ບັນຫາການຄ້າຂາຍລົດເຖື່ອນ (ລົດບໍ່ມີໜັງສື)
ແມ່ນເກີດຂຶ້ນຢ່າງແຜ່ຫລາຍຢູ່ແຂວງບໍລິຄຳໄຊ ໂດຍປະຕິບັດຕາມທິດຊີ້ ນຳ ຂອງກະຊວງປ້ອງກັນຄວາມສະຫງົບ
ກໍ ຄືກອງບັນຊາການ ປກສ. ແຂວງ ບໍລິຄຳໄຊ ວາງອອກ; ດັ່ງນັ້ນພະແນກຕຳ ຫລວດເສດຖະກິດເມືອງບໍລິຄັນ
ຈື່ງໄດ້ເຄຶ່ອນໄຫວກວດກາການສັນຈອນ ເຊິ່ງເລີ່ມມາແຕ່ເດືອນສີງຫາ ເຖິງປັດຈຸບັນສາມາດ
ພົບເຫັນ ແລະ ຢຶດພາຫະນະປະເພດລົດຈັກ (ບໍ່ມີໜັງສື ) ໄດ້ຈຳນວນ 12 ຄັນ; ໃນນີ້ ມີລົດຈັກຍີ່ຫໍ້
ຮອນດາເວັບ100 (ລົດໄທ) 2 ຄັນ, ລົດຈັກຍີ່ຫໍ້ LS 3 ຄັນ, ລົດເທນາ 1 ຄັນ, ລົດຈັກຍີ່ຫໍ້ສະກຸບປີ້ໄອ
3 ຄັນ ແລະ ລົດຈັກເວັບຈີນ ຈຳນວນ 3 ຄັນ.
ລົດຈັກຈຳນວນດັ່ງກ່າວ ແມ່ນນຳເຂົ້າໂດຍບໍ່ຖືກຕ້ອງ
ແລະ ບໍ່ມີເອກະສານ ດັ່ງນັ້ນ ເຈົ້າໜ້າທີ່ພະແນກຕຳຫລວດເສດ ຖະກິດ ປກສ. ເມືອງບໍລິຄັນ
ຈື່ງໄດ້ນຳລົດຈຳນວນດັ່ງກ່າວ ມາຮັກສາໄວ້ຢູ່ກອງບັນຊາການ ປກສ. ເມືອງ ເພື່ອດຳເນີນຄະດີຕາມລະ
ບຽບກົດໝາຍໃນຂັ້ນຕໍ່ໄປ.
No comments:
Post a Comment