ໃນຕອນເຊົ້າວັນທີ 17 ຕຸລານີ້, ຢູ່ລັດວິສາຫະກິດການບິນລາວ,
ທ່ານ ດຣ. ສົມພອນ ດວງດາລາ ອຳນວຍການລັດວິສາຫະກິດການບິນລາວ ໄດ້ຖະແຫລງ ຂ່າວຕໍ່ສື່ມວນຊົນກ່ຽວກັບອຸປະຕິເຫດຍົນໂດຍສານວຽງຈັນ-ປາກເຊຕົກໃນຕອນແລງຂອງວັນທີ
16 ຕຸລານີ້ວ່າ: ເຮືອບິນ ATR72:600 ຖ້ຽວບິນ QV 301 ທີ່ເດີນທາງຈາກນະຄອນຫລວງວຽງຈັນຫາສະໜາມບິນປາກເຊ
ເຊິ່ງຂຶ້ນຈາກນະຄອນຫລວງວຽງຈັນເວລາ 14:45 ໂມງ ຕາມເວລາທ້ອງຖິ່ນ ແລະ ຄາດຈະໄປເຖິງສະໜາມບິນປາກເຊເວລາ
15:55 ໂມງ ຕາມເວລາທ້ອງຖິ່ນ ໃນຂະນະລົງສູ່ສະໜາມບິນປາກເຊ ໄດ້ພົບເກັບເຂດອາກາດປັ່ນປ່ວນຝົນຟ້າຄະ
ນອງກະທັນຫັນ ຈົນເປັນເຫດໃຫ້ເຮືອບິນລຳດັ່ງກ່າວເກີດອຸປະຕິເຫດຕົກລົງແມ່ນ້ຳຂອງ
ເຊິ່ງມີຜົນພາໃຫ້ຜູ້ໂດຍສານ ແລະ ຈຸບິນທັງໝົດເສຍຊີວິດ. ໃນຖ້ຽວບິນດັ່ງກ່າວມີນັກບິນ
2 ຄົນ, ພະນັກ ງານຈຸຫ້ອງໂດຍສານ 2 ຄົນ, ນາຍຊ່າງ 1 ຄົນ ແລະ ຜູ້ໂດຍ ສານ 44 ຄົນ,
ໃນນັ້ນ ລວມມີສັນຊາດລາວ 16 ຄົນ, ຝຣັ່ງ 7 ຄົນ, ອົດສະຕຣາລີ 6 ຄົນ, ໄທ 5 ຄົນ, ເກົາຫລີ
3 ຄົນ, ຫວຽດນາມ 2 ຄົນ ແລະ ອາເມລິກາ, ການາດາ, ຈີນ, ມາເລເຊຍ, ໄຕ້ຫວັນ ປະເທດລະໜຶ່ງຄົນ.
ພາຍຫລັງເກີດເຫດ ຄະນະ
ນຳຂອງລັດວິສາຫະກິດການບິນລາວໄດ້ມີຄວາມພະຍາ ຍາມສຸດຂີດໃນການກູ້ໄພ
ເພື່ອຊອກຄົ້ນຫາຜູ້ອາດລອດຊີວິດ ເຊິ່ງປັດ ຈຸບັນຍັງບໍ່ທັນພົບຊາກເຮືອບິນນັ້ນເທື່ອ.
ພ້ອມນັ້ນ ລັດວິສາຫະກິດການບິນລາວ ພ້ອມຈະອຳນວຍຄວາມສະດວກທຸກປະ ການໃຫ້ບັນດາຄອບຄົວຜູ້ປະສົບເຄາະຮ້າຍ
ເພື່ອໃຫ້ເຂົາເຈົ້າໄປເຖິງສະຖານທີ່ເກີດເຫດຕາມຄວາມຕ້ອງການ. ພ້ອມນີ້ ໄດ້ຈັດ
ຕັ້ງຄະນະຮັບຜິດຊອບການແກ້ໄຂສະຖານະການສຸກເສີນ ພ້ອມທັງໄດ້ແຈ້ງເບີໂທລະສັບສາຍກົງ
ເພື່ອໃຫ້ຍາດພີ່ນ້ອງຂອງຜູ້ປະສົບເຄາະຮ້າຍໄດ້ຕິດຕໍ່ພົວພັນໃນກໍລະນີທີ່ຕ້ອງການຮັບຊາບຄວາມຄືບໜ້າຂອງເຫດການ
ເຊິ່ງປັດຈຸບັນຍັງບໍ່ສາມາດສະ ຫລຸບລາຍລະອຽດເຖິງສາເຫດຂອງການເກີດອຸປະຕິເຫດໃນເທື່ອນີ້ໄດ້ເທື່ອ.
ເຖິງຢ່າງໃດກໍຕາມ, ການບິນລາວ ໄດ້ປະສານສົມທົບກັບເຈົ້າໜ້າທີ່ກ່ຽວຂ້ອງລວມທັງຊ່ຽວຊານຈາກໂຮງງານຜະລິດເຮືອບິນ
ເພື່ອສືບຕໍ່ດຳເນີນການຄົ້ນຫາສາເຫດຂອງການເກີດອຸປະຕິເຫດໃນເທື່ອນີ້ ໂດຍເຮືອບິນລຳດັ່ງກ່າວການບິນລາວໄດ້ຊື້ມາແຕ່ໂຮງງານຜະລິດຈາກປະເທດຝຣັ່ງ
ແລະ ມາຮອດວຽງຈັນໃນວັນທີ 28 ມີນາ 2013 ມີ 758ຊົ່ວໂມງບິນ. ສະນັ້ນ ລັດວິສາຫະກິດການບິນລາວຂໍສະແດງຄວາມເສຍໃຈຕໍ່ເຫດ
ການອັນບໍ່ເພິ່ງປາດຖະໜາ ແລະ ຂໍສະແດງຄວາມໂສກເສົ້າສະຫລົດໃຈມາຍັງຍາດພີ່ນ້ອງຂອງຜູ້ປະສົບເຄາະຮ້າຍໃນເທື່ອນີ້
ດ້ວຍ.
ສ່ວນຜູ້ເສຍຊີວິດມາຮອດ ເວລາ 18 ໂມງ ຂອງວັນທີ
17 ຕຸລານີ້ 11 ສົບ ໃນນັ້ນເປັນຄົນລາວ 1 ສົບ ເຊິ່ງພີ່ນ້ອງໄດ້ນຳ ສົບໄປທຳບຸນຕາມປະເພນີ.
No comments:
Post a Comment