ທ່ານ ຄຳສອນ ແພງຣັດຕະນະວົງ ກ່າວວ່າ: ບໍລິສັດ
ເບຍລາວ ຈຳກັດ ໄດ້ເຕີບໃຫຍ່ຂະຫຍາຍ ຕົວ ແລະ ກ້າວໜ້າຢ່າງຕໍ່ເນື່ອງຕະຫລອດໄລຍະ
40 ປີດ້ວຍຜົນ ສຳເລັດຢ່າງພູມໃຈ ແລະ ໄດ້ຂະ ຫຍາຍການຜະລິດເບຍ, ນ້ຳດື່ມ, ນ້ຳຫວານ
ແລະ ເຄື່ອງດື່ມເສີມ ພະລັງງານ ເພື່ອຕອບສະໜອງ ຄວາມຮຽກຮ້ອງຕ້ອງການຂອງລູກຄ້າຜູ້ບໍລິໂພກ
ເພື່ອບັນລຸເປົ້າແຜນການ ແລະ ເປົ້າໝາຍທາງທຸລະກິດອັນຍິ່ງໃຫຍ່ທີ່ເຕັມໄປດ້ວຍຄວາມຮັບຜິດຊອບສູງ,
ບໍ ລິສັດເບຍລາວຈຳກັດຈະກ້າວໄປຢ່າງໜັກແໜ້ນບົນພື້ນຖານກວ່າ 40 ປີທີ່ເບຍລາວໄດ້ຮັບການຍອມຮັບເປັນໜຶ່ງໃນເບຍທີ່ດີທີ່ສຸດຂອງໂລກດ້ວຍລົດຊາດທີ່ເປັນເອກະລັກສະ
ເພາະ
ເຊິ່ງເປັນຄວາມພູມໃຈຂອງຄົນລາວພວກເຮົາ. ບໍລິສັດເບຍລາວຈຳ ກັດໄດ້ຮ່ວມໃນການສະໜັບສະ
ໜູນສົ່ງເສີມການຮັກສາຮີດຄອງປະເພນີອັນດີງາມຂອງຊາດລາວເຮົາຕະຫລອດມາ ຖືເອົາວາລະອັນສຳຄັນນີ້ເຊີດຊູຜົນງານແຫ່ງຄວາມພາກພູມໃຈຂອງຄວາມເປັນລາວຂອງພວກເຮົາອີກຄັ້ງ
ໜຶ່ງ.
ທ່ານ
ຄຳສອນ ແພງຣັດ ຕະນະວົງ ກ່າວວ່າ:ປະຕິທິນເບຍລາວໃນປີ2014 ນີ້ ມີຫົວຂໍ້ວ່າ: “ ສະເໜ່ເມືອງລາວ” ເພາະ ວ່າເມືອງລາວເປັນດິນແດນທີ່ແສນຮັກແພງ
ແລະ ຫວງແຫນຂອງຄົນລາວທັງຊາດ, ມີສິລະປະ ແລະ ວັດທະນະທຳທີ່ສືບທອດມາ ຍາວນານຫລາຍຊົ່ວອາຍຸຄົນ,
ຮັ່ງມີໄປດ້ວຍຊັບພະຍາກອນທຳມະຊາດ ແລະ ແຫລ່ງທ່ອງທ່ຽວທາງທຳມະຊາດອັນອຸດົມ
ສົມ ບູນ, ທຸກສິ່ງມີຊີວິດ ໄດ້ຮັບການເກື້ອໜູນຈາກຊັບໃນດິນສິນໃນນ້ຳເປັນມໍລະດົກອັນລ້ຳຄ່າເຊິ່ງຫວ່າງບໍ່ດົນມານີ້ປະເທດລາວກໍໄດ້ຖືກຍົກຍ້ອງໃຫ້ເປັນແຫລ່ງແຫ່ງຈຸດປາຍທາງສຳລັບນັກທ່ອງທ່ຽວຈາກທົ່ວໂລກທີ່ເດີນ
ທາງຢ້ຽມຢາມຊື່ນຊົມທີ່ດີທີ່ສຸດປະຈຳປີ 2013. ປະຕິທິນເບຍລາວໃນປີ 2014 ນີ້
ກໍໄດ້ຄົ້ນຫານາງສາວງາມ 6 ຄົນດ້ວຍຄວາມ ເອົາໃຈໃສ່ເປັນພິເສດບໍ່ວ່າຈະເປັນການຄັດເລືອກບັນດາສາວງາມຈາກທົ່ວປະເທດ
ເພື່ອເປັນຕົວແທນໃນການບອກເລົ່າຄວາມຈົບງາມ, ຄວາມພາກພູມໃຈ ແລະ ສົມດັ່ງຄວາມຄາດຫວັງ
ຈາກມວນຊົນລາວຜູ້ໃຫ້ການສະໜັບສະໜູນບໍລິສັດຂອງພວກເຮົາດ້ວຍດີຕະຫລອດມາ.
No comments:
Post a Comment