ສປປ ລາວ ຂຶ້ນຊື່ວ່າເປັນປະເທດທີ່ມີຄວາມງົດງາມ,
ມີຊັບພະຍາກອນທຳມະຊາດອຸດົມສົມບູນ,ມີຮີດຄອງປະເພນີວັດທະນະທຳອັນດີງາມ ແລະ ຄົນລາວມີຄວາມສາມັກຄີໂອບອ້ອມອາລີເອື້ອເຟື້ອເພື່ອແຜ່
ຊ່ວຍເຫລືອເຊິ່ງກັນ ແລະ ກັນ ເຊິ່ງ ທັງ ໝົດນີ້ໄດ້ກາຍເປັນເງື່ອນໄຂໜຶ່ງໃຫ້ບໍລິສັດຜູ້ຜະລິດເຄື່ອງດື່ມສິ່ງມຶນເມົາທັງຫລາຍເອົາໄປເປັນສາກບັງໜ້າ
ເພື່ອໂຄສະນາດຶງດູດໃຫ້ສັງຄົມບໍລິໂພກຜະລິດຕະພັນຂອງຕົນໃຫ້ຫລາຍຂຶ້ນ ໂດຍບໍ່ຄຳນຶງວ່າ:ການໂຄສະນາໃນລັກສະນະດັ່ງກ່າວນັ້ນນອກ
ຈາກເປັນການຍຸຍົງໃຫ້ສັງຄົມມີການເບື່ອເມົາ, ຫລິ້ນກິນຟຸມເຟືອຍນັບມື້ເພີ່ມຂຶ້ນແລ້ວຍັງກໍ່ໃຫ້ເກີດຜົນກະທົບອັນບໍ່ດີຫລາຍຢ່າງຕາມມາ
ເປັນຕົ້ນສະພາບອຸປະຕິເຫດທີ່ມີທ່າອ່ຽງເພີ່ມຂຶ້ນ.
ອົງການອະນາໄມໂລກ ໄດ້ເປີດເຜີຍຜົນສຳຫລວດນັບແຕ່ປີ
2008 ເປັນຕົ້ນມາຈຶ່ງພົບໂຕເລກທີ່ບໍ່ເພິ່ງ ປາຖະໜາ ຄື ປະເທດລາວເປັນ ອັນດັບໜຶ່ງໃນການດື່ມເຫລົ້າ
ແລະ ເບຍຫລາຍກວ່າໝູ່ ໃນ 10 ປະເທດສະມາຊິກອາຊຽນໂດຍສະເລ່ຍ 7 ລິດຕໍ່ຄົນຕໍ່ປີ
ແລະ ໃນ 3 ຊາດອິນດູຈີນ,ແມ່ຍິງລາວກໍຕິດ ອັນດັບດື່ມເບຍຫລາຍກວ່າໝູ່. ສາເຫດຂອງການຕິດອັນດັບຄືດັ່ງ
ກ່າວ
ມາຈາກປະເທດລາວປະ ກອບມີຫລາຍຊົນເຜົ່າທີ່ມີຮີດຄອງປະເພນີ ແລະ ເອກະລັກວັດທະ
ນະທຳແຕກຕ່າງກັນ ແລະ ສ່ວນ ຫລາຍແມ່ນມັກມີສິ່ງມຶນເມົາເຂົ້າ ມາມີສ່ວນຮ່ວມ ເພື່ອເປັນເຄື່ອງດື່ມ.ຂະນະດຽວກັນການໂຄສະ
ນາຜ່ານສື່ຕ່າງໆເຊັ່ນ: ໜັງ ສືພິມ, ວາລະສານ, ວິທະຍຸ, ໂທລະພາບ, ປ້າຍໂຄສະນາຕາມແຄມທາງ
ກໍເຮັດເປັນຂະບວນເຂັ້ມແຂງຂຶ້ນຢ່າງບໍ່ຢຸດຢັ້ງ.ຕາມສະຖານທີ່ບັນເທີງ,ເຮືອນພັກ,ໂຮງແຮມ
ກໍມີຈຳນວນເພີ່ມຂຶ້ນຢ່າງວ່ອງໄວ ແລະ ສິ່ງມຶນເມົາກໍມີໄວ້ໃຫ້ບໍລິ ການໄດ້ທຸກເວລາຢູ່ສະຖານທີ່ເຫລົ່າ
ນັ້ນ.
ເຫລົ້າ-ເບຍແມ່ນໜຶ່ງໃນບັນດາພາຫະນະຂອງການເບື່ອເມົາ
ເຊິ່ງພາໃຫ້ເກີດອຸປະຕິເຫດຕາມທ້ອງຖະໜົນ, ມີການໃຊ້ຄວາມຮຸນແຮງໃນຄອບຄົວ,
ສົ່ງຜົນກະທົບຕໍ່ສຸຂະພາບແລະຄວາມ ສະຫງົບສຸກຂອງຊາວບ້ານ ແລະ ຕໍ່ເສດຖະກິດຂອງຊາດເປັນຈຳ
ນວນບໍ່ໜ້ອຍໃນໄລຍະຜ່ານມາ.
No comments:
Post a Comment