ເພື່ອເປັນການສົ່ງເສີມການປະດິດສ້າງຂອງນັກປະພັນ,
ນັກກະວີ, ນັກຂຽນ ໃຫ້ນຳໃຊ້ຄວາມສາມາດເຂົ້າໃນການປະ ກອບສ່ວນສ້າງສັນບົດປະພັນເຮັດໃຫ້ວົງການວັນນະກຳລາວນັບມື້ອຸດົມສົມບູນ
ເພື່ອເຮັດໃຫ້ວາລະສານວັນນະສິນ ເປັນເວທີສົ່ງເສີມການປະພັນວັນນະຄະດີ ທັງເປັນການປຸກລະດົມການປະດິດຄິດແຕ່ງດ້ານວັນນະກຳໃຫ້ເປັນຂະບວນຟົດຟື້ນ
ແລະ ຂະຫຍາຍຕົວຢ່າງຕໍ່ເນື່ອງ ໃນວັນທີ 5 ພະຈິກ 2013 ນີ້, ວາລະສານວັນນະສິນ ກະຊວງຖະແຫລງຂ່າວ
ວັດທະ ນະທຳ ແລະ ທ່ອງທ່ຽວ ໄດ້ຈັດພິທີມອບ-ຮັບລາງວັນ ວັນນະກຳສ້າງສັນດີເດັ່ນປະຈຳປີ
2013 ຂຶ້ນ ທີ່ ຫໍວັດທະນະທຳແຫ່ງຊາດ ນະຄອນ ຫລວງວຽງຈັນ ໂດຍ ມີ ທ່ານ ສີວຽງແຂກ ກອນນິວົງ
ຫົວ ໜ້າກົມພີມຈຳໜ່າຍ ກະຊວງ (ຖວທ), ທ່ານ ໂອທອງ ຄຳອິນຊູ ຫົວໜ້າອຳນວຍການວາລະສານວັນນະສິນ
ແລະ ທ່ານ ນາງ ຜິວລາວັນ ຫລວງວັນນາ ວ່າການປະ ທານສະມາຄົມນັກປະພັນລາວ, ມີບັນດາທ່ານຜູ້ຕາງໜ້າກົມກອງອອ້ມຂ້າງ
ແລະ ນັກປະພັນ, ນັກກະວີ, ນັກຂິດຂຽນເຂົ້າຮ່ວມ.
ລາງວັນທີ່ມອບໃນຄັ້ງນີ້, ປະກອບມີ
ປະເພດເລື່ອງສັ້ນ ແລະ ບົດກະວີ ເຊິ່ງເລື່ອງທີ່ໄດ້ຮັບລາງ ວັນຊະນະເລີດໄດ້ຮັບເງິນ
2.500.000 ກີບ ແລະ ບົດກະວີ ໄດ້ຮັບເງິນ
2.000.000 ກີບ ພ້ອມໃບຢັ້ງຢືນ ນອກນັ້ນຍັງມີບົດທີ່ໄດ້ຮັບລາງ ວັນຊົມເຊີຍ
11 ບົດ ໃນ ນັ້ນເລື່ອງສັ້ນ 6 ບົດ ແລະ ບົດກະວີ
5 ບົດ ໂດຍໄດ້ຮັບເງິນ 300.000 ກີບ ພ້ອມໃບຢັ້ງຢືນ.
ຜູ້ທີ່ໄດ້ຮັບລາງວັນຊະນະເລີດ ໃນຄັ້ງນີ້
ມີ 2 ທ່ານ ຄື: ທ່ານ ສົມໃຈ ຈັນທະວົງ ໃນເລື່ອງສັ້ນ
“ ແຫວນຄຳ ” ແລະ ທ່ານ ສານສິນທອງ ( ສອນສິນໄຊ
) ໃນບົດກະວີ “ ແສ້ຫວາຍປາຍມືແມ່ ” ໃຫ້ກຽດ ມອບໂດຍທ່ານ ສີວຽງແຂກ ກອນນິວົງ
ແລະ ລາງວັນຊົມເຊີຍມີທັງໝົດ 11 ທ່ານ ມອບໂດຍທ່ານ ໂອທອງ ຄຳອິນຊູ ທັງນີ້ກໍເພື່ອສົ່ງເສີມໃຫ້ເຂົາເຈົ້າມີຄວາມກະຕືລືລົ້ນສ້າງບົດປະພັນ,
ບົດກະ ວີ, ເລື່ອງສັ້ນ ແລະ ອື່ນໆ ອອກມາ ສູ່ສາຍຕາມວນຊົນເລື້ອຍໆ.
ໂອກາດດັ່ງກ່າວ ທ່ານ ໂອທອງ ຄຳອິນຊູ
ໃຫ້ຮູ້ວ່າ: ລາງວັນສິນໄຊ ແມ່ນລາງວັນ ວັນນະກຳສ້າງ ສັນດີເດັ່ນ ເຊິ່ງໄດ້ມີແນວຄິດລິເລີ່ມຂອງຄະນະອຳນວຍການ,
ຄະ ນະບັນນາທິການວາລະສານວັນນະສິນ ມາແຕ່ປີ 2003 ແລະ ເປັນຮູບເປັນຮ່າງຂຶ້ນໃນປີ
2004 ເຊິ່ງເປັນລາງວັນທີ່ມອບໃຫ້ແກ່ຜູ້ປະພັນບົດວັນນະຄະດີສາມປະ ເພດຄື: ນາວະນິຍາຍ, ເລື່ອງສັ້ນ ແລະ ກະວີ ເຊິ່ງມີຂອບເຂດເນື້ອໃນປະດິດຄິດແຕ່ງ,
ຍ້ອງຍໍສັນລະເສີນຜົນງານດີເດັ່ນໃນຂະບວນ ການປົກປັກຮັກສາ ແລະ ສ້າງສາພັດທະນາປະເທດຊາດ,
ຕ້ານປະ ກົດການຫຍໍ້ທໍ້ຕ່າງໆໃນສັງຄົມ ແລະ ໃຫ້ຂໍ້ຄິດສ້າງສັນ ໂດຍບໍ່ຈຳ ກັດຄວາມຍາວຂອງບົດຂຽນ.
ດີໃຈນຳທຸກທ່ານທີ່ໄດ້ກຽດຕິຍົດແຫ່ງການປະພັນຂອງວັນນະກຳລາວ ຊົມເຊີຍ! ຊົມເຊີຍ!
ReplyDeleteແລ້ວຈະອ່ານບົດທີ່ໄດ້ຮາງວັນຊະນະເລີດຢູ່ໃສໄດ້ນໍ້ ຢາກອ່ານແລ້ວໄປເລົ່າສູ່ໝູ່ຟັງເດ