ກະຊວງອຸດສາຫະກຳ ແລະ ການຄ້າ ໃຫ້ຮູ້ວ່າ:
ອຸດສາຫະກຳປຸງແຕ່ງແມ່ນຂະແໜງການສຳ ຄັນໜຶ່ງຂອງເສດຖະກິດແຫ່ງຊາດ ເຊິ່ງໄດ້ປະກອບສ່ວນເຂົ້າໃນການເຕີບໃຫຍ່ຂອງເສດຖະກິດກວມປະມານ
30% ຂອງ GDP. ແຜນພັດທະນາເສດ ຖະກິດ-ສັງຄົມ 5 ປີ ຄັ້ງທີ VII (2011-2015) ຍອດມູນຄ່າການຜະລິດສິນຄ້າອຸດສາ ຫະກຳປຸງແຕ່ງຈະສາມາດບັນລຸໄດ້ປະມານ 9.146 ຕື້ກີບ, ມີອັດຕາການຂະຫຍາຍ ຕົວສະເລ່ຍ
12% ຕໍ່ປີ.
ກະຊວງດັ່ງກ່າວໃຫ້ຮູ້ວ່າ: ໃນຊຸມປີຜ່ານມາ,
ສັງເກດເຫັນວ່າການຂະຫຍາຍ ຕົວຂອງອຸດສາ ຫະກຳປຸງແຕ່ງໃນຂອບເຂດທົ່ວປະເທດມີໂຕເລກເພີ່ມຂຶ້ນຈຳນວນ
34.362 ແຫ່ງ ໃນນີ້ມີໂຮງງານຜະລິດນ້ອຍແບບຄອບຄົວ 25.845 ແຫ່ງ, ໂຮງງານຂະໜາດນ້ອຍ
7.783 ແຫ່ງ, ຂະໜາດກາງ 590 ແຫ່ງ ແລະ ຂະໜາດໃຫຍ່ 405 ແຫ່ງ ແລະ ມີມູນຄ່າການລົງທຶນ
9.635 ຕື້ກີບ.ອັນພົ້ນເດັ່ນແມ່ນມີໂຮງງານຂະໜາດໃຫຍ່ເກີດຂຶ້ນໃນໄລຍະເຄິ່ງສະໄໝແຜນພັດທະ
ນາເສດຖະກິດ-ສັງຄົມ ຄັ້ງທີ VII ນີ້ ຄືໂຮງງານປຸງແຕ່ງກາເຟສຳເລັດຮູບຂອງກຸ່ມບໍລິສັດດາວເຮືອງ,
ໂຮງງານນ້ຳຕານ
ແລະ ປຸງແຕ່ງຢາງພາລາຂອງກຸ່ມບໍລິ ສັດຮວ່າງແອງຢາລາຍ, ໂຮງ ງານປຸງແຕ່ງເກືອກາລີຂອງບໍລິ
ສັດບໍ່ແຮ່ປຸຍກາລີ ລາວ-ຈີນ ຈຳ ກັດ ແລະ ໂຮງງານອື່ນໆ ແລະ ໃນໄລຍະກາງສະໄໝນີ້
ໄດ້ຈັດສັນ ແລະ ກຳນົດເຂດອຸດສາຫະກຳຢູ່ ທຸກແຂວງທົ່ວປະເທດ ເຊິ່ງມີເນື້ອ ທີ່ທັງໝົດ
19.838 ເຮັກຕາ ໂດຍເປົ້າໝາຍເພື່ອສ້າງເຂດ ແລະ ນິ ຄົມອຸດສາຫະກຳຮອງຮັບບັນດາໂຮງຈັກໂຮງງານທີ່ມີແລ້ວ
ແລະ ສ້າງຂຶ້ນໃໝ່ ເຊິ່ງປັດຈຸບັນມີຫລາຍກວ່າ 200 ໂຮງງານດຳເນີນການຜະລິດຢູ່ເຂດດັ່ງກ່າວ.
ສາເຫດທີ່ເຮັດໃຫ້ຂະແໜງອຸດສາຫະກຳປຸງແຕ່ງຢູ່ລາວມີໜໍ່ແໜງການຂະຫຍາຍຕົວໄວນີ້
ແມ່ນຍ້ອນລັດຖະບານໄດ້ມີນະໂຍບາຍພັດທະນາວຽກງານດັ່ງ ກ່າວຢ່າງຈະແຈ້ງ ເພື່ອເປັນແຮງຍູ້ດັນການຂະຫຍາຍຕົວຂອງເສດຖະກິດໃຫ້ສາມາດຂະຫຍາຍ
ຕົວໃນລະດັບ 8% ຕໍ່ປີຂຶ້ນໄປ ແລະ ອີກເຫດຜົນໜຶ່ງແມ່ນ ສປປ ລາວ ຍັງເປັນປະເທດດ້ອຍພັດທະນາ
ຈຶ່ງໄດ້ຮັບນະໂຍບາຍດ້ານການສົ່ງອອກສິນຄ້າໄປກຸ່ມປະເທດອີຢູ ແລະ ປະເທດອື່ນໆໃນໝວດສິນ
ຄ້າທີ່ໄດ້ຮັບສິດພິເສດຫລາຍລາຍ ການ ຈຶ່ງເປັນທີ່ສົນໃຈຂອງນັກລົງທຶນພາຍໃນ
ແລະ ຕ່າງປະເທດເພີ່ມຂຶ້ນ ແລະ ປັດຈຸບັນ,ສປປ ລາວ ກໍພວມເຊື່ອມໂຍງເຂົ້າພາກພື້ນ
ແລະ ສາກົນເທື່ອລະກ້າວ ຄືໄດ້ກາຍເປັນສະມາຊິກຂອງອົງ ການການຄ້າໂລກ ແລະ ກະກຽມເຂົ້າສູ່ປະຊາຄົມເສດຖະກິດອາຊຽນ
(AEC) ໃນປີ 2015 ເຊິ່ງ ການເຊື່ອມໂຍງສາກົນດ້ານການຄ້າໝາຍເຖິງການແຂ່ງຂັນການຄ້າກັບບັນດາຫົວໜ່ວຍທຸລະກິດໃນພາກພື້ນ
ກໍຄືທົ່ວໂລກ ເພື່ອເຮັດໃຫ້ຫົວໜ່ວຍທຸລະກິດພາຍໃນຂອງລາວເຂັ້ມແຂງ.
No comments:
Post a Comment