ອົງການ ການຄ້າພາຍນອກຍີ່ປຸ່ນ ( JETRO
) ແລະ ອົງການຕ່າງໆທີ່ກ່ຽວຂ້ອງກັບລັດຖະບານຍີ່ປຸ່ນ ໄດ້ຈັດງານວາງສະແດງສິນຄ້າຍີ່ປຸ່ນຂຶ້ນແຕ່ວັນທີ
7-9 ພະຈິກ 2013 ທີ່ ຫໍວັດທະນະທຳແຫ່ງ ຊາດນະຄອນ ຫລວງວຽງຈັນ ເພື່ອເປັນການສະເຫລີມສະຫລອງສາຍພົວພັນມິດ
ຕະພາບ ແລະ ການຮ່ວມມື ລະ ຫວ່າງອາຊຽນ ແລະ ຍີ່ປຸ່ນ ຄົບ ຮອບ 40 ປີ ໂດຍມີທ່ານ ຮີໂຣະຢຸ ກິ ກິຊິໂນະ ເອກອັກຄະຣາຊະທູດ ວິສາມັນຜູ້ມີອຳນາດເຕັມຍີ່ປຸ່ນປະຈຳ
ລາວ, ທ່ານ ເຂັມມະນີ ພົນເສນາ ລັດຖະມົນຕີຊ່ວຍວ່າການ ກະຊວງອຸດສາຫະກຳ ແລະ ການຄ້າ,
ທ່ານ ສົມຈິດ ອິນທະມິດ ລັດ ຖະມົນຕີຊ່ວຍວ່າການກະຊວງແຜນການ ແລະ ການລົງທຶນ ເຂົ້າຮ່ວມເປີດພິທີຢ່າງເປັນທາງການ
ໃນວັນທີ 7 ພະຈິກ 2013 ນີ້.
ການຈັດງານໃນຄັ້ງນີ້ ມີ ຮ້ານວາງສະແດງ
ແລະ ຮ້ານຂາຍສິນຄ້າ ທັງໝົດ 25 ຮ້ານ ທີ່ມາຈາກ
21 ບໍລິ ສັດ ໂດຍມີຈຸດປະສົງ ເພື່ອສົ່ງເສີມຊຸກຍູ້ຜົນປະໂຫຍດຂອງການຄ້າ
ແລະ ການລົງທຶນເຊິ່ງກັນ ແລະ ກັນລະ ຫວ່າງ 2 ປະເທດ
ລາວ-ຍີ່ປຸ່ນ ໃຫ້ມີປະສິດທິພາບຍິ່ງໆຂຶ້ນ
ແລະ ເພື່ອເປັນການສະເຫລີມສະຫລອງງານບຸນປະໂຫລານຍີ່ປຸ່ນ ແລະ ສະຫລອງຄົບຮອບ
40 ປີ ແຫ່ງ ສາຍພົວພັນມິດຕະພາບ ແລະ ການຮ່ວມມືລະຫວ່າງອາຊຽນ- ຍີ່ປຸ່ນ.
ໃນໂອກາດດັ່ງກ່າວ ທ່ານ ເຊຊິໂອະ ອິຈຸຈິ
ຕາງໜ້າຜູ້ນຳອາຊຽນ ແລະ ອາຊີໃຕ້ ຂອງເຈໂຊ ໃຫ້ຮູ້ວ່າ: ຕະ ຫລອດໄລຍະ 2-3 ປີ ຜ່ານມາ
ອົງການການຄ້າພາຍນອກຍີ່ປຸ່ນ ໄດ້ໃຫ້ການສະໜັບສະໜູນເຕັມທີ່ກັບບໍລິສັດທີ່ກຳລັງຄົ້ນຄວ້າການລົງທຶນ
ແລະ ບໍລິສັດທີ່ກຳລັງລົງທຶນໃນ ສປປ. ລາວ. ພວກເຮົາໄດ້ແບ່ງປັນຂໍ້ມູນຕ່າງໆໂດຍສະເພາະຂໍ້ມູນກ່ຽວກັບເສດຖະກິດ,
ການຄ້າ, ການລົງທຶນ ແລະ ການຮ່ວມມືທາງດ້ານອຸດ ສາຫະກຳ ແລະ ພວກເຮົາເຊື່ອວ່າການຈັດງານໃນຄັ້ງນີ້ຈະຊ່ວຍເຊື່ອມຕໍ່ສາຍພົວພັນມິດຕະພາບ
ແລະ ການຮ່ວມມືທາງດ້ານການຄ້າ ແລະ ການລົງທຶນລະຫວ່າງສອງປະເທດຍີ່ປຸ່ນ-ລາວ,
ລາວ- ຍີ່ປຸ່ນຫລາຍຂຶ້ນ.
No comments:
Post a Comment