ກະຊວງແຜນການ ແລະ ການລົງທຶນ ໃຫ້ຮູ້ວ່າ:
ປັດຈຸບັນ ການລົງທຶນຢູ່ໃນເຂດເສດຖະກິດພິເສດ ແລະ ສະເພາະໃນຂອບເຂດທົ່ວປະເທດພວມມີບັນຍາກາດຄຶກ
ຄື້ນ. ຂະນະທີ່ເຂດເສດຖະກິດພິເສດສະຫວັນ-ເຊໂນ, ເຂດນິຄົມອຸດສາຫະກຳ ແລະ ການຄ້າວຽງຈັນ-ໂນນທອງ
ແລະ ເຂດເສດຖະກິດສະເພາະດົງໂພສີ ຈະກ້າວສູ່ການນຳໃຊ້ການຄຸ້ມຄອງດ້ວຍລະບົບອີເລັກໂຕຣນິກທັນສະໄໝ.
ກະຊວງດັ່ງກ່າວ ໃຫ້ຮູ້ວ່າ: ລັດຖະບານໄດ້ອະນຸຍາດສ້າງເຂດເສດຖະກິດພິເສດ
ແລະ ສະເພາະໃນຂອບເຂດທົ່ວປະເທດຈຳນວນ 10 ເຂດ ລວມມູນຄ່າ 4 ຕື້ ກວ່າໂດລາສະຫະລັດ
ແລະ ອາດ ມີການຈັດສັນຕື່ມອີກ 1 ເຂດເສດຖະກິດຢູ່ດ່ານສາກົນມິດຕະພາບລາວ-ໄທນ້ຳເທືອງ
ເມືອງແກ່ນທ້າວ ແຂວງໄຊຍະບູລີ.
ສຳລັບເຂດເສດຖະກິດ ສະຫວັນ-ເຊໂນ ມີນັກລົງທຶນເຂົ້າມາເຊົ່າທີ່ດິນແລ້ວຈຳນວນ
36 ຕອນ ກວມເນື້ອທີ່ 9,5 ເຮັກຕາ ແລະ ໄດ້ອະນຸຍາດນຳເຂົ້າແຮງງານຈາກຕ່າງປະເທດຈຳນວນໜຶ່ງ,
ອະນຸ ຍາດການນຳເຂົ້າເຄື່ອງຈັກ ແລະ ວັດຖຸ
ອຸປະກອນຮັບໃຊ້ການຜະ ລິດ, ໄດ້ສົ່ງອອກອຸປະກອນປະ
ກອບຕັ່ງນັ່ງໃນເຮືອບິນ (Mouth BMT Rev E2) ມູນຄ່າ 187 ພັນໂດລາສະຫະລັດ, ສ່ວນການພັດ
ທະນາພື້ນຖານໂຄງລ່າງຈຸດ A ການກໍ່ສ້າງອາຄານປະຕິບັດໄດ້ 70%, ຈຸດ C ກໍ່ສ້າງໂຮງງານບໍລິ
ສັດເອສເຈເຄ ປະຕິບັດໄດ້ 90% ແລະ ການກໍ່ສ້າງສຳນັກງານບໍລິ ສັດສະຫວັນປາຊີຟິກ
ປະຕິບັດໄດ້ 40%, ເຂດເສດຖະກິດພິເສດສາມ ຫລ່ຽມຄຳມີ 20 ບໍລິສັດເຂົ້າມາລົງທຶນ
ມູນຄ່າ 65 ລ້ານກວ່າໂດລາ, ມີ 124 ຫ້າງຮ້ານທີ່ຂຶ້ນທະ ບຽນວິສາຫະກິດເຂດເສດຖະກິດສະເພາະບໍ່ເຕນແດນງາມ
ພາຍ ຫລັງໄດ້ຢຸດກິດຈະການກາຊິໂນໃນຕົ້ນປີ 2011 ການພັດທະນາໄດ້ຫັນປ່ຽນຮູບແບບໃໝ່
ເພີ່ມການລົງທຶນຈາກ 103 ລ້ານ ມາເປັນ 500 ລ້ານໂດລາສະຫະລັດ ເພື່ອສ້າງສາງສິນຄ້າ,
ສູນກັກກັນພືດ, ສະໜາມກ໊ອບ ແລະ ອື່ນໆ, ເຂດເສດຖະກິດສະເພາະນິຄົມອຸດສາ ຫະກຳ ແລະ
ການຄ້າວຽງຈັນ-ໂນນທອງມີ 17 ບໍລິສັດມາລົງທຶນ ມູນຄ່າ 30 ລ້ານໂດລາສະຫະລັດ
ແລະ ປັດຈຸບັນຍັງສຸມໃສ່ການພັດ ທະນາພື້ນຖານໂຄງລ່າງ, ເຂດເສດຖະກິດສະເພາະພູຂຽວມີ
4 ບໍລິສັດເຂົ້າມາລົງທຶນ ແລະ ຢູ່ໃນລະຫວ່າງການພັດທະນາພື້ນຖານໂຄງລ່າງ, ເຂດພັດທະນາກວມລວມໄຊເສດຖາ
ປັດຈຸບັນສາມາດຊົດເຊີຍດິນແລ້ວ 83 ຕອນ ເປັນເງິນ 32 ຕື້ກີບ, ເຂດເສດຖະກິດສະເພາະບຶງທາດ
ຫລວງສາມາດຊົດເຊີຍເວນຄືນທີ່ດິນ 356 ຕອນ ຈາກທັງໝົດ 458 ຕອນ ແລະ ພວມສຸມໃສ່ການກໍ່ສ້າງພື້ນຖານໂຄງລ່າງ,
ເຂດເສດຖະກິດສະເພາະດົງໂພສີ, ພວມສຸມໃສ່ການແກ້ໄຂບັນຫາເນື້ອທີ່ດິນຂອງປະ
ຊາຊົນບໍລິເວນທາງເຂົ້າເຂດ, ເຂດເສດຖະກິດສະເພາະທ່າແຂກ ມີ 11 ບໍລິສັດລົງນາມບັນທຶກຄວາມເຂົ້າໃຈແຜນລົງທຶນປະ
ມານ 286 ລ້ານກວ່າໂດລາສະຫະ ລັດ ແລະ ເຂດເສດຖະກິດສະເພາະລອງແທັງ-ວຽງຈັນແມ່ນບໍລິສັດເຄເອັນເປັນຜູ້ລົງທຶນປະ
ມານ 1 ຕື້ໂດລາສະຫະລັດ ໃນການພັດທະນາສະໜາມກ໊ອບ ແລະ ສິ່ງປຸກສ້າງອື່ນໆພາຍໃນເຂດ.
ເວົ້າລວມແລ້ວ ເຂດເສດຖະກິດພິເສດ ແລະ ສະເພາະແມ່ນທ່າແຮງສຳຄັນໃນການທຸລະກິດພາຍໃນ
ແລະ ຕ່າງປະເທດໃຫ້ເຂົ້າມາລົງທຶນຢູ່ປະເທດເຮົາໃຫ້ຫລາຍຂຶ້ນເພື່ອປະກອບສ່ວນພັດທະນາເສດຖະກິດຂອງຊາດໃຫ້ເຂັ້ມແຂງ.
No comments:
Post a Comment