ຖະແຫລງຂ່າວການລະດົມທຶນຊ່ວຍເຫລືອບັນເທົາທຸກປະຊາຊົນຟີລິບປິນທີ່ປະສົບໄພຈາກພາຍຸໄຫຢຽນ

         ວັນທີ 19 ພະຈິກນີ້ຢູ່ສະມາຄົມນັກຂ່າວແຫ່ງ ສປປ ລາວ, ບັນດານັກທຸລະ ກິດຂອງລາວໄດ້ຈັດຖະແຫຼງຂ່າວ ເພື່ອລະດົມທຶນຊ່ວຍເຫຼືອບັນເທົາທຸກປະຊາຊົນ ປະເທດຟິລິປິນ ທີ່ປະສົບໄພພາຍຸໄຫ ຢຽນພັດຖະຫຼົ່ມບັນດາເມືອງຢູ່ຕາມເກາະ ປະເທດຟິລິປິນ ເມື່ອ ວັນທີ 8 ພະຈິກໂດຍ ການເຂົ້າ ຮ່ວມຂອງທ່ານ ສີສະຫວາດ ທິ ລະວົງ ປະທານສະພາການຄ້າ ແລະ ອຸດສະຫະກຳແຫ່ງຊາດ, ທ່ານ ດາວອນ ພະຈັນທະວົງ ປະ ທານສະພາທຸລະກິດລາວ- ຟິລິ ປິນ ແລະ ທ່ານນາງ ມາລິຢາ ລູ ແມນອິດແລັດຕ້າ ເອກອັກຄະ ຣາຊະທູດຟິລິປິນປະຈຳລາວ, ພ້ອມດ້ວຍຕົວແທນຈາກບັນດາ ນັກທຸລະກິດເຂົ້າຮ່ວມເປັນຈຳ ນວນຫຼາຍ.

     ເອກອັກຄາຣາຊະທູດຟິລິ ປິນປະຈຳລາວກ່າວວ່າ:ໃນວັນທີ 8 ພະຈິກ, ໄດ້ມີພາຍຸພັດເຂົ້າທຳລາຍບັນດາເກາະຢູ່ປະເທດຟິ ລິບ ປິນຢ່າງຮ້າຍແຮງທີ່ສຸດເຊິ່ງ 1 ປີ ທີ່ຜ່ານມາຖືກພາຍຸທຳລາຍ ປະມານ 20 ເທື່ອແຕ່ບໍ່ຮ້າຍແຮງເທົ່າ ເທື່ອນີ້ໂດຍມີຜູ້ເສຍ ຊີວິດເກືອບ 4.000 ຄົນ,ສູນຫາຍ 1.600 ກວ່າ ຄົນ,ມີຜູ້ໄດ້ຮັບເຄາະຮ້າຍຫຼາຍ ກວ່າ 10 ລ້ານຄົນລວມມີ 44 ແຂວງທີ່ໄດ້ຮັບ

ຜົນກະທົບ, ເຮືອນ ຊານຖືກທຳລາຍຫຼາຍກວ່າ 6 ແສນຫຼັງລວມມູນຄ່າເສຍຫາຍ ຫຼາຍຮ້ອຍລ້ານໂດລາສະຫາລັດ ແລະ ມາ ຮອດປັດຈຸບັນມີປະເທດ ຕ່າງໆໄດ້ໃຫ້ການຊວ່ຍເຫຼືອແລ້ວ ເປັນຈຳນວນເງິນ 200 ກວ່າລ້ານ ໂດລາສະຫາລັດ ແລະວັດຖຸສິ່ງ ຂອງລວມມູນຄ່າ 100 ກວ່າລ້ານໂດລາສະຫາລັດ ແລະ ມື້ນີ້ກໍເປັນອີກມື້ໜຶ່ງທີ່ຂ້າພະເຈົ້າ ໃນນາມຕາງໜ້າໃຫ້ແກ່ປະຊາຊົນ ຟີລິປິນ ມີຄວາມພາກພູມໃຈທີ່ປະຊາຊົນລາວໄດ້ໃຫ້ການຊ່ວຍ ເຫຼືອໂດຍສະເພາະແມ່ນບັນດາ ນັກທຸລະກິດລາວ ແລະ ຖືໂອ ກາດນີ້ເຊີນຊວນບັນດາຫົວໜ່ວຍທຸລະກິດ, ບໍລິສັດຫ້າງຮ້ານຕະຫຼອດຮອດພໍ່ຄ້າຊາວຂາຍ ແລະ ພະນັກງານທະຫານຕ ຳ ຫຼວດຮ່ວມບໍລິ ຈາກເພື່ອຊວ່ຍເຫຼືອບັນເທົາທຸກປະຊາຊົນປະເທດຟີລິປິນຜູ້ທີ່ໄດ້ຮັບຜົນກະທົບຈາກພາຍຸຄັ້ງນີ້ດ້ວຍ.

          ໃນໂອກາດຖະແຫຼງຂ່າວນີ້, ໄດ້ມີບໍລິສັດທີ່ໃຫ້ການຊ່ວຍ ເຫຼືອເຊັ່ນ: ບໍລິສັດ ໄຟຟ້າລາວ, ເບຍລາວ, ໂຮງງານຜະລິດ ຢາ ເລກ 2,ບໍລິສັດລ້ານຊ້າງມີນີໂຣນ, ສະມາຄົມຫັດຖະກຳ,ບໍລິສັດ ACE ,ລວມມູນຄ່າການຊ່ວຍເຫຼືອ 192 ລ້ານກີບ.