ວັນທີ 17 ພະຈິກ 2013, ກົງກັບມື້ຂຶ້ນ 15 ຄ່ຳເດືອນ 12 ເພັງ (ເດືອນ ລາວ)
ພສ 2556 ເຊິ່ງ ເປັນມື້ສຸດທ້າຍ ຂອງບຸນນະມັດສະການພະທາດຫລວງນັ້ນ, ໃນຕອນເຊົ້າຂອງມື້ດັ່ງກ່າວ,
ທ່ານ ບຸນຍັງ ວໍລະຈິດ ຮອງປະທານ ປະເທດແຫ່ງ ສປປ
ລາວ ພ້ອມພັນລະຍາ ແລະ ຜູ້ນຳພັກ-ລັດ, ພຸດທະສາສະນິກະຊົນໃນທົ່ວເທດ ເປັນຈຳນວນຫລາຍໄດ້ຮ່ວມເຮັດບຸນໃສ່ບາດຖວາຍສັງຄະທານແດ່ພະພິຂຸສົງຫລາຍ ພັນອົງພ້ອມທັງຟັງທຳມະເທສະໜາຕາມຮີດຄອງປະເພນີອັນດີງາມທີ່ມີມາແຕ່ດຶກດຳບັນ ເຊິ່ງການເຮັດບຸນດັ່ງກ່າວເພື່ອລະນຶກ ເຖິງຄຸນງາມຄວາມດີ ແລະ ອຸທິດບຸນກຸສົນແດ່ພະເຈົ້າໄຊຍະ
ເຊດຖາທິຣາດ ທີ່ ເປັນຜູ້ກໍ່ສ້າງ ແລະ ປະຕິສັງຂອນພະທາດ ຫລວງ.
ຕອນບ່າຍຂອງມື້ດຽວກັນ ກໍໄດ້ມີພິທີແຂ່ງຂັນກິລາຕີຄີພື້ນເມືອງລາວຢູ່ເດີ່ນພະທາດຫລວງ
ລະຫວ່າງທີມອຳນາດການ ປົກຄອງ-ພະນັກງານ ແລະ ທີມປະຊາຊົນ, ສ່ວນຕອນຄ່ຳກໍມີວຽນທຽນ, ຈູດບັ້ງໄຟດອກບູຊາພະທາດຫລວງ
ແລະ ຄົບງັນ ຕາມປະເພນີ.
ກ່ອນໜ້ານີ້ຄືວັນທີ 16 ເດືອນດຽວກັນ,ພຸດທະສາສະນິກກະຊົນໃນນະຄອນຫລວງວຽງຈັນ
ແລະ ຕ່າງແຂວງກໍ ຄືນັກທ່ອງທ່ຽວທັງພາຍໃນ ແລະ ຕ່າງປະເທດໄດ້ຮ່ວມຂະບວນແຫ່ຜາສາດເຜິ້ງຈາກວັດສີເມືອງເພື່ອບູຊາພະທາດຫລວງຕາມ
ຮີດຄອງປະເພນີ.
ສຳລັບການແຫ່ຜາສາດເຜິ້ງນັ້ນ ມີການກ່າວຂານກັນວ່າ:ເມື່ອພະພິກຂຸເມືອງໂກສຳພີວິວາດຜິດຖຽງກັນ,
ພະພຸດທະ ເຈົ້າກໍມາຕັກເຕືອນ, ແຕ່ກໍບໍ່ຟັງ.ຈາກ ນັ້ນພະອົງຈຶ່ງສະເດັດໄປຈຳພັນສາ ຢູ່ປ່າລັກຂີຕະວັນ
ໂດຍມີຊ້າງ ແລະ ລີງ ເປັນຜູ້ອຸປະ ຖາກໂດຍໄດ້ແບ່ງໜ້າທີ່ໃຫ້ກັນຄືຊ້າງເປັນຜູ້ຕົ້ມນ້ຳຖວາຍ.
ສ່ວນຮັງເຜິ້ງ ທີ່ພະອົງໄດ້ຄັ້ນແລ້ວເອົາມາສັນ ນັ້ນຈຶ່ງມີຜູ້ຄິດເຫັນປະ ໂຫຍດ ໂດຍເອົາຂີ້ເຜິ້ງມາເຮັດທຽນຖວາຍ.
ແນວໃດກໍດີ, ຖ້າເອົາພຽງແຕ່ຂີ້ເຜິ້ງໄປຖວາຍ ແລະ ກໍເຫັນວ່າຄືບໍ່ເປັນສິ່ງສຳຄັນ ຈິ່ຶງໄດ້ອຸສາເຮັດເປັນຕົ້ນໂດຍການປະດັບຕົກແຕ່ງໃຫ້ງາມແລ້ວກໍຫາມແຫ່ໄປຖວາຍຈົນຖືເປັນປະເພນີສືບມາເທົ່າທຸກມື້ນີ້
ແລະ ກໍຕິດພັນກັບບຸນນະມັດສະການພະທາດຫລວງຕະຫລອດມາ.
No comments:
Post a Comment