ກອງປະຊຸມລັດຖະມົນຕີສຶກສາ ຜູ້ຮັບຜິດຊອບວຽກງານອະຊີວະສຶກສາ
ແລະ ວິຊາຊີບລາວ-ຫວຽດນາມ ແລະ ກຳປູເຈຍ ໄດ້ມີຂຶ້ນໃນວັນທີ 10 ຕຸລານີ້ ຢູ່ນະຄອນຫລວງວຽງຈັນ,
ເຂົ້າຮ່ວມປະຊຸມຍັງມີຜູ້ຕາງໜ້າອົງການຈັດຕັ້ງຫລັກໄວຍາກອນ (OIF) ແລະ ອົງການສະໜັບສະໜູນວຽກງານສຶກສາ
ແລະ ການບຳລຸງສ້າງຢູ່ຕ່າງປະເທດຂອງຣາຊະອານາຈັກແບນຊິກ (APEFE).
ໃນກອງປະຊຸມໄດ້ຕີລາຄາສູງຕໍ່ໝາກຜົນການຮ່ວມມືລະຫວ່າງສາມປະເທດດັ່ງກ່າວຕໍ່ກັບອົງການ
OIF ແລະ APEFE ໃນໄລຍະຜ່ານມາ ແລະ ເຫັນວ່າແຕ່ລະຝ່າຍໄດ້ມີການປະສານສົມທົບແໜ້ນໃນແຜນການຮ່ວມມືຂອງຕົນທີ່ໄດ້ວາງອອກ
ຄືແຕ່ລະຂົງເຂດວຽກງານໄດ້ຮັບການຈັດຕັ້ງປະຕິບັດແທດເໝາະກັບຄວາມຮຽກຮ້ອງຕ້ອງການຂອງແຕ່ລະຝ່າຍ
ກໍຄືຄວາມອາດສາມາດຕອບສະໜອງຂອງ OIF ແລະ APEFE ເຊິ່ງສະແດງອອກໃຫ້ເຫັນຜ່ານການເຮັດວຽກຂອງທີມງານຊ່ຽວຊານຕ່າງປະເທດໄດ້ມີຄວາມຕັ້ງໜ້າໃນການສິດ
ສອນ ແລະ ການເຝິກງານຕົວຈິງ, ຜູ້ປະສານງານ ແລະ ຜູ້ເຂົ້າສຶກສາ
ຮ່ຳຮຽນຂອງແຕ່ລະປະເທດກໍມີຄວາມຂະຫຍັນຕໍ່ວຽກງານ
ແລະ ການສຶກສາຮ່ຳຮຽນຂອງຕົນ ແລະ ເບື້ອງທຶນສະໜັບສະໜູນກໍໄດ້ດຳເນີນໄປຢ່າງປົກກະຕິ
ອັນເປັນເງື່ອນໄຂ ແລະ ທ່າແຮງສຳຄັນໃນການກະຕຸກຊຸກຍູ້ຄວາມອາດສາມາດກໍ່ສ້າງພະນັກງານ
ແລະ ວິຊາການຂະແໜງການຕ່າງໆຢ່າງມີຄຸນນະພາບສູງ.
ກອງປະຊຸມໄດ້ເປັນເອກະພາບກັນວ່າ:
ໃນຕໍ່ໜ້ານີ້ ແຕ່ລະຝ່າຍຈະສືບຕໍ່ເພີ່ມທະວີການຮ່ວມມື ແລະ ແລກປ່ຽນບົດຮຽນ-ປະສົບການຕ່າງໆ
ໂດຍສະເພາະການກໍ່ສ້າງ ແລະ ການຄຸ້ມບັນດານະໂຍບາຍຂອງຂະແໜງການສຶກສາ ແລະ
ການສ້າງຕົວແບບຕ່າງໆໃນການສິດສອນຮ່ຳຮຽນວິຊາຊີບ, ສ່ວນລາວ-ຫວຽດນາມ ແລະ ກຳປູເຈຍ
ກໍໄດ້ເປັນເອກະພາບຈະຍົກສູງການພົວພັນຮ່ວມມືກັນເປັນສະເພາະແຕ່ະລໂຮງຮຽນວິຊາຊີບ
ແລະ ຫົວໜ່ວຍທຸລະກິດຕ່າງໆ, ເປີດກວ້າງຫລັກສູດ ແລະ ລາຍການສຶກສາຮ່ຳຮຽນ, ພ້ອມແລກປ່ຽນເອກະສານ
ແລະ ຕຳລາການສິດສອນໃຫ້ແທດເໝາະກັບສະພາບຕົວຈິງ.
No comments:
Post a Comment