ໂຄງການສອນພາສາອັງກິດເຂດແມ່ນ້ຳຂອງຕອນລຸ່ມຄັ້ງທີສອງຢູ່ລາວ

    ສະຖານທູດສະຫະລັດອາເມ ລິກາປະຈໍາ ສປປ.ລາວ ຮ່ວມກັບສະຖາ ບັນການ ຕ່າງປະເທດກະຊວງການຕ່າງປະເທດໄດ້ຈັດພິທີເປີດໂຄງການສິດ ສອນພາສາອັງກິດ ສະເພາະຄັ້ງທີສອງໃນຈໍານວນຫົກຄັ້ງ ໃຫ້ເຈົ້າໜ້າທີ່ ລາວທີ່ເຮັດວຽກງານດ້ານສາ ທາລະນະສຸກ, ສີ່ງແວດລ້ອມ ແລະ ວຽກງານ ພື້ນຖານໂຄງຮ່າງ. ທ່ານ ດານຽວ ເອ ຄລຸນ ທູດແຕ່ງຕັ້ງສະຫະລັດ ອາເມ ລິກາ ປະຈໍາ ສປປ. ລາວ ແລະ ທ່ານ ສີວຽງເພັດ ເພັດວໍລະສັກ ຮອງຫົວ ໜ້າສະຖາບັນການຕ່າງປະເທດໄດ້ຮ່ວມກັນກ່າວເປີດໂຄງ ການສິດສອນພາສາອັງດັ່ງກ່າວຢ່າງເປັນ ທາງການ ໃນວັນທີ່ 4 ເດືອນພະຈິກນີ້ ທີ່ນະຄອນຫລວງວຽງຈັນ.

           ໂຄງການສີດສອນພາສາອັງກິດສະເພາະໃຫ້ແກ່ເຈົ້າໜ້າທີ່ລາວຄັ້ງທໍາອິດ ໄດ້ຈັດຂື້ນໃນ ເດືອນຕຸລາທີ່ສະຖານບັນການ ຕ່າງປະເທດກ່ຽວກັບວຽກງານ ພາສີສາກົນ ໂຄງການສີດສອນພາສາອັງກິດຄັ້ງທີ ສອງນີ້ຈະເລັ່ງລັດໃສ່ວຽກງານດ້ານກະສິກໍາ ແລະ ການຮັບປະກັນທາງດ້ານ ສະບຽງຫາຫານຈະໄດ້ດໍາເນີນ ໄປເຖິງວັນທີ 12 ເດືອນພະຈິກ 2013.

    ມີເຈົ້າໜ້າທີ່ລາວ 16 ທ່ານ ທີ່ມາຈາກພາກສ່ວນກ່ຽວຂ້ອງ ເຂົ້າຮ່ວມໂດຍຈະໄດ້ຮຽນຮູ້ກ່ຽວກັບວິທີຂຽນໃບຂ່າວ ແລະ ການຂຽນບົດວິພາກໂຄງການ,  ການສົນທະນາຫາຫລືກັນ ແລະ ບັນຫາທີ່ກ່ຽວຂ້ອງອື່ນໆ, ແລະ ມີການສ້າງ ແລະ ກ່າວສະ ເໜີບົດໂຄງການທີ່ກ່ຽວຂ້ອງກັບໜ້າວຽກໂຄງການທີ່ນັກສໍາມະນາກອນພວມປະຕິບັດ.

         ພາຫລັງສໍາເລັດການເຂົ້າຮ່ວມການເຝິກອົບຮົມນີ້ແລ້ວ, ນັກສໍາມະນາກອນຈະໄດ້ນໍາເອົາຄວາມຮູ້ໄປນໍາໃຊ້ເພື່ອປັບປຸງ ວຽກງານການຂຽນ, ການອ່ານ, ການຝັງ ແລະ ທັກສະຄວາມສາ ມາດໃນການເວົ້າພາສາອັງກິດ ເຂົ້າໃນໂຄງການທີ່ພົວພັນກັບ ໂຄງການຕ່າງໆທີ່ການສົນທະນາກັນຜ່ານທາງວິດີໂອຄອນເຟີເຮັນ ແລະ ຫລັກສູດການຮຽນ ພາສາອັງກິດທາງໄກຜ່ານທາງອິນ ເຕີເນັດ.

  ໂຄງການສິດສອນພາສາ ອັງກິດແບບດຽວກັນນີ້ຈະຖືກຈັດຂຶ້ນໃນທ້າຍເດືອນພະຈິກ. ທຸກໆການເຝິກອົບຮົມສອນພາສາອັງ ກິດແມ່ນສອນຮ່ວມກັນລະຫວ່າງອາຈານສອນພາສາອັງກິດທີ່ເຮັດວຽກໃຫ້ກັບກະຊວງການຕ່າງປະເທດຂອງສະຫະລັດອາເມລິກາ ເຊິ່ງໄດ້ຮັບການຮ່ວມມືກັບສະຖານທູດສະຫະລັດອາເມລິກາທີ່ນະຄອນຫລວງວຽງຈັນ ແລະ ສອນພາສາອັງກິດຈາກ ສຖາບັນການຕ່າງປະເທດກະຊວງການຕ່າງປະເທດ.

           ໂຄງການສອນພາສາອັງກິດດັ່ງກ່າວນີ້ໄດ້ຈັດຂື້ນໃຫ້ກັບບັນດາປະເທດເຂດແມ່ນໍ້າຂອງ ຕອນລຸ່ມ Lower Mekong Init iative(LMI) ເຊິ່ງເປັນຄວາມພະຍາຍາມຂອງລັດຖະບານສະຫະລັດອາເມລິກາ ເພື່ອເປັນການເພີ່ມການຮ່ວມມືກັນຢູ່ ໃນຂົງເຂດດັ່ງກ່າວຂອງປະເທດຕ່າງໆທາງດ້ານການສຶກສາ, ພະລັງງານ, ສິ່ງແວດລ້ອມ, ກະສິກໍາ ແລະ ການຮັບປະກັນທາງ ດ້ານສະບຽງອາຫານ, ດ້ານສາທາລະນະສຸກພ້ອມທັງການເຊື່ອມຕໍ່ກັນຂອງວຽກງານຕ່າງໆ. ເພື່ອຊ່ວຍເພີ່ມຂີດຄວາມສາມາດ ທາງດ້ານຄວາມຮູ້ພາສາອັງກິດໃຫ້ແກ່ເຈົ້າໜ້າທີ່ຈາກບັນດາປະເທດຢູ່ເຂດແມ່ນໍ້າຂອງຕອນລຸ່ມໄດ້ຮັບການພັດທະນາດີຂຶ້ນ.