ທ່ານ ຫົງຄຳ ສຸວັນນະວົງ ອຳນວຍການສະຖານີໂທລະພາບ
ທີວີລາວ (TV LAO) ໄດ້ໃຫ້ສຳ ພາດຕໍ່ນັກຂ່າວໃນວັນທີ 8 ພະຈິກນີ້ວ່າ: ສະຖານີໂທລະພາບ ທີວີ
ລາວ ໄດ້ຮັບ ລິຂະສິດຈາກຄະນະ ກຳມະການຊີເກມ ເພື່ອຖ່າຍທອດ ສົດມະຫາກຳ ກິລາຊີເກມຄັ້ງທີ 27
ທີ່ປະເທດມຽນມາ ເປັນເຈົ້າ ພາບຊຶ່ງຈະຈັດໃນເດືອນທັນວານີ້ ແລະ ຈະມີການສົ່ງສັນ ຍານທົດລອງໃນ
ທ້າຍເດືອນພະຈິກນີ້.
ທ່ານ ຫົງຄຳ ກ່າວວ່າ: ຊີ ເກມຄັ້ງທີ 27 ນີ້
ຈະແຂ່ງຂັນຢູ່ ນະຄອນເນຍປີດໍ, ຢາງກຸງ, ມັນດາເລ ແລະ ງໍວີຊຸງ ມີທັງ ໝົດ 46 ປະເພດ ກິລາ,ໃນນັ້ນຈະມີນັກກິລາລາວ
ເຂົ້າຮ່ວມ 28 ປະເພດ ແລະ ຖ່າຍ ທອດສົດ 21 ປະເພດ ແລະ ຖ່າຍ ທອດບັນທຶກ 18 ປະເພດ, ສ່ວນພິທີເປີດ-ປິດ
ຈະຖ່າຍທອດສົດເຊັ່ນກັນ ແລະ ຈະມີການຖ່າຍທອດ ສົດທຸກປະເພດກິລາ
ທີ່ນັກກິລາລາວລົງແຂ່ງຂັນ, ແຕ່ຖ້າມີນັກກິລາລາວລົງແຂ່ງຂັນຫລາຍປະເພດພ້ອມກັນ ກໍຈະເລືອກ ຖ່າຍທອດກິລາປະເພດທີ່
ມີຄົນນິຍົມເບິ່ງຫລາຍ.
ອຳນວຍການໂທລະພາບທີວີລາວ ກ່າວວ່າ: ນີ້ເປັນຄັ້ງປະຫວັດສາດທີ່ໂທລະພາບຂອງລາວເຮົາໄດ້ຮັບລິຂະສິດຖ່າຍ
ທອດສົດກິລາຊີເກມຈາກຕ່າງປະເທດຊຶ່ງໂທລະພາບທີວີລາວ ມີຄວາມຕ້ອງການໃຫ້ປະຊາຊົນລາວໃນທົ່ວປະເທດສາມາດ
ຕິດຕາມຜົນງານ ແລະ ຮ່ວມ ເຊຍນັກກິລາລາວ ໃນການເຂົ້າ ຮ່ວມແຂ່ງຂັນມະຫະກຳກິລາຄັ້ງ ນີ້ ບໍ່ວ່າການຖ່າຍທອດສົດ
ແລະ ການລາຍງານຂ່າວຜົນການແຂ່ງຂັນຂອງນັກກິລາລາວໃນແຕ່ລະມື້ ເຊິ່ງນອກຈາກມະຫະກຳກິລາຊີ ເກມຄັ້ງທີ
25 ທີ່ ສປປ ລາວໄດ້ຮັບກຽດເປັນເຈົ້າພາບຈັດໃນປີ 2009 ແລ້ວ, ການຕິດຕາມການແຂ່ງຂັນ ກໍແມ່ນເບິ່ງຈາກໂທລະພາບຂອງ
ປະເທດໃກ້ຄຽງທີ່ນັກກິລາລາວ
ແຂ່ງຂັນກັບນັກກິລາຂອງເຂົາ ເທົ່ານັ້ນ.
No comments:
Post a Comment