ທ່ານສີຫຸນ ສິດທິລືໄຊ ປະທານກວດກາພັກ-ລັດ
ນະຄອນຫລວງວຽງຈັນ ໄດ້ເປັນປະທານເປີດຂະບວນການສັກຢາກັນພະ ຍາດສັດແຫ່ງຊາດໃນວັນທີ
11 ພະຈິກ 2013 ເຊິ່ງເລີ່ມຂຶ້ນທີ່ບ້ານອີ່ໄລໃຕ້ ເມືອງນາຊາຍທອງ ໂດຍມື້ທຳອິດຈະປະຕິ
ບັດການສັກຢາກັນພະຍາດສັດລ້ຽງໃຫ້ປະຊາຊົນບ້ານດັ່ງກ່າວປະເພດງົວ-ຄວາຍ ປະມານ
100 ໂຕ, ສັດປີກປະມານ 2.000 ໂຕ ແລະ ໝາແບ້ໃຫ້ໄດ້ ກວ່າ 200 ໂຕ. ຈາກນັ້ນສັດຕະວະແພດ
ຂອງ 54 ບ້ານ, 64 ກຸ່ມຂອງເມືອງນາຊາຍທອງ ຈະສືບຕໍ່ ປະຕິບັດໃນທົ່ວເມືອງ ເຊິ່ງມີງົວປະ
ມານ 3.000 ໂຕ, ຄວາຍ 3.000 ໂຕ, ແບ້ 3.000 ໂຕ, ໝູເກືອບ 50.000 ໂຕ ແລະ ສັດປີກປະມານ
5 ແສນໂຕ. ໃນຂະນະດຽວກັນ ການສັກຢາກັນພະຍາດໃຫ້ສັດ ລ້ຽງທົ່ວນະຄອນ ຫລວງວຽງຈັນ
ກໍມີການ ວາງເປົ້າປະຕິບັດໃຫ້ໄດ້ຢ່າງໜ້ອຍ 75% ຂອງຝູງສັດທັງ ໝົດ.
ທ່ານສີຫຸນ ສິດທິລືໄຊ ກ່າວເປີດພິທີວ່າ:
ປັດຈຸບັນປະຊາຊົນນະຄອນຫລວງວຽງຈັນ ສ່ວນໃຫຍ່ຍັງຖືວຽກງານປູກຝັງ- ລ້ຽງ ສັດ ເປັນອາຊີບຕົ້ນຕໍ
ແລະ ສຳ ຮອງ ໃນການສ້າງລາຍຮັບແກ້ໄຂຊີວິດການເປັນຢູ່ ໂດຍສະເພາະແມ່ນການລ້ຽງສັດ
ແລະ ການປະມົງ ທີ່ມີການລ້ຽງແບບຟາມ ແລະ ລ້ຽງແບບຄອບຄົວຢ່າງກວ້າງຂວາງ ເຊິ່ງສາມາດຕອບສະໜອງທາດຊີ້ນໃຫ້ນະຄອນ
ຫລວງ ແລະ ສົ່ງຕ່າງແຂວງຈຳ ນວນໜຶ່ງ. ຢ່າງໃດກໍຕາມໃນໄລ ຍະຜ່ານມາການພັດທະນາການລ້ຽງສັດໂດຍລວມຍັງມີບັນຫາ
ແລະ ສິ່ງທ້າທາຍຫລາຍປະການເປັນຕົ້ນແມ່ນການເກີດລະບາດຂອງພະ ຍາດສັດຕາມລະດູການ
ແລະ ການອຸບັດຂຶ້ນ ຂອງພະຍາດສັດສາຍພັນໃໝ່, ບວກໃສ່ສະພາບການລ້ຽງສັດຂອງປະຊາຊົນແບບທຳມະຊາດ
ທີ່ຂາດຄວາມເອົາໃຈໃສ່ດູແລຮັກສາສຸຂະພາບສັດເທົ່າທີ່ຄວນ ແລະ ຍັງຖືເບົາການສັກຢາກັນພະຍາດໃຫ້ສັດລ້ຽງຂອງຕົນ.
ຫລາຍທ້ອງຖິ່ນອັດຕາການສັກຢາກັນພະຍາດເຫັນວ່າ ບໍ່ທັນພຽງພໍກັບຄວາມຕ້ອງການອັນໄດ້ເກີດມີການລະ
ບາດພະຍຸພະຍາດໃນຝູງສັດລ້ຽງ ເຮັດໃຫ້ສັດຂອງປະຊາຊົນລົ້ມຕາຍ ສ້າງຄວາມເສຍຫາຍທາງເສດຖະກິດຫລາຍສົມຄວນ.
ຕໍ່ບັນຫາດັ່ງກ່າວ ລັດ ຖະບານໄດ້ເຫັນຄວາມສຳຄັນ ເພື່ອມີການພັດທະນາການລ້ຽງ
ສັດໃຫ້ນັບມື້ຫລາຍຂຶ້ນ ໂດຍໄດ້ອອກກົດໝາຍວ່າດ້ວຍການລ້ຽງ ສັດ ແລະ ການສັດຕະວະແພດໃນປີ
2008, ທັງໄດ້ກຳນົດເອົາວັນທີ 11 ພະຈິກ ຂອງທຸກປີເປັນວັນສັກຢາແຫ່ງຊາດ ແລະ
ນະຄອນ ຫລວງວຽງຈັນກໍໄດ້ມີການຈັດ ຕັ້ງປະຕິບັດເປັນປີທີ 5 ຕິດຕໍ່ກັນ, ສະນັ້ນຈຶ່ງຮຽກຮ້ອງໃຫ້ປະຊາຊົນຈົ່ງຮັບຮູ້ຢ່າງເລິກເຊິ່ງ
ແລະ ຕື່ນຕົວນຳເອົາສັດລ້ຽງ ຂອງຕົນມາສັກຢາກັນພະຍາດໃນວັນດັ່ງກ່າວຂອງທຸກໆປີ
ເພື່ອເຮັດໃຫ້ສັດ ລ້ຽງທຸກຊະນິດປອດໄພຈາກພະ ຍາດຕ່າງໆ.
ອີງຕາມສະຖິຕິການ ລ້ຽງ ສັດໃນສົກປີ
2012-2013 ທົ່ວປະເທດມີງົວ 1,6 ລ້ານກວ່າໂຕ, ຄວາຍ 1,1 ລ້ານກວ່າໂຕ, ໝູ 2,7 ລ້ານກວ່າໂຕ,
ແບ້ 6 ແສນກວ່າໂຕ ແລະ ສັດປີກຫລາຍກວ່າ 35 ລ້ານໂຕ. ເຖິງວ່າສະພາບການລ້ຽງສັດຢູ່
ສປປ ລາວ ມີການພັດ ທະນາດີຂຶ້ນໃນລະດັບໜຶ່ງແລ້ວກໍຕາມ ແຕ່ຍັງມີອຸປະສັກຫລາຍດ້ານເປັນ
ຕົ້ນ: ແມ່ນການລະບາດຂອງພະ ຍາດສັດ ເຊິ່ງຍັງເປັນໄພຂົ່ມຂູ່ ແລະ ສ້າງຜົນກະທົບຕໍ່ການລ້ຽງ
ສັດຢ່າງໜັກໜ່ວງສົມຄວນໃນແຕ່ ລະປີ ໂດຍສະເພາະພະຍາດປາກເປື່ອຍລົງເລັບ, ພະຍາດເຕົ້າໂຮມເລືອດງົວ-ຄວາຍ,ພະຍາດໄຂ້ບວມ,
ອະຫິວາ, ຫູູກ່ຳໝູ, ພະ ຍາດນິວຄາເຊິນ, ອະຫິວາສັດປີກ, ອະຫິວາເປັດ, ໄຂ້ຫວັດສັດປີກ
ແລະ ພະຍາດອື່ນໆ. ພະຍາດດັ່ງ ກ່າວນີ້ນອກຈາກສົ່ງຜົນກະທົບໂດຍກົງຕໍ່ສັດປີກແລ້ວຍັງສາ
ມາດຕິດຕໍ່ໃສ່ຄົນທັງໄດ້ສົ່ງຜົນກະທົບຕໍ່ການສົ່ງອອກສັດ ແລະ ຜະລິດຕະພັນສັດນຳອີກ.
No comments:
Post a Comment