ເປີດທົດລອງໃຊ້ຂົວນ້ຳຂອງໄຊຍະບູລີ-ຫລວງພະບາງ

              ຂົວນ້ຳຂອງປາກຄອນ- ທ່າເດື່ອ ( ຫລວງພະບາງ- ໄຊຍະບູລີ ) ໄດ້ ເປີດທົດລອງນຳໃຊ້ໃນວັນທີ 12 ຕຸລານີ້ ພາຍຫລັງບໍລິສັດຜູ້ຮັບເໝົາໄດ້ສຸມໃສ່ ການກໍ່ສ້າງມາແຕ່ເດືອນພຶດສະພາ  2010 ເປັນຕົ້ນມາ.          

            ໃນພິທີເປີດທົດລອງນຳໃຊ້ຂົວແຫ່ງນີ້ໂດຍມີການເຂົ້າຮ່ວມຂອງຮອງເຈົ້າ ແຂວງທັງສອງແຂວງໄຊຍະບູລີ ແລະ ຫລວງພະບາງ.                        

           ທ່ານ ສີສຸພັນ ພິມສີປະສົມ ຫົວໜ້າໂຄງການກໍ່ສ້າງທາງ ຊຽງເງິນ-ປາກ ຄອນ ແລະ ຂົວຂ້າມນ້ຳຂອງປາກຄອນ-ທ່າ ເດື່ອ ໄດ້ລາຍງານວ່າ: ໂຄງການກໍ່ສ້າງຂົວນໍ້າຂອງປາກຄອນ- ທ່າເດື່ອ ແມ່ນສ່ວນ ໜຶ່ງຂອງໂຄງການປັບປຸງລະບົບຕາໜ່າງການ ຂົນສົ່ງຂອງອະນຸພາກພື້ນແມ່ນໍ້າຂອງຕອນເໜືອ ເຊິ່ງລວມເອົາການປັບປຸງທາງເລກ 4 ຍາວ ເກືອບ 400 ກິໂລແມັດ, ແຕ່ ເມືອງຊຽງເງິນ (ສາມແຍກທາງ 13 ເໜືອ, ແຂວງ ຫຼວງພະບາງ) ຫາບ້ານນາຄ່າ ( ຊາຍ ແດນລາວ-ໄທ ແຂວງໄຊຍະບູລີ), ສະ ເພາະຂົວນໍ້າຂອງແຫ່ງນີ້ ແມ່ນນອນໃນສັນຍາກໍ່ສ້າງທາງເລກ 4 ໄລຍະ I ຊຽງ ເງິນ -

ປາກຄອນ ແລະ ຂົວນໍ້າ ຂອງປາກຄອນ-ທ່າເດື່ອທີ່ໄດ້ຮັບການສະໜັບສະໜູນການເງິນຈາກລັດຖະບານສາທາລະນະລັດເກົາຫຼີ ເປັນເງິນກູ້ຢືມ 80% ແລະ ເງິນສົມທົບ ຂອງລັດຖະບານ ລາວ 20%, ລວມມູນຄ່າທັງໜົດ  ເກືອບ 10 ລ້ານໂດລາສະຫະ ລັດ. ຂົວແຫ່ງນີ້ມີຄວາມຍາວທັງໝົດ 620 ແມັດ ແລະ ກວ້າງ 10,5 ແມັດ, ໃນນັ້ນໜ້າທາງລົດແລ່ນມີ 2 ຊ່ອງການສັນຈອນ, ກວ້າງ 8 ແມັດ, ທາງຄົນຍ່າງເບື້ອງລະ 0,75 ແມັດ ແລະ ຂອບຮາວ 0,5 ແມັດ.ຂົວແຫ່ງນີ້ປະກອບມີ 6 ຊ່ອງ, ສະເພາະ 2 ຊ່ອງ ແມ່ນເສັ້ນ ທາງສົ້ນຂົວກວ້າງ 70 ແມັດ ແລະ 4 ຊ່ອງກາງນໍ້າກວ້າງ 120 ແມັດ, ເສົາຂົວກາງນໍ້າສູງ 45 ແມັດ, ໂດຍແມ່ນກະຊວງໂຍທາທິການ ແລະ ຂົນສົ່ງ ເປັນເຈົ້າຂອງໂຄງການ, ມີບໍລິສັດໂດວາ ອິນຈິເນຍ ຣິງ ສາທາລະນະລັດເກົາຫຼີ ຮ່ວມກັບລັດວິສາຫະກິດວິສະວະກຳຄົມມະ ນາຄົມ ( ລາວ )ເປັນຜູ້ອອກແບບ ແລະ ຄວບຄຸມການກໍ່ສ້າງ ແລະ ບໍລິສັດອີຈັງ ຊີແອນດີ ຮ່ວມກັບ ບໍລິສັດກາບູນຄອນສະ ຕຣັກຊັນສາທາລະນະລັດເກົາຫຼີເປັນຜູ້ຮັບເໝົາກໍ່ສ້າງ. ຈາກນັ້ນ ທ່ານ ຮອງເຈົ້າແຂວງໄຊຍະບູລີ ແລະ ຫຼວງພະບາງ ໄດ້ຮ່ວມ ຕັດແຖບຜ້າເປີດທົດລອງນຳໃຊ້ຂົວດັ່ງກ່າວຢ່າງເປັນທາງການ.