ບໍລິສັດ ແອັມແອັມຈີ ລ້ານຊ້າງມີເນໂຣນສ໌
ລິມິເຕັດ ຈັດກິດຈະກຳ ເຄື່ອນໄຫວຢ້ຽມຢາມບໍ່ຄຳ-ທອງເຊໂປນ ປະຈຳປີ 2013 ຂຶ້ນ
ໃນລະຫວ່າງວັນທີ 5-8 ພະຈິກນີ້ ທີ່ເມືອງວິລະບູລີ ແຂວງສະຫວັນນະເຂດ ໂດຍສື່ມວນຊົນຈາກທຸກຂະແໜງການໄດ້ເຂົ້າຮ່ວມເຊິ່ງຄະນະຮັບຜິດຊອບແຕ່ລະໜ່ວຍງານ
ໄດ້ສະເໜີໃຫ້ຮູ້ປະຫວັດຄວາມເປັນມາກ່ຽວກັບບໍ່ຄຳ-ທອງເຊ ໂປນ, ການຮຽນຮູ້ ແລະ ການພັດທະນາບຸກຄະລະກອນ,
ການຈັດເຝິກອົບຮົມ ແລະ ອື່ນໆພ້ອມນີ້ ກໍໄດ້ໄປຢ້ຽມຢາມສູນເຝິກອົບຮົມວິຊາຊິບ,
ການປູກຝັງ-ລ້ຽງສັດ ເຊິ່ງເປັນກິດຈະກຳຂອງໂຄງການຈັດຂຶ້ນເປັນໃນທຸກໆປີ .
ທ່ານ ສອນນາລົງ ສີຊະນະມຸງຄຸນ ຫົວໜ້າໜ່ວຍງານພັດທະ
ນາທ້ອງຖິ່ນ ໃຫ້ຮູ້ວ່າ: ໂຄງການໄດ້ເອົາໃຈໃສ່ໃນການພັດ ທະນາປັບປຸງພື້ນຖານໂຄງລ່າງທີ່ສຳຄັນ
ແລະ ການພັດທະນາບຸກຄະລາກອນ.ນັບແຕ່ໄດ້ຮັບການສ້າງຕັ້ງຂຶ້ນ ໂຄງການໄດ້ປະກອບສ່ວນເຂົ້າໃນການພັດທະນາເສດຖະ
ກິດ-ສັງຄົມ ແລະ ຫລຸດຜ່ອນຄວາມທຸກຍາກ,ສ້າງວຽກເຮັດງານທຳໃຫ້ແກ່ປະຊາຊົນ.ໂຄງ
ການພັດທະນາທ້ອງຖິ່ນ ກວມເອົາ 3 ຂົງເຂດຄື: ການສະໜັບ ສະໜູນ
ເມືອງ,ການສະໜັບໜູນຊຸມຊົນ
ແລະ ການສະໜູນສະໜູນທຸລະກິດທ້ອງຖິ່ນ ເຊິ່ງຂົງເຂດດັ່ງ ກ່າວລ້ວນແຕ່ຊ່ວຍພັດທະນາ
ແລະ ຫລຸດຜ່ອນຄວາມທຸກຍາກ ປັບປຸງຄຸນນະພາບຊິວິດໃຫ້ແກ່ທ້ອງຖິ່ນ ທີ່ດຳລົງຊິວິດຢູ່ໃກ້ກັບໂຄງການສຳຫລວດ
ແລະ ຂຸດຄົ້ນແຮ່ ໃນການສ້າງຄວາມອາດສາ ມາດການເປັນເຈົ້າການ,ພ້ອມນີ້ ໄດ້ມີການສົ່ງເສີມຄວາມຮູ້ສ້າງ
ທາງເລືອກໃນການດຳລົງຊິວິດແບບໃໝ່ທີ່ບໍ່ມີລາຍຮັບຈາກບໍ່ຄຳ ໂດຍການສ້າງສູນເຝິກອົບຮົມ
ເພື່ອປັບປຸງຊິວິດການເປັນຢູ່ຂອງປະຊາຊົນໃຫ້ດີຂຶ້ນໃນຫລາຍຮູບແບບເຮັດໃຫ້ເຂົາເຈົ້າມີໂອກາດໃນການສ້າງທຸລະກິດຂອງຕົນເອງເຊັ່ນ:ເຝິກອົບຮົມດ້ານຕັດ
ຫຍິບ,ພື້ນຖານການບໍລິຫານທຸລະກິດ, ການປູກຝັງ-ລ້ຽງ ສັດເປັນສິນຄ້າ ແລະ ອື່ນໆ.
ປັດຈຸບັນ ມີ 17 ກຸ່ມທຸລະກິດທີ່ສະໜອງສິນຄ້າ
ແລະ ການບໍລິ ການໃຫ້ແກ່ບໍລິສັດ ສາມາດສ້າງລາຍຮັບຫລາຍກວ່າ 12,6 ລ້ານໂດລາສະຫະລັດ.ນັບແຕ່ປີ
2003- 2012 ໄດ້ມີການລົງທຶນເຖິງ 4,25 ລ້ານໂດລາສະຫະລັດ ໃນການສະໜອງການບໍລິການຂອງລັດຂັ້ນພື້ນຖານ
ແລະ ປັບປຸງມາດຕະ ຖານການດຳລົງຊິວິດຂອງປະ ຊາຊົນໃນທ້ອງຖິ່ນ.ປັດຈຸບັນໄດ້ສະ
ໜອງການເຝິກອົບຮົມ ໄດ້ 6 ຫລັກສູດ ແລະ ມີ 326 ຄົນໄດ້ຮັບການເຝິກອົບຮົມໃນປີ
2012.
No comments:
Post a Comment