ໃນລະຫວ່າງການເຂົ້າຮ່ວມກອງປະຊຸມ ແລະ
ໃຫ້ກຽດໂອ້ລົມຕໍ່ຄະນະຜູ້ແທນກອງປະຊຸມແຮງງານ ແລະ ສະຫວັດດີການສັງຄົມທົ່ວປະເທດປະຈຳປີ
2013 ໃນວັນທີ 7 ພະຈິກນີ້, ທ່ານ ອາຊາງ ລາວລີ ຮອງນາຍົກລັດຖະ ມົນຕີ, ຜູ້ຊີ້ນຳວຽກງານວັດທະນະທຳ-
ສັງຄົມ ໄດ້ຕີລາຄາສູງຜົນສຳເລັດຂອງຂະແໜງການແຮງງານທີ່ຍາດມາໄດ້ ແລະ ພ້ອມນີ້
ທ່ານຍັງໄດ້ເນັ້ນໃຫ້ຄະນະນຳຂະແໜງການດັ່ງກ່າວຈົ່ງຮີບຮ້ອນແກ້ໄຂບັນຫາຄົງຄ້າງທີ່ຍັງເປັນສິ່ງທ້າທາຍຕໍ່ວຽກງານແຮງງານ
ແລະ ສະຫວັດດີການສັງຄົມໃຫ້ສຳເລັດຢ່າງຂາດຕົວ.
ຂໍ້ຄົງຄ້າງດັ່ງກ່າວລວມມີການພັດທະນາກຳລັງແຮງງານລາວ
ເຖິງວ່າເປັນວຽກຈຸດສຸມບູລິມະສິດຂອງກະຊວງ, ແຕ່ກໍຍັງມີຂໍ້ຈຳກັດຫລາຍປະການ
ເປັນຕົ້ນສີ ມືແຮງງານລາວສ່ວນຫລາຍຍັງມີມາດ ຕະຖານຕ່ຳ, ບໍ່ສາມາດແຂ່ງຂັນກັບແຮງງານຕ່າງປະເທດໄດ້,
ການປະຕິບັດລະບຽບວິໄນອອກແຮງງານຍັງບໍ່ທັນດີ, ບໍ່ສ້າງຄວາມເພິ່ງພໍໃຈໃຫ້ແກ່ຜູ້ໃຊ້ແຮງງານ;
ການເຝິກອົບຮົມວິຊາຊີບ ແລະ ພັດທະນາສີມືແຮງງານຍັງບໍ່ທັນກວ້າງຂວາງ ແລະ ບໍ່ສອດ
ຄ່ອງກັບຄວາມຕ້ອງການຂອງຕະຫລາດແຮງງານ; ການ ຈັດຫາວຽກເຮັດງານທຳໃຫ້ພົນ ລະເມືອງລາວຍັງບໍ່ທັນປະ
ຕິບັດໄດ້ດີ ແລະ ເປັນລະບົບ ຈຶ່ງເຮັດໃຫ້ມີບັນຫາວ່າງງານ ແລະ ມີການລັກລອບໄປອອກແຮງງານຢູ່ປະເທດໃກ້ຄຽງໂດຍສະເພາະໃນຖັນ
ແຖວຂອງຊາວໜຸ່ມ;
ການຄຸ້ມຄອງຜູ້ອອກແຮງງານທີ່ເຮັດວຽກໃນຫົວໜ່ວຍແຮງງານຢູ່ເຂດຫ່າງໄກສອກຫລີກທີ່ເຈົ້າໜ້າທີ່ກວດກາແຮງງານບໍ່ສາມາດເຂົ້າເຖິງຍັງຮັບຮູ້ດ້ານລະບຽບກົດໝາຍບໍ່ເລິກເຊິ່ງ
ແລະ ນິຕິກຳຕ່າງໆກ່ຽວກັບແຮງງານ ແລະ ການກຳນົດຄ່າແຮງງານຂອງຫົວໜ່ວຍແຮງງານແມ່ນຍັງຂຶ້ນກັບຜູ້ໃຊ້ແຮງງານ.
ຜູ້ໃຊ້ແຮງງານຈຳນວນໜຶ່ງບໍ່ໄດ້ເອົາໃຈໃສ່ປະຕິບັດລະບຽບກົດໝາຍທີ່ມີຢູ່
ໂດຍສວຍໃຊ້ຊ່ອງຫວ່າງເຈົ້າໜ້າທີ່ກວດກາແຮງງານເຂົ້າໄປກວດກາບໍ່ທົ່ວເຖິງ
ເພື່ອເອົາລັດເອົາປຽບຄ່າຈ້າງຂອງຜູ້ອອກແຮງງານ. ແຮງງານຕ່າງປະເທດທີ່ມາເຮັດວຽກຢູ່ລາວ,
ເຖິງວ່າໄດ້ມີຄວາມພະຍາ ຍາມ ແລະ ມີມາດຕະການແກ້ໄຂຢ່າງຕໍ່ເນື່ອງ, ແຕ່ກໍຍັງປະຕິບັດບໍ່ທັນໄດ້ດີ,
ມີລັກສະນະຊະຊາຍ. ບັນຫາເຫລົ່ານີ້ມີຜົນກະທົບບໍ່ໜ້ອຍຕໍ່ການລົງທຶນ ກໍຄືການພັດ
ທະນາເສດຖະກິດ ແລະ ສັງຄົມຂອງປະເທດເຮົາໃນປັດຈຸບັນ. ສະ ນັ້ນ ຖ້າບໍ່ແກ້ໄຂໄວກໍຈະກາຍເປັນບັນຫາທີ່ໜັກໜ່ວງໃນຕໍ່ໜ້າ
ໂດຍສະເພາະພາຍຫລັງການເຂົ້າຮ່ວມເປັນປະຊາຄົມອາຊຽນ ໃນປີ 2015. ນອກຈາກນີ້
ການຈັດຕັ້ງ ປະຕິບັດນະໂຍບາຍປະກັນສັງຄົມບໍ່ທັນຄ່ອງຕົວ, ການຂະຫຍາຍອັດຕາການຄຸ້ມຄອງຂອງລະບົບປະກັນສັງຄົມ
ແລະ ການປະ ກັນສຸຂະພາບຍັງຊັກຊ້າ ແລະ ໂຕເລກອັດຕາການປົກຄຸມກໍຍັງມີລັກສະ
ນະຕ່ຳຢູ່; ບໍ່ທັນມີວິທີການໃນການປະສານສົມທົບກັບຂະແໜງການກ່ຽວຂ້ອງ ເພື່ອປັບປຸງຂອດການບໍລິການປິ່ນປົວສຸຂະພາບ;
ພະນັກ ງານທີ່ເຮັດໜ້າທີ່ໃນຂອດບໍລິການປິ່ນປົວຈຳນວນໜຶ່ງມີແນວຄິດໃນຕົວ,
ມີທ່າທີບໍ່ເໝາະສົມ, ບໍ່ກຳແໜ້ນທັດສະນະຂອງພັກເຮົາທີ່ວ່າ: “ລັດຂອງພວກເຮົາແມ່ນມາຈາກປະຊາຊົນ,
ໂດຍປະຊາຊົນ ແລະ ເພື່ອຜົນປະໂຫຍດຂອງປະ ຊາຊົນ”. ບັນຫານີ້ ພະນັກງານທີ່ຮັບຜິດຊອບຂອດການບໍລິການຕ້ອງມີການປັບປຸງທັດສະນະຄືນໃໝ່
ເພື່ອບໍລິການຮັບໃຊ້ປະຊາຊົນໃຫ້ດີທີ່ສຸດ; ການຈັດຕັ້ງປະຕິບັດນະໂຍບາຍຕໍ່ພະນັກງານປະຕິວັດອາວຸໂສຜູ້ທີ່ມີຜົນງານ
ແລະ ຄຸນ ງາມຄວາມດີຕໍ່ການປະຕິວັດຍັງບໍ່ທັນຕອບສະໜອງໄດ້ຕາມຄວາມຮຽກຮ້ອງຕ້ອງການ,
ຄວາມຄອງຄອຍ ແລະ ການເລັ່ງທ່ວງຂອງບັນດາເປົ້າໝາຍທີ່ຈະຕ້ອງໄດ້ຮັບນະໂຍບາຍຕາມດຳລັດໄດ້ກຳນົດໄວ້
ອັນເນື່ອງຈາກຄວາມສາມາດການສະໜອງດ້ານງົບປະມານຍັງຈຳກັດ;ອົງການປົກຄອງທ້ອງ
ຖິ່ນຈຳນວນໜຶ່ງຍັງບໍ່ທັນເປັນເຈົ້າ ການປຸກລະດົມສັງຄົມໃຫ້ມີສ່ວນຮ່ວມໃນການສະແດງຄວາມກະ
ຕັນຍູ້ຮູ້ບຸນຄຸນຕໍ່ພະນັກງານປະຕິ ວັດອາວຸໂສຫລາຍພໍເທົ່າໃດ ແລະ ຍັງບໍ່ທັນມີວິທີການຊ່ວຍເຫລືອພະ
ນັກງານປະຕິວັດອາວຸໂສໃນເວ ລາມີຄວາມຈຳເປັນ, ສ່ວນຫລາຍແມ່ນເອື່ອຍອີງໃສ່ແຕ່ສູນກາງ;
ການສ້າງ ແລະ ປັບປຸງນິຕິກຳ ເຖິງແມ່ນໄດ້ເຮັດຢ່າງຕໍ່ເນື່ອງ ແຕ່ບໍ່ທັນເປັນລະບົບຄົບຊຸດ,
ເນື້ອໃນຍັງບໍ່ທັນຮັດກຸມ ມີບາງດ້ານຍັງບໍ່ທັນແທດເໝາະກັບຄວາມສາມາດຕົວຈິງ;
ການປະຕິບັດນະໂຍບາຍສົງເຄາະຊ່ວຍເຫລືອຜູ້ປະສົບໄພ ພິບັດຕ່າງໆ, ຜູ້ດ້ອຍໂອກາດໃນສັງຄົມຍັງບໍ່ທັນເປັນລະບົບ
ແລະ ບໍ່ທັນເປັນການບັນເທົາທຸກຂອງຜູ້ຖືກເຄາະຮ້າຍ ແລະ ບໍ່ທັນມີວິທີການພັດທະນາກຸ່ມເປົ້າໝາຍດັ່ງ
ກ່າວ ເພື່ອເຮັດໃຫ້ເຂົາເຈົ້າສາ ມາດປັບປຸງຄຸນນະພາບຊີວິດ ແລະ ຊ່ວຍເຫລືອຕົນເອງໄດ້ຢ່າງຍາວນານ;
ການປະຕິບັດວຽກງານ 3 ສ້າງ ຍັງເຫັນວ່າການມອບສິດໃນການຕົກລົງແກ້ໄຂບັນຫາ ແລະ
ມອບຄວາມຮັບຜິດ ຊອບໃນການຄຸ້ມຄອງວຽກງານຕ່າງໆ ລະຫວ່າງອົງການມະຫາພາກ ແລະ ຈຸລະພາກຍັງບໍ່ທັນຈະແຈ້ງຂາດຕົວ.
ພ້ອມກັນນັ້ນ ທ້ອງຖິ່ນຈຳນວນໜຶ່ງຍັງບໍ່ທັນເສີມຂະ ຫຍາຍສິດເປັນເຈົ້າຂອງຕົນຢ່າງແທ້ຈິງ
ຍັງເອື່ອຍອີງໃສ່ແຕ່ກະ ຊວງເປັນສ່ວນໃຫຍ່.ຈາກສະພາບ ການດັ່ງກ່າວຈຶ່ງເຮັດໃຫ້ການເຮັດທົດລອງວຽກງານ
3 ສ້າງຢູ່ແຕ່ລະທ້ອງຖິ່ນຍັງມີການຫັນ ປ່ຽນຊັກຊ້າ.
ຕໍ່ບັນຫາຂໍ້ຄົງຄ້າງ ແລະ ສິ່ງທ້າທາຍທີ່ກ່າວມານັ້ນ,
ທ່ານຮອງນາຍົກລັດຖະມົນຕີ ໄດ້ເນັ້ນໃຫ້ຂະແໜງແຮງງານ ແລະ ສະຫວັດດີການສັງຄົມຕ້ອງໄດ້ເລັ່ງເອົາໃຈໃສ່ໃນການຄົ້ນຄວ້າ
ຊອກຫາວິທີການ ແລະ ມາດຕະການແກ້ໄຂຢ່າງຈິງຈັງ.
No comments:
Post a Comment