ເພື່ອຂະຫຍາຍຕະຫຼາດ ແລະ ການບໍລິການລູກຄ້າໃຫ້ຫຼາຍຂື້ນ
ບໍລິສັດ ວິມເປວຄອມລາວ ຈຳກັດ ( ບີລາຍ ) ໄດ້ນຳເອົາຜະລິດຕະພັນໃໝ່ໃຫ້ສັງຄົມໄດ້ຊົມໃຊ້
ໂດຍສະໜອງອິນເຕີເນັດສຳລັບຄອບ ຄົວຜ່ານສາຍໃຍແກ້ວນຳແສງ ທີ່ສາມາດດາວໂຫຼດ ແລະ
ອັບໂຫຼດ ໂປຼແກມຕ່າງໆ ໄດ້ສະດວກວ່ອງໄວ ແລະ ສັນຍານບໍ່ຂັດຂ້ອງ ເຊິ່ງຖືວ່າ
ກຳລັງໄດ້ຮັບຄວາມນິຍົມສູງຢູ່ຫຼາຍປະເທດ ແລະ ຢູ່ລາວ ກໍເປັນບໍລິສັດ ທຳອິດທີ່ເປີດໃຫ້ບໍລິ
ການ ດັ່ງກ່າວນີ້ ບໍ່ຮອດສອງອາ ທິດ ກໍມີລູກຄ້າມາສັ່ງຈອງແລ້ວ ກ່ວາ 100 ຄົນ ເຊິ່ງທາງບໍລິສັດຄາດວ່າ
ໃນປີນີ້ ຈະສາມາດໃຫ້ບໍລິການລູກຄ້າ ຢູ່ໃນຕົວເມືອງ ນະຄອນຫຼວງວຽງຈັນ ກ່ອນຈະຂະຫຍາຍໄປສູ່ແຂວງອື່ນໆ.
ທ່ານ ຢັດເຊີ ມາເຮີ ຜູ້ອຳ ນວຍການໃຫຍ່
ບີລາຍໄດ້ ແນະ ນຳຜະລິດຕະພັນໃໝ່ຂອງຕົນ ໃນວັນທີ 8 ຕຸລາ ນີ້ ວ່າ: ໄຟເບີ ແມ່ນອິນເຕີເນັດຄວາມໄວສູງທີ່ນຳໃຊ້ສາຍໃຍແກ້ວ
ນຳແສງ ເປັນເຕັກໂນໂລຢີໃໝ່ລ້າສຸດຂອງໂລກ ດ້ວຍຄວາມໄວສູງສຸດ 100 Mbps ພ້ອມຮັບປະກັນສັນຍາຍ
ແລະ ບໍ່ມີສິ່ງຂັດຂ້ອງໃດໆ ເຊິ່ງການບໍລິ ການດັ່ງກ່າວສາມາດເຮັດໃຫ້ ພວກເຮົາ
ເຊື່ອມຕໍ່ກັບສຳນັກງານໃຫຍ່ແລະສາຂາທັງພາຍໃນ
ແລະ ຕ່າງປະເທດໄດ້ຢ່າງສະດວກສະ ບາຍ ແລະ ການບໍລິການດັ່ງກ່າວຍັງມີຄວາມສຳຄັນຕໍ່ອານາຄົດ,
ເພາະວ່າອຸປະກອນ ໄຟເບີ ເປັນເຕັກໂນໂລຢີ ທີ່ສາມາດຮອງຮັບເຕັກໂນໂລຢີໃໝ່ໆທີ່ຈະພັດທະ
ນາຂື້ນມາໃນອານາຄົດໄດ້ດັ່ງນັ້ນ ຈຶ່ງບໍ່ຈຳເປັນຕ້ອງປ່ຽນແທນ ຫຼື ອັບເກດເຄໂບ.
ຜູ້ອຳນວຍການ ບີລາຍ ໃຫ້ຮູ້ວ່າ: ບໍລິສັດ
ວິມເປວຄອມ ( ບີລາຍ ) ເປັນບໍລິສັດລົງທຶນຈາກ ລັດເຊຍ ແລະ ມີບໍລິສັດໃຫຍ່ຢູ່ທີ່
ອຳສະແຕກດາມ ແລະ ມີການດຳເນີນທຸລະກິດໂທລະຄົມມະນາຄົມ ຢູ່ 19 ປະເທດທົ່ວໂລກ.
ບີລາຍ ເປັນ ບໍລິສັດ ໜຶ່ງ ທີ່ໄດ້ດຳເນີນທຸ ລະກິດກ່ຽວກັບດ້ານໂທລະຄົມ ໂທລະສັບມືຖື
ຢູ່ ລາວ ເຊິ່ງນອກ ຈາກນີ້ແລ້ວ ບໍລິສັດ ຍັງໄດ້ນຳເອົາເຕັກໂນໂລຢີໃໝ່ໆເຂົ້າມາ
ເພື່ອອຳນວຍຄວາມສະດວກໃຫ້ແກ່ລູກຄ້າ ແລະ ໃຫ້ທຽມທັນກັບເຕັກໂນໂລຢີທີ່ພັດທະນາຂື້ນໄປເລື້ອຍໆ
ແລະ ຜ່ານມາ ບີລາຍ ໄດ້ເປີດບໍລິການ ລະບົບ 3G+4G, LTE ແລະ ມາໃນປະຈຸບັນເຕັກໂນໂລຢີໃໝ່ລ້າສຸດ
ຄື: ອິນເຕີເນັດສາຍໃຍແກ້ວນຳແສງເຊິ່ງຈະເປັນເຕັກໂນໂລຊີ ທັນສະໃໝເພື່ອບໍລິການໃຫ້ແກ່ລູກຄ້າໄດ້ສະດວກສະບາຍ.
No comments:
Post a Comment