ໃນວັນທີ 22 ພະຈິກນີ້, ຢູ່ທີ່ສູນພາສາຝຣັ່ງ,ນະຄອນຫຼວງວຽງຈັນ,ໄດ້ຈັດການສະແດງດົນ
ຕີເພື່ອສະເຫຼີມ ສະຫຼອງສາຍພົວ ພັນມິດຕະພາບ ແລະ ການຮ່ວມມືອາຊຽນ-ຢີ່ປຸ່ນ ຄົບຮອບ
40 ປີ, ໃຫ້ກຽດເຂົ້າຮ່ວມ ຊົມການສະແດງດັ່ງກ່າວມີ ທ່ານ ຈະເລີນ ວາລິນທະລາສັກ
ລັດຖະມົນຕີຊ່ວຍວ່າການກະຊວງຖະແຫຼງ ຂ່າວ, ວັດທະນາທຳ ແລະ ທ່ອງທ່ຽວ, ທ່ານ ປອນເມກ
ດາລາລອຍ ປະທານສະມາຄົມມິດຕະ ພາບລາວ- ຢິ່ປຸ່ນ, ແລະ ທ່ານ ຮິໂຣະຢູກິ ຄິຊິໂນະ ເອກອັກຄະຣາ ຊະທູດຢິ່ປຸ່ນປະຈຳ
ສ.ປ.ປ ລາວ ພ້ອມດ້ວຍທູຕານະທູດ,ຜູ້ຕ່າງໜ້າອົງການສາກົນຕ່າງໆ, ປະຈຳລາວເຂົ້າຮ່ວມເປັນຈຳນວນຫຼາຍ.
ໃນງານຍັງມີການສະແດງດົນຕີ ຈາກກຸ່ມສິລະປີນ ROKKASEN ແລະ ກຸ່ມສິລະປີນລາວທີ່ສະແດງດົນຕີພື້ນເມືອງລາວ
(ແຄນ ແລະ ລຳ) ໄດ້ສະແດງໃຫ້ເຫັນເຖີງຄວາມຮ່ວມມື ແລະ ຄຳໝັ້ນສັນຍາໃນການເປັນຄູ່ຮ່ວມມືຢ່າງກວ້າງຂວາງ
ລາວ ແລະ ຢິ່ປຸ່ນ.
ຂ່າວໃຫ້ຮູ້ອີກວ່າ: ໃນ ວັນອາທິດທີ່ຜ່ານມາ
ພະນະທ່ານ ຊິນໂຊະ ອາເບະ ນາຍົກລັດ ຖະ ມົນຕີຂອງຢິ່ປຸ່ນ ກໍ່ໄດ້
ເດີນ ທາງ ມາຢ້ຽມຢາມລາວຢ່າງເປັນທາງການ.
ນັບຕັ້ງແຕ່ປີ 2000 ເປັນຕົ້ນມາ ຖ້ານັບລວມເອົາ ການມາ ຢ້ຽມຢາມຕັ້ງແຕ່ສະໄໝ ພະນະທ່ານ
ໂອບູຈິ ນາຍົກລັດຖະມົນຕີ ຂອງຢິ່ປຸ່ນ ຖືວ່ານີ້ແມ່ນຄັ້ງທີ່ 4 ທີ່ນາຍົກລັດຖະ ມົນຕີຂອງຢິ່ປຸ່ນ
ມາຢ້ຽມ ຢາມລາວ ເພື່ອເປັນການເສີມສ້າງສາຍພົວພັນມິດຕະພາບໃຫ້ ນັບມື້ແໜ້ນແຟ້ນຍິ່ງຂື້ນ.
ໃນ ຕອນທ້າຍພິທີ ທ່ານ ທູດ ໄດ້ກ່າວຄຳຂອບໃຈຕໍ່ການຈັດງານອັນມີຄວາມໝາຍດັ່ງກ່າວທີ່ໄດ້ຮັບການສະໜັບສະໜູນຈາກ
ກະຊວງການຕ່າງປະເທດແຫ່ງຢິ່ປຸ່ນ, ກະຊວງຖະແຫຼງຂ່າວ, ວັດທະນາທຳ ແລະ ທ່ອງທ່ຽວ
ແລະ ໃຫ້ຄຳໝັ້ນສັນຍາຢີ່ປຸ່ນຈະເປັນຄູ່ຮ່ວມມືທີ່ດີກັບ ສ.ປ.ປ ລາວ ຕະຫຼອດໃປ.
No comments:
Post a Comment