ຄະນະກຳມະການຈັດງານບຸນນະມັດສະການພະທາດຫລວງວຽງຈັນປີນີ້ໃຫ້ຮູ້ວ່າ:
ພາຍຫລັງເລີ່ມມີການຄົບງັນບຸນດັ່ງກ່າວມາແຕ່ວັນທີ 11 ພະຈິກ ໄດ້ເກີດມີກໍລະນີການຫລົງຂອງເດັກກັບຜູ້ປົກຄອງເກືອບ
10 ກໍລະນີແລ້ວ ແລະ ຄະນະກຳມະການເຊື່ອວ່າອາດຈະມີເພີ່ມຂຶ້ນອີກຫລາຍກໍລະນີ ເຊິ່ງໄດ້ສ້າງຄວາມວິຕົກກັງວົນໃຫ້ຜູ້ປົກຄອງບໍ່ໜ້ອຍກ່ອນຈະຊອກຫາເຫັນກັນ.
ສະ ນັ້ນ ຈຶ່ງຮຽກຮ້ອງເຖິງຜູ້ປົກຄອງທີ່ພາລູກຫລານ ຫລື ຍາດພີ່ນ້ອງມາທ່ຽວງານບຸນດັ່ງກ່າວ
ຈົ່ງເພີ່ມສະຕິລະວັງ ແລະ ຕິດຕາມກັນຫລາຍຂຶ້ນເພື່ອຮັບປະກັນບໍ່ໃຫ້ມີການຫລົງກັນ.
ຄະນະກຳມະການ ໃຫ້ຮູ້ວ່າ: ໃນບຸນນະມັດສະການພະທາດຫລວງປີ 2012 ມີການຫລົງກັບເກືອບ
600 ກໍລະນີ ແລະ ໃນບຸນຊ່ວງເຮືອປະເພນີທ່າວັດຈັນປີ 2013 ມີ 300 ກວ່າກໍລະນີ.
ດັ່ງນັ້ນດີ ທີ່ສຸດຜູ້ປົກຄອງຄວນຂຽນເບີໂທລະສັບ ແລະ ບ່ອນຕິດຕໍ່ອື່ນໆໃສ່ຖົງໃຫ້ລູກຫລານຂອງຕົນເກັບມ້ຽນໄວ້ເມື່ອກໍລະນີຈຳເປັນ
ເຈົ້າໜ້າທີ່ກໍອາດສາມາດໂທຫາຜູ້ປົກຄອງໄດ້ ຫລື ນຳສົ່ງເຖິງເຮືອນຕາມບ່ອນຢູ່ດັ່ງກ່າວ.
No comments:
Post a Comment