊ
ລັດຖະມົນ ຕີປະຈຳຫ້ອງວ່າການລັດຖະບານ ແລະ ເອກກະສານປັບປຸງແຜນວິທີເຮັດວຽກ ເພື່ອຍົກສູງ ຄວາມອາດສາມາດນຳພາຂອງຄະນະພັກ
ແລະ ເພີ່ມຄວາມສັກສິດ ຂອງການບໍລິຫານລັດເຜີຍແຜ່ໂດຍ ທ່ານ ເພັດ ສາຄອນ ຫລວງອາໄພ ລັດຖະ ມົນຕີຊ່ວຍວ່າການ,
ຮອງຫົວໜ້າຫ້ອງວ່າການລັດຖະບານໂດຍມີພະນັກງານຂັ້ນສູງອ້ອມຂ້າງຫ້ອງວ່າ ການລັດຖະບານເຂົ້າຮ່ວມ ຮັບຟັງຫລາຍກວ່າ
200 ທ່ານ.
ທ່ານລັດຖະມົນຕີປະຈຳຫ້ອງວ່າການລັດຖະບານ
ນາງ ບຸນເພັງ ມູນໂພໄຊ ກ່າວວ່າ: ກອງປະຊຸມໃຫຍ່ຄັ້ງທີ IX ຂອງພັກ, ໄດ້ກຳນົດທິດທາງໜ້າທີ່ແຫ່ງການສືບຕໍ່ປະຕິບັດແນວທາງປ່ຽນແປງໃໝ່ຢ່າງມີຫລັກການຂອງພັກ,
ພ້ອມກັນນັ້ນ
ກໍ່ໄດ້ມີການວາງຄາດໝາຍສູ້ຊົນທີ່ມີລັກສະນະທ້າທາຍສຳລັບໄລຍະແຕ່ນີ້ຮອດປີ
2015 ຄື: ຮັບປະກັນສະຖຽນລະພາບທາງ ດ້ານການເມືອງໃຫ້ໜັກແໜ້ນ, ສັງຄົມມີຄວາມສະຫງົບປອດໄພ ແລະ
ເປັນລະບຽບຮຽບຮ້ອຍ, ໃຫ້ເສດຖະກິດຂະຫຍາຍ ຕົວໃນລະດັບທີ່ສູງກວ່າ 8% ໃນແຕ່ລະປີ, ຈຳນວນຄອບຄົວທຸກຍາກໃຫ້ຍັງເຫລືອບໍ່ເກີນ
10% ແລະ ບັນລຸເປົ້າໝາຍສະຫັດ ສະວັດດ້ານການພັດທະນາ, ພັດທະນາຂົງເຂດສັງຄົມ-ວັດທະນາທຳໃຫ້ສົມຄູ່
ແລະ ຮັກສາສິ່ງແວດລ້ອມເພື່ອຫັນການພັດທະ ນາໄປຕາມທິດຍືນຍົງ, ເປີດກວ້າງການຮ່ວມມື ແລະ ເຊື່ອມໂຍງສາກົນ
ແລະ ເຊີດຊູບົດບາດຂອງປະເທດເຮົາໃນເວທີພາກພື້ນ ແລະສາກົນ. ເພື່ອສ້າງພື້ນຖານໃຫ້ແກ່ບາດລ້ຽວໃໝ່ໃນການພັດທະນາ
ຄື: ພາປະເທດຫລຸດພົ້ນອອກຈາກສະຖານະພາບ ດ້ວຍພັດທະນາໃນ ປີ 2020 ແລະ ເພື່ອປະຕິບັດໃຫ້ໄດ້ຄາດໝາຍດັ່ງກ່າວ,
ກອງປະຊຸມໃຫຍ່ຈຶ່ງໄດ້ວາງທິດທາງລວມໄວ້ ວ່າ: ຕ້ອງສ້າງບາດກ້າວບຸກທະລຸທັງ 4 ດ້ານໃຫ້ປະກົດເປັນຈິງຄື:
ບຸກທະລຸດ້ານຈີນຕະນາການ, ບຸກທະລຸດ້ານກົນໄກການບໍລິ ຫານ, ບຸກທະລຸການສ້າງຊັບພະຍາກອນມະນຸດ
ແລະ ບຸກທະລຸດ້ານການແກ້ໄຂຄວາມທຸກຍາກຂອງປະຊາຊົນ ແລະ ຜ່ານ ການຈັດຕັ້ງປະຕິບັດໃນໄລຍະເຄິ່ງສະໄໝນັ້ນກໍເຫັນວ່າພວກເຮົາຍາດໄດ້ຜົນສຳເລັດຫລາຍດ້ານໂດຍສະເພາະຮັບປະກັນໄດ້
ຄວາມສະຫງົບປອດໄພ ແລະ ເປັນລະບຽບຮຽບຮ້ອຍໂດຍພື້ນຖານອັນເປັນເງື່ອນໄຂອຳນວຍໃຫ້ການພັດທະນາດຳເນີນໄປ
ເປັນປົກກະຕິຕໍ່ເນື່ອງ, ປະຊາຊົນໄດ້ທຳມາຫາກິນຢ່າງສັນຕິສຸກ, ສ່ວນດ້ານເສດຖະກິດປະເທດລາວກໍຖືກຈັດເປັນໜຶ່ງໃນ
10 ປະເທດຂອງໂລກທີ່ມີເສດຖະກິດຂະຫຍາຍຕົວສູງຍ້ອນພວກເຮົາສາມາດປະຕິບັດຄາດໝາຍດ້ານການເຕີບໃຫຍ່ຂອງເສດຖະ
ກິດແຫ່ງຊາດໄດ້ຕາມແຜນວາງໄວ້ຄື: ລວມຍອດມູນຄ່າຜະລິດຕະພັນພາຍໃນ(GDP) ສະເລ່ຍບັນລຸ 8,2%,
ການຮ່ວມມືກັບ ປະເທດຕ່າງໆ ແລະ ບັນດາເພື່ອນມິດກໍໄດ້ຮັບການເປີດກວ້າງ ແລະ ເຂົ້າສູ່ລວງເລິກນຳເອົາຜົນປະໂຫຍດຕົວຈິງມາໃຫ້ແຕ່ລະ
ຝ່າຍ ແລະ ສາມາດດຶງດູດການລົງທຶນເຂົ້າສູ່ປະເທດນັບມື້ຫລາຍຂຶ້ນ. ແນວໃດກໍຕາມຄຽງຄູ່ກັບຜົນສຳເລັດດັ່ງກ່າວການຈັດຕັ້ງ
ປະຕິບັດການພັດທະນາເສດຖະກິດ-ສັງຄົມຂອງປະເທດໃນໄລຍະທ້າຍສະໄໝນີ້, ໂດຍສະເພາະການເຕີບໃຫຍ່ຂອງເສດຖະ
ກິດແຫ່ງຊາດຍັງບໍ່ທັນມີຄຸນນະພາບ ແລະ ມີບາງດ້ານບໍ່ທັນຖືກທິດ, ການເຕີບໃຫຍ່ບັນລຸໄດ້ດ້ວຍການລົງທຶນ
ແລະ ການໃຊ້ ຈ່າຍສີ້ນເປືອງສູງຫລາຍ ແລະ ມີອັນບໍ່ໄປຕາມທິດທີ່ຍືນຍົງ ແລະ ອາດເປັນສາເຫດຂອງການປັ່ນປ່ວນດ້ານເສດຖະກິດມະຫາ
ພາກ. ບາງຂະແໜງການສຳຄັນຍັງບໍ່ໄດ້ຕາມຄາດໝາຍຂອງແຜນການວາງໄວ້ເປັນຕົ້ນ:ກະສິກຳ ເຊິ່ງບໍ່ໄດ້ທັງຄຸນນະພາບ
ແລະ ປະລິມານ, ນອກຈາກນີ້ ກໍມີບັນຫາທ້າທາຍຈຳນວນໜຶ່ງເປັນຕົ້ນ ການແກ້ໄຂຄວາມທຸກຍາກຂອງປະຊາຊົນ,
ການບັນລຸເປົ້າ ໝາຍສະຫັດສະວັດດ້ານການພັດທະນາ, ການສະກັດກັ້ນ ແລະ ແກ້ໄຂບັນຫາໄພສັງຄົມ ແລະ
ປາກົດການຫຍໍ້ທໍ້ອື່ນໆທີ່ພົ້ນ ເດັ່ນໃນສັງຄົມທັງຢູ່ຕົວເມືອງ ແລະ ຊົນນະບົດ ແລະ ບັນຫາອື່ນໆອີກທີ່ຈະຕ້ອງໄດ້ເອົາໃຈໃສ່ປັບປຸງແກ້ໄຂໃຫ້ດີຂຶ້ນ.
No comments:
Post a Comment