ກະຊວງໂຍທາທິການ ແລະ ຂົນສົ່ງ ສປປ
ລາວ ແລະ ອົງການການເງິນສາກົນພາກ ພື້ນອາຊີ-ປາຊີຟິກຕາເວັນອອກ ໄດ້ຕົກລົງຮ່ວມມືຊຸກຍູ້ການລົງ
ທຶນທັງພາກລັດ ແລະ ພາກທຸລະກິດເພື່ອສ້ອມແປງຍົກລະດັບເສັ້ນ ທາງຫລວງແຫ່ງຊາດ
13 ເໜືອແຕ່ນະຄອນຫລວງວຽງຈັນ-ວັງວຽງ ແຂວງວຽງຈັນ ໃນໄລຍະທາງ 136 ກິໂລແມັດ
ແລະ ນະ ຄອນຫລວງວຽງຈັນ-ປາກຊັນ ແຂວງບໍລິຄຳໄຊ ໄລຍະທາງ 131 ກິໂລແມັດ ເພື່ອໃຫ້ສະດວກສະ
ບາຍຕໍ່ການສັນຈອນຂອງພາຫະ ນະ ເຊິ່ງພິທີເຊັນສັນຍາການຮ່ວມມືດັ່ງກ່າວໄດ້ຈັດຂຶ້ນໃນວັນທີ
12 ພະຈິກ 2013 ຢູ່ນະຄອນຫລວງ ວຽງຈັນ ລະຫວ່າງທ່ານ ມັດ ສູນມາລາ ຫົວໜ້າກົມແຜນການ ແລະ
ການລົງທຶນ ກະຊວງໂຍທາທິການແລະຂົນສົ່ງ ແລະ ທ່ານ ອີກາ ຊາຮາເວຍ (Edgar
saravia) ຜູ້ຈັດການຂອງອົງການການເງິນສາກົນພາກພື້ນອາຊີ-ປາຊີຟິກຕາເວັນອອກໂດຍມີທ່ານ
ສົມມາດ ພົນເສນາ ລັດ ຖະມົນຕີວ່າການກະ ຊວງໂຍທາທິການ ແລະ ຂົນສົ່ງ ພ້ອມຄະນະຜູ້ແທນສອງຝ່າຍເຂົ້າຮ່ວມເປັນສັກຂີພະຍານ.
ໂຄງການນີ້, ໄອເອັຟຊີ ຈະເປັນທີ່ປຶກສາຊ່ວຍເຫລືອກະຊວງໂຍທາທິການ
ແລະ ຂົນສົ່ງ ສປປ ລາວ ເພື່ອສຶກສາສຳຫລວດ ແລະ ສ້າງໂຄງຮ່າງສຳລັບທຸລະກຳການເງິນໂດຍສະເພາະການກຳ
ນົດຮູບແບບການລົງທຶນໃຫ້ເໝາະ ສົມກັບສະພາບ
ເງື່ອນໄຂຂອງລາວທັງຊ່ວຍລະດົມແຫລ່ງທຶນຈາກພາກລັດ
ແລະ ທຸລະກິດ ທັງພາຍໃນ ແລະ ຕ່າງປະເທດໃຫ້ເຂົ້າມາລົງທຶນຢູ່ລາວກໍຄືການພັດ
ທະນາຍົກລະດັບເສັ້ນທາງຫລວງແຫ່ງຊາດດັ່ງກ່າວ ເຊິ່ງຈະຮ່ວມມືສຶກສາກະກຽມທັງການເງິນ
ແລະ ເຕັກ ນິກໃຫ້ສຳເລັດພາຍໃນ 9 ເດືອນ ຫລື ທ້າຍປີ 2014.ຈາກນັ້ນຈະໄດ້ເປີດກວ້າງການປະມູນເອົາບັນດາບໍລິສັດທີ່ສົນໃຈເຂົ້າມາລົງທຶນ.
ສຳລັບການປັບປຸງຍົກລະ ດັບເສັ້ນທາງຫລວງທັງສອງໄລຍະນັ້ນຈະພັດທະນາແຕ່ນະຄອນຫລວງວຽງຈັນ-ໂພນໂຮງ
ແລະ ນະຄອນຫລວງວຽງຈັນ-ບ້ານໄຮ່ປາກງື່ມໃຫ້ເປັນທາງ 4 ຊ່ອງຈະລາຈອນ, ຈະເກັບຄ່າທຳນຽມຕາມຄວາມເໝາະສົມ
ແລະ ມີໄລຍະສຳປະທານ 30 ປີ.ທັງນີ້ເມື່ອໂຄງການໄດ້ຮັບການຈັດຕັ້ງເປັນຮູບປະທຳຕາມບົດຮຽນຈາກຕ່າງປະເທດຈະສາ
ມາດຫລຸດຜ່ອນການລົງທຶນຂອງລັດໄດ້ຢ່າງຫລວງຫລາຍ.
No comments:
Post a Comment