ສປປ ລາວ ເຂົ້າເປັນສະມາ ຊິກອາຊຽນໃນປີ
1997, ເຖິງວ່າຫລາຍປີມານີ້, ເສດຖະກິດຂອງລາວຈະຂະຫຍາຍຕົວສູງໃນລະ ດັບສະເລ່ຍ
8% ຕໍ່ປີກໍຕາມ, ແຕ່ຖືວ່າເປັນປະເທດໜຶ່ງທີ່ມີສິ່ງທ້າທາຍຫລາຍສົມຄວນ ເມື່ອກ້າວເຂົ້າສູ່ການເປັນປະຊາຄົມເສດຖະ
ກິດອາຊຽນ. ຕໍ່ບັນຫາດັ່ງກ່າວ, ຜູ້ປະກອບການທຸລະກິດຈຶ່ງຮຽກ ຮ້ອງພາກລັດເລັ່ງປັບປຸງນະໂຍ
ບາຍກ່ຽວຂ້ອງຕ່າງໆ ເພື່ອຊຸກຍູ້ ສົ່ງເສີມ ແລະ ສ້າງຄວາມເຂັ້ມແຂງໃຫ້ແກ່ຫົວໜ່ວຍທຸລະກິດຂະ
ໜາດນ້ອຍ ແລະ ກາງ (SME).
ທ່ານນາງ ວາລີ ເວສພົງ ປະ ທານສະມາຄົມນັກທຸລະກິດໜຸ່ມລາວ
ໃຫ້ສຳພາດເມື່ອບໍ່ດົນມານີ້ ວ່າ: ເພື່ອເປັນການກະ ກຽມຄວາມພ້ອມໃຫ້ແກ່ການເຂົ້າເປັນປະຊາຄົມເສດຖະກິດອາຊຽນໃນປີ
2015 ນີ້, ສຳລັບພາກທຸລະກິດໜຸ່ມກໍແມ່ນເລີ່ມໃຫ້ຄວາມສົນໃຈ ແລະ ເຂົ້າໃຈຫລາຍຕໍ່
AEC ໂດຍໄດ້ມີການເປີດກອງປະຊຸມຮ່ວມລະຫວ່າງພາກລັດ ແລະ ເອກະຊົນຫລາຍເທື່ອ
ເພື່ອແລກປ່ຽນຄວາມຮູ້ ແລະ ສ້າງເງື່ອນໄຂດ້ານຄວາມພ້ອມຕ່າງໆໃນການເຂົ້າສູ່ປະຊາຄົມເສດຖະກິດອາຊຽນ.
ປະທານສະມາຄົມທຸລະກິດໜຸ່ມ ກ່າວວ່າ: ການເປັນປະຊາຄົມເສດຖະກິດອາຊຽນຂອງ
ສປປ ລາວ ແມ່ນມີສິ່ງທ້າທາຍຫລາຍກວ່າໂອກາດ ຍ້ອນພື້ນ ຖານເສດຖະກິດຍັງອ່ອນນ້ອຍ
ແລະ ຈະມີຜົນກະທົບຫລາຍຕໍ່ທຸ ລະກິດຂະໜາດນ້ອຍ ແລະ ກາງ (SME) ທີ່ກວມເຖິງ
90% ຂອງຫົວໜ່ວຍທຸລະກິດທົ່ວປະເທດ ຍ້ອນຜູ້ປະກອບການທຸລະກິດປະເພດດັ່ງກ່າວແມ່ນມີມາດຕະຖານການຜະລິດສິນຄ້າ
ແລະ ຄຸນນະ ພາບບໍ່ທັນສູງ ເມື່ອທຽບໃສ່ປະເທດສະມາຊິກອາຊຽນນຳກັນ, ແຕ່ສຳລັບທຸລະກິດຂະໜາດໃຫຍ່ແມ່ນສາມາດແຂ່ງຂັນໄດ້,
ແຕ່ອາດຈະມີບັນຫາດ້ານບຸກຄະລາກອນທີ່ຂາດຄຸນນະພາບ. ແນວໃດກໍດີ, ເພື່ອຫລຸດຜ່ອນຜົນກະທົບຕ່າງໆ,
ຜູ້ປະກອບການທຸລະກິດ ເຊິ່ງເປັນຫົວໜ່ວຍຂັບເຄື່ອນເສດ ຖະກິດຂອງປະເທດຕ້ອງກ້າສະເໜີບັນຫາທີ່ເປັນສິ່ງທ້າທາຍຂອງຕົນຕໍ່ພາກລັດ
ເພື່ອໃຫ້ຮູ້ເຖິງວິທີການແກ້ໄຂ. ຂະນະດຽວກັນ, ພາກລັດກໍຕ້ອງວາງນະໂຍບາຍທີ່ເປັນການສະໜັບສະໜູນໃນດ້ານຜົນປະໂຫຍດຂອງຜູ້ປະກອບການພາຍໃນປະເທດຕົນ
ໂດຍໃຫ້ສອດຄ່ອງກັບລະບຽບຂອງ AEC ໝາຍວ່າບໍ່ຄວນກຳນົດນະໂຍ ບາຍທີ່ຂັດກັບການດຳເນີນທຸລະກິດຫລາຍເກີນໄປເຊັ່ນ:
ການເກັບພາສີລ່ວງໜ້າ, ດອກເບ້ຍທະນາ ຄານມີອັດຕາສູງ, ຄ່າໄຟຟ້າສູງ ແລະ ອື່ນໆ ເຊິ່ງທັງໝົດແມ່ນການເພີ່ມຕົ້ນທຶນການຜະລິດ
ແລະ ປັດຈຸບັນ ມີຫລາຍຫົວໜ່ວຍທຸລະກິດເລີ່ມມີການເຄື່ອນໄຫວໜ້ອຍລົງ ຍ້ອນບໍ່ສາມາດປັບຕົວເຂົ້າໃນສະພາບເສດຖະກິດມີການປ່ຽນແປງ.
ນອກຈາກນີ້ ພາກລັດກ່ຽວຂ້ອງທີ່ໄດ້ໄປເຈລະຈາກັບສະມາຊິກອາຊຽນຕ້ອງເອົາເນື້ອໃນ
ແລະ ຜົນການເຈລະຈາມາເຜີຍແຜ່ໃຫ້ນັກທຸລະກິດຮັບຮູ້ນຳ ເພື່ອໃຫ້ເຂົາເຈົ້າມີຄວາມເຂົ້າໃຈ
ແລະ ກະກຽມຕົວ, ແຕ່ສິ່ງສຳຄັນຜູ້ປະກອບການຕ້ອງກາທີ່ຈະລົງທຶນໃສ່ລະບົບເຕັກນິກ,
ການຄຸ້ມຄອງບໍລິຫານຢ່າງມືອາຊີບ ເພື່ອສ້າງຄວາມເຊື່ອໝັ້ນຕໍ່ສະຖາບັນການເງິນໃຫ້ປ່ອຍກູ້
ເພື່ອການລົງທຶນ, ການຊອກຫາວິທີຮ່ວມຕົວກັນຈັບຄູ່ທຸລະກິດເພື່ອສ້າງຄວາມເຂັ້ມແຂງ
ແລະ ສິ່ງໃດທີ່ຄິດວ່າຈະໄປບໍ່ລອດຕ້ອງປັບຕົວທັນທີ.
No comments:
Post a Comment