ບໍລິສັດນ້ຳເທິນ 2 ຈຳກັດ ໄດ້ນຳເງິນຈຳນວນ
20 ພັນໂດລາສະຫະລັດມອບໃຫ້ກະຊວງແຮງງານ ແລະ ສະຫວັດດີການ-ສັງຄົມ ເພື່ອນຳໄປຊ່ວຍເຫລືອ
ປະຊາຊົນ ຜູ້ທີ່ໄດ້ປະສົບອຸທົກກະໄພທາງທຳມະຊາດຢູ່ພາກເໜືອ ແລະ ບັນດາພາກໃຕ້
ຂອງລາວ.
ພິທີມອບ-ຮັບເງິນຊ່ວຍເຫລືອດັ່ງກ່າວ ໄດ້ຈັດຂຶ້ນໃນວັນທີ
13 ພະຈິກນີ້ຢູ່ກະຊວງແຮງງານ ແລະ ສະຫວັດດີການ ແລະ ສັງຄົມໃຫ້ກຽດມອບໂດຍທ່ານ ມີເຊວ
ໂຣບີໂນ (Michel ROBI NO) ຜູ້ອຳ ນວຍການບໍລິສັດນ້ຳເທິນ 2 ຈຳກັດ ແລະ
ກ່າວຮັບໂດຍ ທ່ານ ນາງ ໃບຄຳ ຂັດທິຍະລັດຖະມົນຕີຊ່ວຍວ່າກ່ນກະຊວງແຮງງານ ແລະ ສະຫວັດດີການ-
ສັງຄົມ, ມີບັນດາຫົວໜ້າກົມ ແລະ ພະນັກງານທີ່ກ່ຽວຂ້ອງ ເຂົ້າຮ່ວມ.
ການລະດົມທຶນຊ່ວຍເຫລືອຜູ້ປະສົບອຸທົກກະໄພດັ່ງກ່າວ
ໄດ້ ເລີ່ມມາແຕ່ວັນທີ 10 ຕຸລາ ຫາ 13 ພະຈິກ 2013 ໄດ້ມີບໍລິສັດຫ້າງຮ້ານ ແລະ
ອົງການຈັດຕັ້ງທັງພາກລັດ ແລະ ເອກະຊົນ ໃຫ້ການຊ່ວຍເຫລືອ 28 ພາກສ່ວນ ລວມ ເປັນເງິນທັງໝົດ
2.853.612.000 ກີບ ແລະ 30.000 ໂດລາສະຫະລັດ.
ຢູ່ກະຊວງການຕ່າງປະເທດ,
ໄດ້ມີພິທີມອບ-ຮັບເງິນຈຳນວນ 310.000 ເຢັນ (ປະມານ 24 ລ້ານກ່ວາກີບ) ເພື່ອນຳໄປ ຊ່ວຍເຫຼືອປະຊາຊົນຜູ້ປະສົບເຄາະຮ້າຍຈາກໄພນ້ຳຖ້ວມ
ແລະ ດິນ ເຈື່ອນຢູ່ແຂວງອຸດົມໄຊ ຊຶ່ງຜູ້ ມອບໂດຍແມ່ນ ທ່ານ ເຄນ ທອງ ນວນທະສິງ, ເອກອັກຄະລັດຖະ
ທູດແຫ່ງ ສປປ ລາວ ປະຈຳປະເທດຍີ່ປຸ່ນ ແລະ ຜູ້ຮັບແມ່ນ ທ່ານ ນາງ ນາລີ ສີສຸລິດ, ປະທານກິດຕິມະສັກສະຫະພັນແມ່ຍິງກະຊວງການຕ່າງປະເທດ
ແລະ ຄະນະພົວພັນຕ່າງປະເທດສູນກາງພັກພ້ອມດ້ວຍຄະ ນະສະຫະພັນແມ່ຍິງກະຊວງການຕ່າງປະເທດ ແລະ
ຄຕພ.
ເງີນຈຳນວນດັ່ງກ່າວນີ້ແມ່ນ ໄດ້ມາຈາກການຈັດງານບຸນກຸສົນຫາລາຍໄດ້ໂດຍສະຖານທູດລາວທີ່ໂຕກຽວ
ແລະ ສະມາ ຄົມໂຣໂຕຣິຂອງເມືອງໂອມີຢາ, ແຂວງໄຊຕາມະເພື່ອມາມອບໃຫ້ສະຫະພັນແມ່ຍິງກະຊວງການ ຕ່າງປະເທດ
ແລະ ຄຕພ ນຳ ໄປຊ່ວຍເຫຼືອປະຊາຊົນຜູ້ປະສົບໄພທຳມາຊາດຢູ່ແຂວງອຸດົມໄຊ.
ເງິນຈຳນວນດັ່ງກ່າວ ເຖິງວ່າຈະເປັນຈຳນວນບໍ່ຫຼາຍແຕ່ກໍເປັນນ້ຳໃຈອັນປະເສີດຈາກບັນດາສະມາຊິກສະມາຄົມໂຣໂຕຣິ
ຂອງເມືອງໂອມີຢາ ແລະ ພະນັກງານການທູດລາວຢູ່ໂຕກຽວທີ່ສົ່ງມາຊ່ວຍບັນເທົາທຸກປະຊາຊົນລາວຜູ້ທີ່ປະສົບເຄາະຮ້າຍຢູ່
ແຂວງອຸດົມໄຊ.
No comments:
Post a Comment