ບຸນປະເພນີອອກພັນສາປະວໍລະນາ ແລະ ຊ່ວງເຮືອ ປະເພນີປະຈຳປີ
2013 ໄດ້ໜູນວຽນມາບັນຈົບຄົບຮອບ ອີກ ວາລະໜຶ່ງໃນອີກບໍ່ທໍໃດມື້ຂ້າງໜ້ານີ້ກໍຈະມີການຄົບງັນ,
ມີ ການວາງສະແດງ ແລະ ຂາຍສິນຄ້າຫຼາກຫຼາຍ, ນັບທັງສິນຄ້າ ພາຍໃນ ແລະຈາກປະເທດເພື່ອນບ້ານຢ່າງຫຼວງຫຼາຍຄືດັ່ງ ທຸກໆ ປີທີ່ຜ່ານມາ,
ກໍດັ່ງງານບຸນປະເພນີ, ປິ້ງໄກ່, ຂາຍ ເຂົ້າຫຼາມ ແລະ ອາ ຫານພື້ນບ້ານຕ່າງໆດ້ວຍຄວາມຫລາກຫລາຍອັນສະແດງໃຫ້ເຫັນເຖິງວັດທະນະທຳການກິນດຶ່ມ ຂອງລາວເຮົາໂດຍຄະນະກຳ
ມະການຈັດງານບຸນໄດ້ມີການຈັດສັນສະຖານທີ່ໃຫ້ບັນດາບໍລິສັດທີ່ເຄີຍເຮັດມາໄດ້ເລີ່ມກະກຽມ ສະຖານທີ່ໃຫ້ຊາວຄ້າຂາຍ
ຕະຫຼອດເຖິງຜູ້ປະກອບການຕ່າງໆ, ໄດ້ຈັບຈອງ ແລະ ກະກຽມຕັ້ງຮ້ານຂາຍເຄື່ອງຂອງຕົນໃຫ້ເຂົ້າສູ່ຄວາມເປັນລະບຽບຮຽບ
ຮ້ອຍ, ໃນຂະນະທີ່ຍັງມີຫາງສ່ຽງຈົມວ່າບັນຫາຄ່າເຊົ່າສະຖານທີ່ປີນີ້ມີລາຄາແພງກວ່າປາງບຸນ ຜ່ານມາ.
ເຖິງຢ່າງໃດກໍດີໃນງານບຸນດັ່ງກ່າວປີນີ້ທາງດ້ານລະບຽບຫຼັກການຂອງການຫຼິ້ນບຸນກໍບໍ່ຕ່າງຫຍັງຫລາຍຈາກຊຸມປີ
ຜ່ານມາເນື່ອງຈາກບຸນອອກພັນສາ ແລະ ຊ່ວງເຮືອແມ່ນບຸນຂອງປະຊາຊົນ, ພ້ອມພາກັນຈັດຕັ້ງແລະ
ປົກປັກຮັກສາຄວາມເປັນ ລະບຽບຮຽບຮ້ອຍ, ແຕ່ສັງຄົມສ່ວນໃຫຍ່ຍັງມີຄວາມເປັນຫວ່ງ ແລະ ຢ້ານວ່າ:
ເສັ້ນທາງແຄມຂອງ, ນັບແຕ່ສາມແຍມປາກ ປາສັກຕະຫຼອດເຖິງສຸດເສັ້ນທາງລຽບແຄມຂອງໂຮງໝໍມະໂຫສົດໂດຍລັດຖະບານ,
ໄດ້ໃຊ້ງົບເປັນຈຳນວນບໍ່ໜ້ອຍເພື່ອບູລະ ນະໃຫ້ກາຍເປັນເຂດສີຂຽວທີ່ມີຄວາມສວຍສົດງົດງາມສ້າງຄວາມປະທັບໃຈໃຫ້ນະຄອນຫຼວງວຽງຈັນ
ແລະ ສາມາດດຶງດູດ ນັກທ່ອງທ່ຽວ ເຂົ້າມາທ່ຽວຊົມລາວເຮົາໃຫ້ນັບມື້ເພື່ມຂື້ນ, ນັ້ນຈະຖືກທຳລາຍ
ແລະ ເປື້ອນເປີດັ່ງປີຜ່ານມາກໍເຄືຍເກີດບັນ ຫາກ່ຽວກັນເສດຂື້ນ ເຫຍື້ອມາແລ້ວ ແລະ ເລື່ອງການຄົບງັນໃນແຕ່ລະຄືນຊຶ່ງໃນຫຼາຍປີກ່ອນນະຄອນຫຼວງເຄືຍປະກາດ
ໃຫ້ຮັກສາຮີດຄອງປະເພນີອັນດີງາມຂອງຊາດໄວ້ແຕ່ບັນຫາການນຸ່ງຖືຂອງຊາວໜຸ່ມໄວໜຸ່ມເຮົາ
ຍັງເຫັນວ່າໂຫຼດໂຜນເກີນໄປ ແລະ ການເຕັ້ນ, ການຟ້ອນ, ການເຊີ້ງເຮືອມີບາງຂໍ້ຄວາມຍັງນອກລະບຽບຫຼັກການ
ແລະ ອື່ນໆ.
No comments:
Post a Comment