ວັນທີ25 ພະຈິກນີ້, ກະຊວງກະສິກຳ ແລະ ປ່າໄມ້
ແລະ ອົງການອາຫານ ແລະ ການກະເສດ (FAO) ໄດ້ລົງນາມສັນ ຍາແຜນງານຮ່ວມມືແລະໂຄງການໃໝ່
(CPF) ປະກອບມີ: ໂຄງການເຊື່ອມໂຍງຄວາມສາມາດໃນກນ ຫຼຸດຜ່ອນຄວາມສ່ຽງຈາກໄພ ພິບັດຢູ່ພາກພື້ນອາຊີຕາເວັນອອກສ່ຽງໃຕ້,
ແຜນງານຮ່ວມມືລະຫວ່າງລາວ ແລະ ອົງການອາ ຫານ ແລະ ການກະເສດ,ໂຄງ ການສ້າງນະໂຍບາຍເພື່ອການພັດທະນາຂະແໜງການລ້ຽງສັດແບບຍືນຍົງ
ແລະໂຄງການສ້າງລະບົບການຄຸ້ມຄອງ ແລະຫຼຸດ ຜ່ອນດ້ານຄວາມສ່ຽງໄພພິບັດໃນວຽກງານກະສິກຳ,
ລະ ຫວ່າງທ່ານ ພວງປະຣິສັກ ປຣະວົງວຽງຄຳ
ລັດຖະ ມົນຕີຊ່ວຍວ່າການກະຊວງກະສິກຳ ແລະ ປ່າໄມ້ແລະ ທ່ານ ສະຕີບເຟັນ ຮູດກາດ, ຜູ້ຕາງໜ້າອົງການອາຫານແລະການກະເສດປະຈຳພາກພື້ນອາຊີປາຊີຟິກ, ມີພະນັກງານກ່ຽວຂ້ອງທັງສອງຝ່າຍເຂົ້າຮ່ວມ.
ລັດຖະມົນຕີຊ່ວຍວ່າການກະຊວງກະສິກຳ ແລະ ປ່າໄມ້ກ່າວວ່າ:
ແຜນງານຮ່ວມມືແລະໂຄງການໃໝ່ (CPF)ແມ່ນຖືກຮັບ ຮອງເອົາໂດຍອົງການອາຫານແລະການກະເສດ
(FAO) ໃນປີ 2012 ເພື່ອຕອບສະໜອງຄວາມຮຽກຮ້ອງຕ້ອງການຂອງ
ປະເທດສະມາຊິກໃນການຕິດຕາມເປົ້າໝາຍການພັດທະນາແຫ່ງຊາດຂອງປະເທດນັ້ນໆໃນແຕ່ລະໄລຍະ,
ແຜນງານຮ່ວມມື CPF ສະແດງໃຫ້ເຫັນການຮ່ວມມືອັນເປັນບຸລິມະສິດຂອງລັດຖະບານແລະອົງການອາຫານແລະການກະເສດສຳລັບປີ
2013 - 2015,ແຜນງານນີ້ແມ່ນສອດຄ່ອງກັບກອບແຜນຍຸດທະສາດຂອງອົງການ
FAO ແລະ ບັນດາບຸລິມະສິດຂອງ ພາກພື້ນ,
ແຜນງານຊ່ວຍເຫຼືອເພື່ອການພັດທະນາຂອງອົງການສະຫະປະຊາຊາດ (UNDAF), ເປົ້າໝາຍສະຫັດສະວັດ
ແລະ ເປົ້າໝາຍການພັດ ທະນາອື່ນໆທີ່ສາກົນຮັບຮູ້, ໂດຍແຜ່ນງານດັ່ງກ່າວຈະເຊື່ອມໂຍງກັບບຸລິມະສິດແຫ່ງຊາດ,
ສະໜັບສະໜູນແຜນການ ແລະ ການຈັດຕັ້ງປະຕິບັດແຫ່ງຊາດ, ການຮັບ ຮອງເອົາແຜນງານທີ່ແທດເໝາະຂອງການປະສານງານລະ
ຫວ່າງລັດຖະບານ ແລະ ຄູ່ຮ່ວມພັດທະນາ, ສ້າງຄວາມເຊື້ອໝັ້ນເຊິ່ງກັນແລະກັນ, ຄວາມໂປ່ງໃສ່,
ເປົ້າໝາຍລວມຂອງການຫຼຸດຜ່ອນຄວາມທຸກຍາກ, ຄວາມອຶດຫິວ ແລະ ການສ້າງວຽກເຮັດງານທຳທີ່ເໜາະສົມ.
No comments:
Post a Comment