ໃນວັນທີ 12 ຕຸລາ 2013, ຄະນະຜູ້ແທນຂັ້ນສູງພັກ,
ລັດນຳໂດຍສະຫາຍ ຈູມມາລີ ໄຊຍະສອນ ເລຂາທິການໃຫຍ່ ຄະນະບໍລິຫານງານສູນກາງພັກ ປປ ລາວ, ປະທານປະເທດ
ແຫ່ງ ສປປ ລາວ ເດີນທາງໄປເຂົ້າພິທີໄຫວ້ອາໄລ ແລະ ພິທີ ຊາປະນະກິດສົບ ສະຫາຍພົນເອກ ຫວໍ ຫງວຽນ
ຢາບ ອະ ດີດກຳມະການກົມການເມືອງສູນກາງພັກ, ອະດີດເລຂາຄະ ນະພັກ ການທະຫານສູນກາງ, ອະດີດຮອງນາຍົກລັດຖະມົນ ຕີຜູ້ປະຈຳການ,
ອະດີດລັດຖະມົນຕີວ່າການກະຊວງປ້ອງກັນ ປະເທດ, ອະດີດຜູ້ບັນຊາການສູງສຸດກອງທັບປະຊາ ຊົນຫວຽດນາມ,
ຜູ້ແທນສະພາແຫ່ງຊາດ ຫວຽດ ນາມ ແຕ່ຊຸດ ທີ I ເຖິງ ຊຸດທີVII ວິລະບູລຸດແຫ່ງຊາດຫວຽດນາມ ທີ່ໄດ້ເຖິງແກ່ມໍລະນະກຳໃນວັນ
ທີ 4 ຕຸລາ 2013 ເຊິ່ງໄດ້ຈັດຂຶ້ນຢູ່ທີ່ນະຄອນ ຫລວງຮ່າໂນ້ຍ ແຫ່ງ ສສ ຫວຽດນາມ ໃນວັນທີ 12 ແລະ 13 ຕຸລາ 2013.
ຄະນະຜູ້ແທນຂັ້ນສູງພັກລັດ ລາວໄດ້ຮັບການຕ້ອນຮັບຈາກສະຫາຍ
ຫງວ້ຽນຟູ້ ຈ້ອງ ເລຂາທິການໃຫຍ່ຄະນະບໍລິ ຫານງານສູນກາງພັກກອມມູນິດຫວຽດນາມ, ຫົວໜ້າຄະນະຮັບຜິດຊອບພິທີຊາປະນະກິດສົບຂອງສະຫາຍພົນເອກ
ຫວໍ
ຫງວຽນຢາບ ພ້ອມດ້ວຍພາກສ່ວນທີ່ກ່ຽວຂ້ອງຫວຽດນາມ. ຄະນະຜູ້ແທນຂັ້ນສູງພັກລັດລາວ ໄດ້ໄປວາງພວງມາລາ,
ເຊັນ ປື້ມໄວ້ອາໄລ ແລະ ຮ່ວມພິທີຊາປະນະກິດສົບສະຫາຍ ພົນເອກ ຫວໍຫງວຽນຢາບ ຢູ່ທີ່ຫໍໄວ້ອາໄລແຫ່ງຊາດ
ເລກທີ 5 ເຈິ່ນ ແທ້ງຕົງ, ຮ່າໂນ້ຍ ຊຶ່ງພິທີຊາປະນະກິດສົບດັ່ງກ່າວໄດ້ຈັດຂຶ້ນໃນລະດັບຊາດໂດຍມີຜູ້ນຳຂັ້ນສູງສຸດຂອງພັກ,
ລັດ, ສະພາແຫ່ງ ຊາດ, ແນວໂຮມປະເທດຊາດຫວຽດນາມ ພ້ອມດ້ວຍມວນຊົນນະຄອນຫລວງຮ່າໂນ້ຍ ເຂົ້າຮ່ວມຢ່າງຫລວງຫລາຍ,
ສະແດງ ເຖິງຄວາມເຄົາລົບນັບຖືຂອງປະຊາຊົນຫວຽດນາມທ່ີມີຕໍ່ສະຫາຍພົນເອກຫວໍຫງວຽນຢາບ ນັກປະຕິວັດທ່ີອົງອາດກ້າຫານ,
ວິລະບູລຸດຂອງຊາດຫວຽດນາມວິລະຊົນ.
ໃນຕອນແລງຂອງວັນດຽວກັນ, ສະຫາຍ ຈູມມາລີ ໄຊຍະສອນ
ແລະ ຄະນະໄດ້ພົບກັບສະຫາຍ ຫງວຽນ ຝູ້ ຈ໋ອງ ຢູ່ທີ່ສຳ ນັກງານຂອງສູນກາງພັກ. ໃນເວລາພົບ
ປະກັນນັ້ນ, ສະຫາຍ ຫງວຽນ ຝູ້ ຈ໋ອງ ໄດ້ສະແດງຄວາມຂອບໃຈ ແລະ ຕີລາຄາສູງຕໍ່ຄະນະຜູ້ແທນຂັ້ນສູງພັກ,
ລັດ, ສະພາແຫ່ງຊາດ ແລະ ແນວລາວສ້າງຊາດ ນຳໂດຍສະຫາຍ ຈູມມາລີ ໄຊຍະສອນ ທີ່ໄດ້ມາໄວ້ອາໄລ
ແລະ ຮ່ວມພິທີຊາປະນາກິດສົບສະຫາຍ ພົນເອກ ຫວໍ ຫງວຽນ ຢາບ ເຊິ່ງເປັນການສະແດງໃຫ້ເຫັນເຖິງໄມຕີຈິດມິດຕະພາບຖານສະຫາຍອ້າຍນ້ອງທີ່ແທ້ຈິງລະຫວ່າງສອງພັກ,
ສອງລັດ ແລະ ປະຊາຊົນສອງຊາດລາວ-ຫວຽດນາມ, ສະແດງຄວາມຂອບໃຈຕໍ່ລາວທີ່ໄດ້ສົ່ງໂທລະເລກສະແດງຄວາມເສົ້າສະຫລົດໃຈມາຍັງການນຳພັກລັດຫວຽດນາມ,
ຂອບໃຈສື່ຕ່າງໆຂອງລາວທີ່ໄດ້ອອກຂ່າວກ່ຽວກັບສະຫາຍ ພົນເອກ ຫວໍ ຫງວຽນ ຢາບ.
ສະຫາຍ ຫງວຽນ ຝູ້ ຈ໋ອງ ຍັງໄດ້ແຈ້ງຜົນກອງປະ ຊຸມສູນກາງຄັ້ງ ທີ 8 ສະໄໝທີ 11 ໂດຍເລັ່ງໃສ່
5 ເນື້ອໃນທີ່ສຳຄັນຄືການພັດທະນາເສດຖະກິດ-ສັງຄົມ, ການສຶກສາວັດທະ ນະທຳ, ການປັບປຸງລັດຖະທຳມະນູນ,
ການປ້ອງກັນຊາດ- ປ້ງກັນຄວາມສະຫງົບໃນສະພາບການໃໝ່ກໍຄືການກໍ່ສ້າງພັກ ແລະ ການນຳພາຂອງພັກ;
ແຕ່ງຕັ້ງອະນຸກຳມະການຕ່າງໆເພື່ອກະກຽມໃຫ້ແກ່ກອງປະຊຸມໃຫຍ່ຄັ້ງທີ 12 ຂອງພັກ.
ແຈ້ງສະພາບການພັດທະນາເສດຖະກິດ- ສັງຄົມຂອງຫວຽດນາມໃນໄລຍະເຄິ່ງສະໄໝ ແລະ ການກະກຽມເປີດກອງປະຊຸມສະພາແຫ່ງຊາດຫວຽດນາມ
ໃນວັນທີ 21 ຕຸລາ 2013 ເຊິ່ງຈະໃຊ້ເວ ລາ 45 ວັນ ກໍຄືຜົນສຳເລັດອັນໃຫຍ່ຫລວງໃນການເຄື່ອນໄຫວວຽກງານການຕ່າງປະເທດຂອງພັກ-ລັດຫວຽດນາມ.
ສະຫາຍ ຈູມມາລີ ໄຊຍະສອນ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງສະຫາຍເລຂາທິການໃຫຍ່
ຫງວຽນ ຝູ້ ຈ໋ອງ; ຕີລາຄາສູງຕໍ່ບົດບາດການຊີ້ນຳ-ນຳພາຂອງ ສະຫາຍ ພົນເອກ ຫວໍ ຫງວຽນ
ຢາບ ຕໍ່ການ ຈັດພິທີໄວ້ອາໄລ ແລະ ການຈັດພິທີຊາປະນະກິດສົບລະດັບຊາດຢ່າງສົມກຽດຂອງພັກ,
ລັດຫວຽດນາມ ພ້ອມທັງສະແດງຄວາມເສົ້າໂສກເສຍດາຍຕໍ່ການມໍລະນະກຳຂອງສະຫາຍ ພົນເອກ
ຫວໍ ຫງວຽນ ຢາບ. ພ້ອມນີ້, ສະຫາຍ ຈູມມາລີ ໄຊຍະສອນ ຍັງໄດ້ແຈ້ງຜົນກອງປະຊຸມຄົບຄະນະບໍລິຫານງານສູນກາງພັກຄັ້ງທີ
6 ສະໄໝ ທີ 9 ແລະ ສະພາບການພັດທະນາເສດຖະກິດ-ສັງຄົມຂອງລາວໃນໄລຍະມໍ່ໆມານີ້.
ຜູ້ນຳທັງສອງຍັງໄດ້ພ້ອມ ກັນຢືນຍັນເຖິງການສືບຕໍ່ປົກປັກຮັກສາ,
ເສີມຂະຫຍາຍ ແລະ ຮັດແໜ້ນສາຍພົວພັນສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ,
ສອງລັດແລະ ປະຊາຊົນສອງຊາດ ລາວ-ຫວຽດ ນາມ ຕະຫລອດໄປ; ພ້ອມທັງເປັນເອກະພາບນຳກັນກ່ຽວກັບແຜນ
ການການພົວພັນຮ່ວມມື ລະ ຫວ່າງ ສອງປະເທດໃນຕໍ່ໜ້າ.
No comments:
Post a Comment