ກົມຮູບເງົາກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ
ແລະ ທີມ ງານວຽງຈັນນານ, ໄດ້ຈັດພິທີ ເປີດງານມະຫະກຳຮູບເງົາວິທະຍາສາດ ເພື່ອການສຶກ ສາຂອງລາວໃນວັນທີ
7 ພະຈິກນີ້ ຢູ່ກົມຮູບເງົາຊຶ່ງ ມີທ່ານ ບຸນເຈົ້າ ພິຈິດ ຫົວໜ້າ ກົມຮູບເງົາ, ທ່ານ ທອງ ແກ້ວອາສາ
ຮອງຜູ້ອຳນວຍການສະຖາບັນຄົ້ນຄວ້າການ ສຶກສາກະຊວງສຶກສາທິການ ແລະ ກິລາ ແລະ ພະ ນັກງານທີ່ກ່ຽວຂ້ອງເຂົ້າຮ່ວມ.
ທ່ານ ທອງ ແກ້ວອາສາ ໃຫ້ຮູ້ວ່າ:ມະຫະກຳວິທະຍາສາດເພື່ອການສຶກສາຂອງ ລາວໃນຄັ້ງນີ້ມີເປົ້າໝາຍແນໃສ່ເຮັດໃຫ້ນັກຮຽນ, ນັກສຶກສາໄດ້ມີການພັດທະນາຕົນເອງ, ສາມາດທົດສອບທັກສະ, ຄວາມຮູ້ ຄວາມສາມາດ
ແລະ ກ້າສະແດງອອກ ໄດ້ດ້ວຍຕົນເອງເພື່ອເຮັດເຂົາເຈົ້າໄດ້ຮຽນຮູ້ເທື່ອລະກ້າວ ແລະ ຄົ້ນຄວ້າທາງວິທະຍາ ສາດໃຫ້
ຫລາຍຂຶ້ນກວ່າເກົ່າ. ຮູບເງົາທີ່ນຳໄປສາຍໃນງານມະຫະກຳຮູບເງົາຄັ້ງນີ້ມີ “ເລື່ອງໄລ່ລ່ານ້ຳກ້ອນ”
ແລະ ເລື່ອງອື່ນໆ ທີ່ໄດ້ຮັບການຄັດເລືອກ ແລະ ຈະສາຍຢູ່ໃນ 6 ແຂວງຂອງລາວ ຄື: ນະຄອນ ຫລວງວຽງຈັນ,
ແຂວງວຽງຈັນ, ຊຽງ ຂວາງ, ຄຳມ່ວນ, ສະຫວັນນະເຂດ ແລະ ຈຳປາສັກ ຊຶ່ງໄດ້ເລີ່ມແຕ່ວັນທີ 7 ພະຈິກ
2013 ນີ້ຈົນເຖິງວັນທີ 30 ທັນ ວາ 2013 ຊຶ່ງມີລາຍລະອຽດດັ່ງນີ້: ແຕ່ວັນທີ 7-9 ພະຈິກ
2013 ສາຍ ຢູ່ກົມຮູບເງົາ, ເວລາ 9:00 ໂມງ; ແຕ່ວັນທີ 10-22 ພະຈິກ 2013 ຈະ ສາຍຢູ່ຕາມໂຮງຮຽນ
ແລະ ຊົມ ຊົນຕ່າງໆໃນນະຄອນຫລວງ ວຽງຈັນ ແລະ ວັນທີ 11 ພະຈິກ ຫາວັນທີ 30 ທັນວາ 2013 ແມ່ນ
ໄປສາຍຢູ່ຕ່າງແຂວງມີຄື:ແຂວງ ວຽງຈັນ, ຊຽງຂວາງ, ຄຳມ່ວນ, ສະ ຫວັນນະເຂດ ແລະ ຈຳປາສັກ ຕາມລຳດັບທີ່ໄດ້ກຳນົດໄວ້.
No comments:
Post a Comment