ກຸ່ມບໍລິສັດເຕັ້ນຄຳ(ປະເທດຝຣັ່ງ) ຮ່ວມກັບບໍລິສັດ
ຟັງລາວ ຈັດງານມະຫາກຳການສະແດງເຕັ້ນນາໆຊາດ “ຟັງແມ່ຂອງ” ຄັ້ງທີ4ປະຈຳປີ
2013 ຂຶ້ນໃນວັນທີ 24 ພະຈິກນີ້ ຢູ່ຫໍວັດທະນະທຳແຫ່ງຊາດ, ນະຄອນຫລວງວຽງຈັນ ໂດຍມີທ່ານ
ສົມສະໜຸກ ມີໄຊ ຮອງປະທານສະມາຄົມນັກຂ່າວແຫ່ງສປປ ລາວ, ບັນດາແຂກຖືກເຊີນ ພ້ອມດ້ວຍຊາວນະຄອນ
ຫລວງວຽງຈັນ ເຂົ້າຮ່ວມຊົມຢ່າງຄຶກຄື້ນມ່ວນຊື່ນ.
ສຳລັບການສະແດງປະ ກອບມີສິລະປິນຈາກລາວ, ຝຣັ່ງ,
ລຸກຊຳບວກ ແລະ ສິງກະໂປ ໄດ້ ຜັດປ່ຽນກັນຂຶ້ນເວທີເພື່ອນຳສະເໜີຮູບແບບການເຕັ້ນທີ່ເປັນເອ
ກະລັກຂອງຕົນ ແຕ່ສ່ອງແສງເນື້ອຫາສາລະທີ່ສະທ້ອນບັນຫາເກີດຂຶ້ນໃນສັງຄົມ. ໂດຍລາຍ
ການທຳອິດແມ່ນການສະແດງ ຂອງກຸ່ມນັກເຕັ້ນ “ຟັງລາວ” ມາ ໃນບົດສະ ແດງ “ເບຣກກ່ອນ ຫລື ຫຍຸດກ່ອນ”
ຊຶ່ງສະ ແດງໃຫ້ເຫັນ ເຖິງຄວາມປາຖະໜາຂອງໄວໜຸ່ມທີ່ຖ່າຍທອດຄວາມຮູ້ສຶກ ແລະ ຢາກບອກເຖິງຜູ້ຄົນທົ່ວໄປກ່ຽວກັບຄວາມ
ມຸ່ງຫວັງ ແລະ ເປົ້າໝາຍຂອງພວກເຂົາ, ຕໍ່ດ້ວຍການສະແດງຈາກນັກສິລະປິນຝຮັ່ງ, ລຸກຊຳບວກ ແລະ
ສິງກະໂປ ເຊິ່ງທຸກໆການສະແດງລ້ວນແຕ່ສ້າງຄວາມປະທັບໃຈ ແລະ ເບີກບານມ່ວນຊື່ນໃຫ້ຜູ້ຊົມ.
ຂ່າວໃຫ້ຮູ້ອີກວ່າ:ໃນວັນທີ 23 ພະຈິກຜ່ານມາ
ໄດ້ມີການປະກວດເຕັ້ນຟັງແມ່ຂອງ B-boy BATTLE ເພື່ອຊິງທຶນການສຶກ ສາ ເຊິ່ງໃນງານໄດ້ມີການສະແດງເຕັ້ນຂອງນັກສະແດງຈາກລາວ,
ການສະແດງຂອງລາວ ໂທລະຄົມ, ການສະແດງເຕັ້ນ B-boy ຂອງສິລະປິນຈາກຝຣັ່ງ ແລະ ຫວຽດນາມ ໂດຍທັງສອງງານຈັດຂຶ້ນເພື່ອອະນຸລັກ
ແລະ ສົ່ງເສີ່ມການແລກປ່ຽນວັດ ທະນະທຳພາຍໃນປະເທດ ແລະ ພາກພື້ນ, ຊຸກຍູ້ວຽກງານການສຶກສາ,
ການໂຄສະນາປ້ອງກັນຢາເສບຕິດໃນໄວໜຸ່ມ, ສຸຂະ ພາບຈະເລີນພັນ, ການປ້ອງກັນການຖືພາກ່ອນອາຍຸເໝາະສົມ,
ທັງເປັນການພັດທະນາທັກສະຂອງນັກສະແດງທີ່ໜຸ່ມນ້ອຍໃຫ້ກ້າວໄປສູ່ສິລະປິນມືອາຊີບ,
ໂດຍຜ່ານການແລກປ່ຽນວັດທະນະທຳ ແລະ ສົ່ງເສີມວຽກງານການພັດທະນາໄວໜຸ່ມໃນບັນດາປະເທດອານຸພາກພື້ນແມ່ນ້ຳຂອງ
ແລະ ອາຊີຕາເວັນອອກສ່ຽງໃຕ້.
No comments:
Post a Comment