ປີ 2012 ມີອັກຄີໄພເກີດຂຶ້ນເຖິງ 148
ເທື່ອ, ໃນນັ້ນ ມີຜູ້ເສຍຊີວິດ 2 ຄົນ, ບາດເຈັບ 1 ຄົນ, ໄດ້ສ້າງຄວາມເສຍຫາຍເປັນມູນຄ່າເຖິງ
142 ຕື້ກວ່າກີບ, ເພື່ອເປັນການຫລຸດຜ່ອນຜົນເສຍຫາຍດ້ານຊີວິດ ແລະ ຊັບສິນຂອງປະ
ຊາຊົນ. ດັ່ງນັ້ນ ໃນວັນທີ 14 ຕຸລາ ນີ້, ໜ່ວຍງານວິຊາການກົມຕຳ ຫລວດຕ້ານ ແລະ ສະກັດກັນອັກ
ຄີໄພ ກະຊວງປ້ອງກັນຄວາມສະ ຫງົບ ໄດ້ເຄື່ອນໄຫວເຜີຍແຜ່ຄວາມຮູ້ ແລະ ຄວາມເຂົ້າໃຈ
ກ່ຽວກັບວຽກງານຕ້ານ ແລະ ສະ ກັດກັ້ນອັກຄີໄພໃຫ້ພະນັກງານ- ລັດຖະ ກອນທີ່ຮັບຜິດຊອບພິພິຕະ
ພັນໄກສອນ ພົມວິຫານ ໂດຍການ ເຂ້ົາຮ່ວມຂອງທ່ານ ສຸວັນດີ ສີສະຫວັດ ຮອງຫົວໜ້າຫ້ອງວ່າການສູນກາງພັກ,
ຫົວໜ້າຄະນະຮັບ ຜິດຊອບພິພິຕະພັນ ໄກສອນ ພົມ ວິຫານ.
ໃນໂອກາດນີ້, ຜູ້ເຂົ້າຮ່ວມ ໄດ້ຮັບຟັງການເຜີຍແຜ່ຄວາມຮູ້ທົ່ວໄປກ່ຽວກັບວຽກງານຕ້ານ
ແລະ ກັດກັ້ນອັກຄີໄພ, ຄວາມເສຍຫາຍທີ່ເກີດຂຶ້ນຈາກອັກຄີໄພ, ຮຽນຮູ້ການນຳໃຊ້ອຸປະກອນມອດໄຟ
ແລະ ອື່ນໆ. ນອກຈາກຮຽນພາກທິດສະດີແລ້ວ, ຜູ້ເຂົ້າ ຮ່ວມຍັງໄດ້ປະຕິບັດຕົວຈິງໃນການນຳໃຊ້ອຸປະກອນຕ່າງໆ,
ການໜີໄຟ, ການມອດໄຟທີ່ເກີດຈາກນ້ຳມັນ, ອາຍແກັສ. ຜ່ານ ການເຝິກອົບຮົມເທື່ອນີ້
ເຮັດໃຫ້ຜູ້ເຂົ້າຮ່ວມມີສະຕິລະວັງຕົວໃນການປ້ອງກັນອັກຄີໄພ, ເຂົ້າໃຈເຖິງຄວາມອັນຕະ
ລາຍຂອງໄຟແລະ ສາມາດແກ້ໄຂສະຖານະການສຸກເສີນເມື່ອເກີດອັກຄີໄພ ເພື່ອເປັນການປ້ອງກັນ
ແລະ ຫລຸດຜ່ອນຜົນເສຍຫາຍດ້ານຊີ ວິດ ແລະ ຊັບສິນທີ່ເກີດຈາກອັກຄີໄພ.
No comments:
Post a Comment