ບັນຍາກາດການສະແດງສິລະປະວັດທະນະທຳຮັບໃຊ້ໃຫ້ແກ່ກອງປະຊຸມລັດຖະມົນຕີທ່ອງທ່ຽວ
6 ປະເທດ ຄັ້ງທີ 3 ພາຍໃຕ້ຫົວຂໍ້” ຕາມເສັ້ນທາງແຫ່ງອະລິ ຍະທຳ ” ໃນງານບຸນນະມັດສະ
ການພະທາດຫລວງປະຈຳປີ ໃນວັນທີ 16 ພະຈິກ 2013 ໄດ້ສ້າງ ບັນຍາກາດອັນຟົດຟື້ນມ່ວນຊື່ນ,
ເຂົ້າຮ່ວມຊົມມີ ທ່ານ ບົວເງິນ ຊາພູວົງ ລັດຖະມົນຕີຊ່ວຍວ່າການກະຊວງຖະແຫລງຂ່າວ,
ວັດທະ ນະທຳ ແລະ ທ່ອງທ່ຽວ, ມີບັນ ດາມວນຊົນຈາກທົ່ວສາລະທິດ ແຂກທັງພາຍໃນ
ແລະ ຕ່າງປະເທດໄດ້ຫລັ່ງໄຫລເຂົ້າທ່ຽວຊົມ ຢ່າງຫລວງຫລາຍ.
ສຳລັບມະໂຫລານສິລະປະພື້ນເມືອງບັນດາເຜົ່າທົ່ວປະເທດຄັ້ງທີ
V ໄດ້ສະແດງຮັບໃຊ້ມວນຊົນເປັນຄືນທີຫ້າຢູ່ເວທີ ກາງເດີ່ນພະທາດຫລວງ ຊຶ່ງມີ
6 ປະເທດເຂົ້າຮ່ວມຄື: ກຳປູເຈຍ, ອິນໂດເນເຊຍ, ລາວ, ມຽນມາ, ໄທ, ແລະ ຫວຽດນາມ ກໍເປັນອີກສີສັນໜຶ່ງທີ່ສາມາດດຶງດູດນັກທ່ອງທ່ຽວພາຍໃນ
ແລະ ຕ່າງປະເທດເຂົ້າຊົມໄດ້ຢ່າງຫລວງຫຼາຍເພາະສິລະປະການສະແດງຂອງແຕ່ລະປະເທດຍັງສະແດງອອກເຖິງຄວາມເປັນເອກະລັກ,
ຮິດ ຄອງປະເພນີ, ວັດທະນະທຳທີ່ແຕກຕ່າງກັນ ແລະ ມີຄວາມ ສວຍສົດງົດງາມເພື່ອສ້າງຄວາມປະທັບໃຈໃຫ້ຜູ້ມາທ່ຽວງານ.
ການສະແດງໃນຄ່ຳຄືນວັນທີ 16 ພະຈິກ ນັ້ນລວມມີ
14 ລາຍ ການ ຈາກ 6 ປະເທດ ຊຶ່ງໄດ້ ຜັດປ່ຽນກັນສ້າງຄວາມເບີກບານມ່ວນຊື່ນຕາມລຳດັບເລີ່ມເປີດສາກໂດຍ
ບົດຟ້ອນອັບສະລາ, ຟ້ອນຫາປາ ແລະ ຟ້ອນນົກຍຸງ ຈາກນັກສະແດງປະເທດກຳປູເຈຍ,
ຕໍ່ດ້ວຍລະຄອນຟ້ອນ Amazing Buddha ຈາກປະເທດ ອິນໂດເນເຊຍ ແລະ ເສບດ່ຽວດົນ ຕີທີ່ມີຊື່ວ່າ
ຊັອງກ໋ອກໃນບົດເພງ” Aung Zap Paing Zay”, ຟ້ອນ Zagawar Myay, ຕູໂປ ຕູໂປ ທິງຢວນ
ປະກອບບົດເພງ ຈາກປະເທດມຽນມາ, ສ່ວນໄທກໍໄດ້ນຳເອົາການສະແດງ ຊຸດເທບປະ ທານພອນ
ເຈີດຂະຈອນໄທ ທົ່ວແດນ, ຕາມດ້ວຍການສະແດງຈິດວິນຍານ ຂອງໄມ້ໄຜ່, ຟ້ອນ ພະລັງຂອງປ່າ
ແລະ ພູທີ່ເຕັມໄປດ້ວຍດອກໄມ້ຈາກ ສສ. ຫວຽດ ນາມ. ສຳລັບສິລະປະລາວໄດ້ນຳສະເໜີລາຍການບົດຟ້ອນພຸດທະປະຫວັດ,
ແສງທຽນແສງທຳ ແລະ ສຸດທ້າຍ ຕາມດ້ວຍບົດຟ້ອນເຜົ່າລາວຮ່ວມສຳພັນ ຊຶ່ງທຸກໆການສະແດງລ້ວນແຕ່ໄດ້ຄັດເລືອກລາຍການທີ່ໂດດເດັ່ນສ່ອງແສງໃຫ້ເຫັນວິຖີຊິວິດຂອງແຕ່ລະປະເທດມາປະດິດຄິດສ້າງເປັນບົດຟ້ອນ,
ບົດສະແດງມາຮັບໃຊ້ໃນງານບຸນນະມັດສະການພະ ທາດຫລວງ ແລະ ຮັບໃຊ້ໃຫ້ແກ່ກອງປະຊຸມລັດຖະມົນຕີທ່ອງທ່ຽວຄັ້ງທີ
3.
No comments:
Post a Comment