ໃນວັນທີ 7 ພະຈິກນີ້, ທ່ານ ກິດສະໜາ ວົງໄຊ
ຜູ້ອຳນວຍການໃຫຍ່ບໍ ລິສັດ ເບຍລາວ ຈຳກັດ, ໄດ້ມອບເງິນສົດຈຳນວນ 139 ລ້ານກີບ, ຜະລິດຕະພັນມູນຄ່າ
12 ລ້ານກວ່າກີບ ແລະ ເຄື່ອງທີ່ລະ ນຶກ ມູນຄ່າ 23 ລ້ານກີບ, ລວມ ມູນຄ່າທັງ ໝົດ
175 ລ້ານກວ່າກີບ. ໃຫ້ທ່ານ ສາຍທອງ ແກ້ວດວງດີ ຮອງເຈົ້າຄອງນະຄອນ ຫລວງວຽງຈັນ
ປະທານຄະນະກຳມະການຈັດງານບຸນນະມັດ ສະການພະທາດຫລວງປະຈຳປີ 2013 ເພື່ອປະກອບສ່ວນສະໜັບ
ສະໜູນງານບຸນດັ່ງກ່າວໃຫ້ມີຜົນ ສຳເລັດດ້ວຍດີ.
ໂອກາດນີ້, ທ່ານຮອງເຈົ້າ ຄອງ ໄດ້ສະແດງຄວາມຂອບໃຈ
ແລະ ຮູ້ບຸນຄຸນຕໍ່ຜູ້ອຳນວຍການໃຫຍ່ບໍລິສັດເບຍລາວທີ່ໄດ້ປະ ກອບສ່ວນອຸປະຖຳທັງເງິນສົດ
ແລະ ຜະລິດຕະພັນຕ່າງໆແກ່ງານບຸນສຳຄັນທາງວັດທະນະ ທຳຂອງຊາດລາວຄັ້ງນີ້, ຊຶ່ງງານບຸນດັ່ງກ່າວເປັນການສືບທອດຮີດຄອງປະເພນີທີ່ໄດ້ຈັດຕັ້ງກັນມາແຕ່ດົນນານນອກຈາກເປັນການອະນຸລັກຮັກສາດ້ານວັດທະ
ນະ
ທຳແລ້ວຍັງເປັນການສົ່ງເສີມການຜະລິດຈຳໜ່າຍສິນຄ້າປະເພດຕ່າງໆທີ່ຫລາກຫລາຍ,
ລວມ ທັງສິນຄ້າຫັດຖະກຳ ແລະ ເຄື່ອງອຸປະໂພກ-ບໍລິໂພກ ທີ່ເປັນເອກກະລັກຂອງລາວໃນຂອບເຂດທົ່ວປະເທດ,
ທີ່ສຳຄັນແມ່ນການດຶງດູດນັກທ່ອງທ່ຽວໃຫ້ເຂົ້າມາທ່ຽວຢູ່ລາວຫລາຍຂຶ້ນໂດຍບຸນ
ທາດຫລວງປີນີ້ຈະເລີ່ມຂຶ້ນແຕ່ວັນທີ 11-17 ພະຈິກ 2013.
ທ່ານ ກິດສະໜາ ວົງໄຊ ກໍໄດ້ກ່າວວ່າ: ບໍລິສັດເບຍລາວ
ໄດ້ເຫັນເຖິງຄວາມໝາຍຄວາມສຳ ຄັນຂອງງານບຸນນະມັດສະ ການພະທາດຫລວງ ຊຶ່ງໃນແຕ່ລະປີໄດ້ມີການປະກອບສ່ວນອຸປະຖຳຕະຫລອດມາ,
ປີນີ້ຄົບຮອບ 40 ປີຂອງບໍລິສັດເບຍລາວ ໂດຍບໍລິ ສັດໄດ້ດຳເນີນຫລາຍກິດຈະກຳ ເພື່ອເປັນການຊ່ວຍເຫລືອສັງຄົມ
ແລະ ເຊື່ອໝັ້ນວ່າພາຍໃຕ້ການຊີ້ ນຳ-ນຳພາຂອງຄະນະນຳນະ ຄອນຫລວງວຽງຈັນ ຈະເຮັດໃຫ້
ງານບຸນພະທາດຫລວງມີຄວາມສະຫງົບຮຽບຮ້ອຍ ແລະ ມີຜົນ ສຳເລັດອັນຈົບງາມ.
No comments:
Post a Comment