ຜູ້ຕາງໜ້າຈາກພາກສ່ວນຕ່າງໆອ້ອມຂ້າງກະຊວງຖະແຫລງຂ່າວ,
ວັດທະ ນະທຳ ແລະ ທ່ອງທ່ຽວ (ຖວທ), ໄດ້ເຂົ້າຮ່ວມສຳມະນາການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງໃນໂລກ,
ພາກພື້ນ ແລະ ສປປ ລາວ ເຊິ່ງຈັດໂດຍຄະນະກຳມະການເພື່ອຄວາມກ້າວໜ້າຂອງແມ່ຍິງ
ແລະ ເດັກນ້ອຍ ກະຊວງ(ຖວທ)ໃນວັນທີ 14-15 ພະຈິກນີ້, ທີ່ທ່າລາດ, ເມືອງແກ້ວອຸດົມ,ແຂວງວຽງຈັນ
ເພື່ອສ້າງຄວາມຮັບ ຮູ້ເຂົ້າໃຈບັນຫາສະພາບຄວາມສ່ຽງ, ວິທີການປ້ອງກັນ ແລະ ແກ້ໄຂກ່ຽວກັບການຢຸດຕິຄວາມຮຸນແຮງຕໍ່ແມ່ຍິງທຸກຮູບແບບໃນຄອບຄົວ,
ສັງຄົມ, ໃນພາກພື້ນ, ສາກົນ ແລະ ໃນ ສປປ ລາວ. ພ້ອມນີ້ ຍັງເປັນການປູກຈິດສຳນຶກ
ແລະ ສ້າງຈິນຕະນາການໃໝ່ທີ່ຖືກຕ້ອງ ແລະ ທຳຄວາມເຂົ້າໃຈຢ່າງເລິກເຊິ່ງກ່ຽວກັບນະໂຍບາຍ
ແລະ ຍຸດທະສາດຂອງພັກ ແລະ ລັດ ໃນການລົບລ້າງຄວາມຮຸນແຮງຕໍ່ແມ່ຍິງໃນອະນາຄົດ.
ການສຳມະນາຄັ້ງນີ້,ຈັດຂຶ້ນໂດຍການເປັນປະທານຂອງ
ທ່ານ ສະຫວັນຄອນ ຣາຊມຸນຕີ ລັດຖະມົນຕີຊ່ວຍວ່າການກະຊວງຖະແຫລງຂ່າວ, ວັດທະນະທຳ
ແລະ ທ່ອງທ່ຽວ ໂດຍທ່ານໄດ້ກ່າວບາງຕອນວ່າ: ບັນຫາຄວາມຮຸນແຮງຕໍ່ແມ່ຍິງເປັນບັນຫາທີ່ເກີດຂຶ້ນໃນທຸກແຫ່ງຫົນຂອງສັງຄົມມະນຸດທີ່ສືບເນື່ອງກັນມາຫລາຍສະຕະວັດ
ແລະ ຫລາຍເຊັ່ນຄົນມາແລ້ວ ຊຶ່ງບໍ່ເລືອກສະຖານທີ່ ຫລື ເວລາ ແລະ ສາມາດເກີດຂຶ້ນກັບທຸກຊັ້ນຄົນ
ແລະ ນັບມື້ທະວີຄູນຂຶ້ນໃນລະດັບໂລກ ແລະ ພາກພື້ນ. ຈາກຂໍ້ມູນໃນທົ່ວໂລກໄດ້ຊີ້ໃຫ້ເຫັນວ່າ:ຍັງມີແມ່ຍິງຈຳນວນຫລວງຫລາຍໃນທົ່ວໂລກ
ຕົກເປັນເປົ້າໝາຍຂອງຄວາມຮຸນແຮງທາງຮ່າງກາຍ,ອາລົມ ແລະ ຄວາມຮຸນແຮງຫລາຍຮູບແບບ
ແລະ ຜົນສະທ້ອນຕ່າງໆທີ່ຕາມມາ, ຄວາມຮຸນແຮງດັ່ງກ່າວຖືເປັນ ຄວາມຮຸນແຮງບົນພື້ນຖານທາງເພດຂອງຄວາມແຕກຕ່າງລະຫວ່າງຍິງ-ຊາຍ
ແລະ ເປັນການລະເມີດສິດທິມະນຸດຊຶ່ງສ້າງຄວາມເສຍຫາຍຢ່າງໜັກຕໍ່ແມ່ຍິງ, ເດັກນ້ອຍ
ແລະ ສັງຄົມ.
ທ່ານລັດຖະມົນຕີຊ່ວຍວ່າການກະຊວງຖະແຫລງຂ່າວ,
ວັດທະນະທຳ ແລະ ທ່ອງທ່ຽວ ໃຫ້ຮູ້ອີກວ່າ: ປັດຈຸບັນ ຄວາມຮຸນແຮງຕໍ່ແມ່ຍິງເປັນບັນຫາຂອງທຸກຝ່າຍໃນທົ່ວໂລກກຳລັງໃຫ້ຄວາມສຳຄັນ
ແລະ ເອົາໃຈໃສ່ແກ້ໄຂເພື່ອຢຸດຕິບັນຫາດັ່ງກ່າວ ເປັນບັນຫາທີ່ຖືກຍົກຂຶ້ນມາເປັນປະເດັນໃນຫລາຍກອງປະຊຸມໃນລະດັບພາກພື້ນ
ແລະ ສາກົນແນໃສ່ເຮັດໃຫ້ສັງຄົມຫັນມາເອົາໃຈໃສ່ ແລະ ຮ່ວມກັນແກ້ໄຂໃຫ້ຫລຸດຜ່ອນລົງ.
ໃນການສຳມະນາໃນຄັ້ງ ນີ້,ບັນດາຜູ້ເຂົ້າຮ່ວມໄດ້ພ້ອມກັນຮັບຟັງເພື່ອສ້າງຄວາມເຂົ້າໃຈຕໍ່ບັນຫາດັ່ງກ່າວກໍຄືແນວທາງນະໂຍບາຍຂອງພັກບລັດ
ຕໍ່ການຈັດ ຕັ້ງປະຕິບັດສົນທິສັນຍາຊີດໍສາກົນ ໃນ ສປປ ລາວ, ການບັນລຸເປົ້າໝາຍສະຫັດສະວັດດ້ານການພັດທະນາ
ໂດຍສະເພາະເປົ້າໝາຍທີ 3 ວ່າດ້ວຍຄວາມສະເໝີພາບລະ ຫວ່າງຍິງ-ຊາຍ,ການບັນລຸສິ່ງທ້າທາຍ
ແລະ ຄວາມສ່ຽງທີ່ຕິດພັນກັບການສ້າງຄວາມກຽມພ້ອມໃຫ້ແກ່ແມ່ຍິງ ແລະ ເດັກຍິງໃນການເຊື່ອມໂຍງພາກພື້ນ
ແລະ ອື່ນໆ.
No comments:
Post a Comment