ກອງທຶນສາກົນເພື່ອການພັດທະນາກະສິກຳ
(IFAD) ໃຫ້ທຶນສະໜັບສະໜູນແຜນການໃຫຍ່ຢູ່ທາງພາກໃຕ້ຂອງ ສປປ ລາວ ໂດຍເນັ້ນໜັກໃສ່ການປັບປຸງການຄ້ຳປະກັນສະບຽງອາຫານ,
ໂພຊະນາການ ແລະ ການສົ່ງເສີມການເຊື່ອມໂຍງຕະຫລາດໃນຄຸ້ມບ້ານຕ່າງໆທີ່ທຸກຍາກເຂດຊົນນະບົດຫ່າງໄກສອກຫລີກຢູ່
3 ແຂວງພາກໃຕ້ ອັດຕະປື, ເຊກອງ ແລະ ສາລະວັນ, ຄະນະບໍລິຫານຂອງກອງທຶນ IFAD ປະຈຳນະຄອນຫລວງໂຣມ
ປະເທດອີຕາລີ ໄດ້ມະນຸມັດເງິນຊ່ວຍເຫລືອຈຳນວນ 9,7 ລ້ານໂດລາສະຫະລັດໃນກອງປະຊຸມສະພາປົກຄອງ
(Governing Council) ຂອງກອງທຶນ IFAD ຢູ່ນະຄອນ ຫລວງໂຣມ ປະເທດອີຕາລີ ໃນເດືອນຕຸ
ລານີ້ ໂດຍການເຂົ້າຮ່ວມກອງປະຊຸມຂອງທ່ານ ພູເພັດ ຄຳພູນວົງ ລັດຖະມົນຕີວ່າ ການກະຊວງການເງິນຂອງລາວ.ແຜນງານດັ່ງກ່າວຈະຈັດຕັ້ງປະຕິບັດເປັນເວລາກວ່າ
6 ປີ ແຕ່ປີ 2013- 2019.
ແຜນງານການຄ້ຳປະກັນສະບຽງອາຫານ ແລະ ໂພຊະນາການຢູ່ພາກໃຕ້ຂອງລາວ
ແລະ ການເຊື່ອມໂຍງຕະຫລາດດັ່ງ ກ່າວ ມີຈຸດປະສົງເພື່ອຫລຸດ ຜ່ອນຄວາມທຸກຍາກ
ແລະ ຄວາມອຶດ ຫິວເພື່ອຮັບປະກັນການຄ້ຳປະ ກັນ ສະບຽງອາຫານ ແລະ ໂພຊະນາການໃຫ້ມີຄວາມຍືນຍົງ,
ພ້ອມທັງຊ່ວຍສົ່ງເສີມໃຫ້ບັນດາຄອບຄົວຢູ່ເຂດເປົ້າໝາຍຕ່າງໆໄດ້ສ້າງລາຍຮັບຂອງຕົນເອງຕື່ມອີກໃນນີ້,
ໂຄງການຈະສຸມໃສ່ 175 ບ້ານ 5 ເມືອງທຸກຍາກທີ່ສຸດຢູ່
3 ແຂວງພາກໃຕ້,ສ່ວນແນວທາງຕ່າງໆໃນການຈັດ
ຕັ້ງປະຕິບັດແມ່ນຈະໄດ້ມອບໃຫ້ກະຊວງກະສິກຳ
ແລະ ປ່າໄມ້ ນຳໄປຜັນຂະຫຍາຍຕາມນະໂຍບາຍຂອງລັດຖະບານ ກໍຄືວຽກງານ 3 ສ້າງ ໂດຍຜ່ານຫ້ອງການເມືອງ
ແລະ ກຸ່ມບ້ານຕ່າງໆ ເຊິ່ງກອງປະຊຸມວາງແຜນປະຕິບັດໜ້າທີ່ຈະໄດ້ຈັດຂຶ້ນຢູ່ແຂວງອັດຕະປືໃນວັນທີ
15 ພະຈິກທີ່ຈະມາເຖິງນີ້.
ທ່ານນາງ ສະເຕັບຟາເນຍ ດີນາ (Stefania
Dina) ຫົວໜ້າກອງທຶນ IFAD ປະຈຳລາວ ກ່າວວ່າ: ໂຄງການນີ້ຈະຊ່ວຍຕອບສະໜອງໂອກາດໃນການຕໍ່ສູ້ກັບບັນຫາການຄ້ຳປະກັນສະບຽງອາຫານ
ແລະ ໂພຊະນາການຢູ່ທາງພາກໃຕ້ຂອງລາວ ແລະ ເພື່ອສ້າງຄວາມເຂັ້ມແຂງໃຫ້ປະຊາຊົນທີ່ດຳລົງຊີວິດຢູ່ເຂດຊົນນະບົດສາມາດສ້າງລາຍຮັບຫລາຍຂຶ້ນກວ່າເກົ່າ
ແລະ ຊ່ວຍໃຫ້ພວກເຂົາມີອຳນາດໃນການເຈລະຈາຕໍ່ລອງຕະຫລາດໄດ້ນຳອີກ ໂດຍຈະພ້ອມກັບຄູ່ຮ່ວມງານອື່ນໆໃນການລົງມືປະຕິບັດເຊັ່ນ:
ທະນາຄານພັດທະນາອາຊີ (ADB), UN-Habitat, WFP, UNICEF ແລະ ອົງການສາກົນທີ່ບໍ່ສັງກັດລັດ.
No comments:
Post a Comment