ໃນໂອກາດສະເຫລີມສະ ຫລອງວັນສາກົນ ແລະ ສັບປະດາແຫ່ງຊາດເພື່ອ ລຶບລ້າງຄວາມ
ທຸກຍາກ 17-24 ຕຸລາ, ຄະນະພັດທະນາຊົນນະບົດ ແລະ ລຶບລ້າງ ຄວາມທຸກຍາກ ໄດ້ຈັດຂະບວນຍ່າງເພື່ອສຸຂະພາບຂຶ້ນໃນຕອນ
ເຊົ້າວັນທີ 12 ຕຸລາ ນີ້ຢູ່ສວນປະຕູໄຊ ຊຶ່ງຍ່າງໄປຮອດຫໍຄຳ ແລະ ກັບມາສວນປະຕູໄຊ ເພື່ອສະແດງພະ ລັງແຫ່ງຊາດຮ່ວມກັບບັນດາປະຊາຊາດ
ໃນໂລກຕໍ່ສູ້ກັບຄວາມທຸກຍາກ ແລະ ໄພອຶດຫິວຢູ່ໃນໂລກໂດຍສະເພາະແມ່ນຢູ່ລາວໂດຍເປັນກຽດເຂົ້າຮ່ວມຂອງ
ທ່ານ ອາ ຊາງ ລາວລີ ຮອງນາຍົກລັດຖະມົນຕີ, ຜູ້ຊີ້ນຳວຽກງານວັດທະນະທຳ-ສັງຄົມ, ມີພະນັກງານຂັ້ນນຳຂອງບັນດາກະຊວງ
ແລະ ພາກສ່ວນກ່ຽວຂ້ອງເຂົ້າຮ່ວມຢ່າງຫລວງຫລາຍ.
ທ່ານ ບຸນເຮືອງ ດວງພະຈັນ ລັດຖະມົນຕີປະຈຳຫ້ອງວ່າການລັດຖະບານ,
ຫົວໜ້າຄະນະພັດທະນາຊົນນະບົດ ແລະ ລຶບລ້າງ ຄວາມທຸກຍາກຂັ້ນສູນກາງໄດ້ ກ່າວວ່າ:ຄວາມທຸກຍາກ
ແລະ ຄວາມອຶດຫິວ ເປັນບັນຫາໃຫຍ່ຂອງໂລກມາຫລາຍທົດສະວັດ ແລະ ບັນດາປະຊາຊາດ
ໄດ້ມີການເຄື່ອນໄຫວໃນຫລາຍຮູບການ ເພື່ອຕໍ່ສູ້ກັບຄວາມທຸກຍາກ ແລະ ຄວາມອຶດ
ຫິວ.
ແຕ່ເຖິງຢ່າງໃດກໍດີ, ບັນຫາຄວາມທຸກຍາກ ແລະ ຄວາມອຶດຫິວດັ່ງກ່າວ ຍັງ
ສືບຕໍ່ເປັນບັນຫາໃຫຍ່ທີ່ປະຊາຄົມໂລກຕ້ອງໄດ້ສາມັກຄີກັນຕໍ່ສູ້ ແລະ ຮ່ວມກັນແກ້ໄຂ
ຊຶ່ງເຫດ ການທີ່ພົ້ນເດັ່ນແມ່ນ ໃນວັນທີ 7 ຕຸລາ 1987 ໄດ້ມີມວນຊົນນັບແສນຄົນອອກມາເດີນຂະບວນຢູ່
ໂທຣກາ ເດີໂຣ ຢູ່ນະຄອນຫລວງປາຣີ ປະເທດຝຣັ່ງ ເພື່ອສະແດງພະລັງຕໍ່ສູ້ກັບຄວາມທຸກຍາກ
ແລະ ຮຽກຮ້ອງໃຫ້ອຸທິດ ໃຫ້ແກ່ຜູ້ທີ່ໄດ້ຮັບເຄາະຮ້າຍຈາກຄວາມອຶດຫິວ.ສະນັ້ນ
ເພື່ອຕອບສະໜອງຄວາມຮຽກຮ້ອງຕ້ອງການອັນຈຳເປັນ ແລະ ຮີບດ່ວນຂອງບັນດາປະຊາຊາດດັ່ງກ່າວນັ້ນ,
ໃນປີ 1993 ກອງປະຊຸມສະມັດຊາໃຫຍ່ ອົງການສະຫະປະຊາຊາດ ໄດ້ປະກາດເອົາວັນທີ
17 ຕຸລາ ຂອງທຸກໆປີເປັນວັນສາກົນເພື່ອລຶບລ້າງຄວາມທຸກຍາກ ໂດຍມອບໃຫ້ບັນດາປະເທດສະມາຊິກ
ເຕົ້າໂຮມເອົາອົງການຈັດຕັ້ງສັງຄົມຈັດກິດຈະກຳຕ່າງໆເພື່ອປຸກລະດົມຂະບວນການ ແລະ
ລະດົມທຶນຮອນເຂົ້າໃສ່ການລຶບລ້າງຄວາມທຸກຍາກ ແລະ ຕໍ່ມາ, ອົງການສະຫະປະຊາຊາດ
ໄດ້ກຳນົດເອົາໄລ ຍະປີ 1997-2006 ເປັນທົດສະວັດທຳອິດເພື່ອລຶບລ້າງຄວາມທຸກຍາກ.
ສຳລັບ ສປປ ລາວ ໃນປີ 2003,ກອງປະຊຸມສະຫລຸບການແກ້ໄຂຄວາມທຸກຍາກທົ່ວປະເທດຄັ້ງທີ
I ໄດ້ກຳນົດເອົາວັນທີ 17- 24 ຕຸລາ ຂອງທຸກໆປີ ເປັນສັບປະ ດາແຫ່ງຊາດ ເພື່ອລຶບລ້າງຄວາມ
ທຸກຍາກ ແລະ ເລີ່ມແຕ່ປີ 2003 ເປັນຕົ້ນມາ,ລັດຖະບານໄດ້ຮ່ວມກັບອົງການສະຫະປະຊາຊາດ
ເພື່ອການພັດທະນາຈັດຕັ້ງ ພິທີ,ຈັດກິດຈະກຳຕ່າງໆໃນລະ ດັບທີ່ແຕກຕ່າງກັນ ເພື່ອສະເຫລີມ
ສະຫລອງວັນສາກົນ ແລະ ສັບ ປະດາແຫ່ງຊາດເພື່ອລຶບລ້າງຄວາມທຸກຍາກໃນແຕ່ລະປີ.
No comments:
Post a Comment