ນັກທ່ອງທ່ຽວດື່ມສິ່ງມຶນເມົາຈົນເສຍຊີວິດ

          ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ: ໃນເວ ລາປະມານ 3-4 ໂມງເຊົ້າ ຂອງ ວັນທີ 22 ພະຈິກ ໄດ້ ເກີດເຫດມີຄົນຕ່າງປະເທດ ເສຍຊີວິດຢູ່ໂຮງ ແຮມ ແມ່ຂອງຊັນຊາຍ ຕັ້ງຢູ່ບ້ານສີຖານເໜືອ ເມືອງສີໂຄດຕະບອງ ນະຄອນຫຼວງ ວຽງຈັນຍ້ອນດື່ມສິ່ງມຶນເມົາເກີນຂະໜາດ.

           ຜ່ານການສືບສວນ- ສອບສວນ ຂອງເຈົ້າໜ້າທີ່ໃຫ້ຮູ້ວ່າ: ຜູ້ເສຍຊີວິດ ຊື່ ທ້າວ ຣັດແຊວ ແບຣດເລຈອນ ອາຍຸ 38 ປີ ນັກທ່ອງທ່ຽວສັນຊາດອົດສະຕຣາລີ, ເມຍຊື່ ນາງ ສາໝອນ ຣັດແຊວ ຊຶ່ງທັງສອງໄດ້ເດີນທາງເຂົ້າມາລາວໃນວັນທີ 21 ພະຈິກນີ້ ແລະ ໄດ້ພັກຢູ່ໂຮງແຮມດັ່ງກ່າວ ໃນມື້ເກີດເຫດທັງສອງໄດ້ສັ່ງອາຫານ ແລະ ເບຍມາດື່ມ 8 ກະປ໋ອງ ຈາກນັ້ນຜູ້ເປັ ນຜົວໄດ້ ກິນມ໋ອກຝິ່ນ ແລະ ຢາລະງັບຈົນເສຍຊີວິດ.

             ຕາມການລາຍງານຂອງ ນາງ ສາໝອນ ຜູ້ເປັນເມຍວ່າ: ຜ່ານມາສາມີຂອງຕົນກໍເຄີຍເສບຢາເສບຕິດ ແລະ ກິນ ມອກຝິ່ນເປັນປະຈຳເພາະເປັນການປົວພະຍາດ, ຜູ້ກ່ຽວເປັນນັກມວຍ ແລະ ແຂນຫັກຖືກຜ່າຕັດມາແລ້ວ 3 ຄັ້ງ.

            ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ເຫດຜົນວ່າ: ສາເຫດການເສຍຊີວິດຂອງ ທ້າວ ຣັດແຊວ ຍ້ອນດື່ມສິ່ງ ມຶນເມົາ ແລະ ເສບຝິ່ນເກີນຂະໜາດ ຈຶ່ງເຮັດໃຫ້ຫົວໃຈຊຸດໂຊມກະທັນຫັນ ແລະ ເສຍຊີວິດ.