ໃນວັນທີ 12 ພະຈິກນີ້ ເຈົ້າໜ້າທີ່ ປກສ ນະຄອນຫຼວງວຽງຈັນ
ໄດ້ລົງກວດຊາກສົບເດັກນ້ອຍທີ່ເສຍຊີວິດພາຍຫຼັງ ຖືກແມ່ໃຈໂຫດນຳມາຖີ້ມປະໄວ້ໃກ້ກັບຄອງນ້ຳປະປາດົງໝາກຄາຍ
ບ້ານ ດອນຕີ້ວ ເມືອງ ໄຊທານີ ນະຄອນຫຼວງວຽງຈັນ.
ເຈົ້າໜ້າທີ່
ປກສ ນະຄອນຫຼວງວຽງຈັນ ໃຫ້ຮູ້ວ່າ: ເດັກດັ່ງກ່າວແມ່ນຫາກໍ່ຄອດອອກຈາກທ້ອງຜູ້ເປັນແມ່ເປັນເພດຊາຍ
ຊຶ່ງມີສາຍແຮ່ທີ່ຕິດໃນຕົວ, ສະພາບສົບຫົວແຕກອາດຍ້ອນແມ່ໃຈໂຫດໂຍນຖີ້ມລູກຕົນເອງລົງ ໄປຖືກຂອບອ່າງຂອງຄອງນ້ຳ
ປະປາດົງໝາກຄາຍຈົນເຮັດໃຫ້ເສຍຊີວິດ ຊຶ່ງປະຈຸບັນທາງເຈົ້າໜ້າທີ່ກຳລັງເລັ່ງຕິດຕາມຕົວແມ່ໃຈໂຫດມາດຳເນີນຄະດີຕາມ
ລະບຽບກົດໝາຍ.
ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ:
ນັບແຕ່ເດືອນສິງຫາ ເປັນຕົ້ນມາທາງເຈົ້າໜ້າທີ່ໄດ້ພົບ ເຫັນສົບເດັກ ນ້ອຍທີ່ຖືກຖີ້ມມາ 2 ສົບ
ຄື: ຢູ່ ບ້ານບຶງຂະຫຍອງ ພົບສົບເດັກນ້ອຍເພດຊາຍຖືກຖີ້ມຢູ່ຖັງຂີ້ເຫຍື້ອເສຍຊີວິດ ແລະ ຢູ່ສວນ
ເຈົ້າອະນຸວົງ. ຊຶ່ງເປັນປາກົດການຫຍໍ້ທໍ້ພົ້ນເດັ່ຫນຶ່ງໃນສັງຄົມ ແລະ ເຈົ້າໜ້າທີ່ໃຫ້ທັດສະນະວ່າ:
ສາເຫດທີ່ເດັກເກີດໃໝ່ ແລະ
ຖືກຖີ້ມ ນັ້ນຍ້ອນສະພາບສັງຄົມໂດຍສະເພາະການຖືພາກ່ອນໄວອັນຄວນຂອງໄວຫນຸ່ມ,
ຊາວໜຸ່ມ, ພໍ່-ແມ່ ຜູ້ປົກຄອງບໍ່ມີ ຖານະທີ່ຈະລ້ຽງດູ ແລະ ອື່ນໆ ຊຶ່ງສະຖາບັນສັງ ຄົມກໍຄືຄອບຄົວຕ້ອງໄດ້ເພີ່ມທະວີສຶກສາອົບຮົມລູກຫຼານຂອງຂອງຕົນໃຫ້ມີແບບແຜນການດຳລົງຊີວິດທີ່ດີຂຶ້ນ.
No comments:
Post a Comment