ບຸນນະມັດສະການພະທາດຫລວງເປັນບຸນຂອງປວງຊົນລາວທັງຊາດທີ່ຈັດຂຶ້ນທຸກປີ
ເພື່ອຮັກສາໄວ້ວັດ ທະນະທຳ ແລະ ຮີດຄອງປະເພນີອັນດີງາມຂອງຊາດ, ແຕ່ໃນປັດຈຸ
ບັນຄົນສ່ວນຫລາຍລືມໄປວ່າພວກເຮົາເຮັດບຸນປະເພນີເພື່ອຫຍັງ ແລະ ເຫັນບຸນປະເພນີເປັນໂອກາດຫາເງິນເຂົ້າຖົງຕົນເອງ,
ຍິ່ງໄປກວ່ານັ້ນ ງານຸບນໃນປັດຈຸບັນແມ່ນຖືກເບິ່ງໃນທາງທຸລະກິດໂດຍສະເພາະ
ທີ່ດິນບ່ອນຕັ້ງຮ້ານວາງສະແດງຂາຍສິນຄ້າ ແລະ ອີກບໍ່ພໍເທົ່າໃດມື້ ຂ້າງໜ້າ
ບຸນນະມັດສະການພະ ທາດຫລວງກໍໄດ້ເລີ່ມຂຶ້ນ, ປັດຈຸ ບັນຜູ້ສຳປະທານພວມຈັດສັນສະຖານທີ່ໃຫ້ຜູ້ປະ
ກອບການເຂົ້າຈັບ ຈອງ, ແຕ່ໃນຂະນະດຽວກັນສຳພັດມີຫາງສຽງຈາກຜູ້ປະກອບການຄ້າຂາຍບໍ່ໜ້ອຍວ່າຄ່າເຊົ່າທີ່ດິນປີນີ້ມີລາຄາແພງກວ່າປີກ່ອນ,
ເຖິງວ່າລາຄາເຊົ່າດິນຈະສູງ, ແຕ່ກໍມີຄົນຈຳນວນຫລາຍຍາດແຍ່ງກັນຈັບຈອງທີ່ດິນເພື່ອຂາຍສິນ
ຄ້າ, ຊ້ຳບໍ່ໜຳ ບາງຄົນຕ້ອງໄດ້ເຊົ່າດິນຕໍ່ຈາກຄົນອື່ນຍິ່ງເຮັດໃຫ້ມີລາຄາແພງຂຶ້ນອີກ
ອັນສົ່ງຜົນເຮັດໃຫ້ດິນສາທາລະນະເຂດບໍລິເວນທາດຫລວງກາຍເປັນການແຍ່ງຊິງທາງທຸລະກິດລະຫວ່າງຜູ້ສວຍໂອກາດກັບຊາວຄ້າ
ຂາຍ, ບໍ່ພຽງແຕ່ເທົ່ານັ້ນ ຍັງສົ່ງຜົນຕໍ່ລາ ຄາສິນຄ້າ ແລະ ຜູ້ປະກອບການ. ຕົວຢ່າງເມື່ອກ່ອນສິນຄ້າທີ່ວາງຂາຍ
ແລະ ເປັນເອກະລັກຂອງງານບຸນປະເພນີແມ່ນເຂົ້າຫລາມປີ້ງໄກ່, ແຕ່ເນື່ອງຈາກລາຄາເຊົ່າດິນແພງ
ຈຶ່ງເຮັດໃຫ້ສິນຄ້າເຫລົ່າ ນີ້ໜ້ອຍລົງທຸກມື້ ແລະ ມີສິນຄ້າຈາກຕ່າງປະເທດເຂົ້າມາແທນຫລາຍຂຶ້ນ.
ຈາກບັນຫາທີ່ກ່າວມານັ້ນ ເຫັນວ່າບໍ່ເປັນການເໝາະສົມທີ່ຈະເອົາບຸນປະເພນີມາເປັນສາກບັງໜ້າ
ເພື່ອເຮັດທຸລະກິດຫາຜົນປະໂຫຍດເຂົ້າຖົງຕົນເອງ ໂດຍບໍ່ຄຳນຶງເຖິງຮີດຄອງປະເພນີອັນດີງາມຂອງຊາດ
ແລະ ຄຸນຄ່າຂອງພະທາດຫລວງ ກໍຄືບຸນປະເພນີຕ່າງໆທີ່ຊາວລາວເຄີຍນັບຖືກັນມາ.
ດັ່ງນັ້ນ ຕໍ່ບັນຫານີ້ ພາກ ສ່ວນກ່ຽວຂ້ອງ ໂດຍສະເພາະຄະນະກຳມະການຈັດງານບຸນຄວນທົບທວນ
ແລະ ຫາທາງແກ້ໄຂ ເພື່ອເຮັດແນວໃດບໍ່ໃຫ້ມູນເຊື້ອວັດ ທະນະທຳ ແລະ ຮີດຄອງປະເພນີອັນດີງາມຂອງຊາດສູນຫາຍໄປເທື່ອລະກ້າວ.
ການຂາຍຄວນໃຫ້ບູລິມະສິດແກ່ຜູ້ປະກອບການພາຍໃນ ໂດຍສະເພາະສົ່ງເສີມຊາວກະສິກອນ... ເພື່ອໃຫ້ມີໂອກາດແຂ່ງຂັນ ກັບຕ່າງປະເທດ ອັນນີ້ພັດຄາດລາດໃຫ້ຕ່າງປະເທດ ແລະນາຍທຶນ ເຫນືອກວ່າທຸກດ້ານ ຄົງຊິຈະເລີນງ່າຍ ເພາະມັນສວນທາງກັບແນວທາງພັກ-ລັດ ຜູ້ໄດ້ເງິນພັດຍັງແມ່ນພວກຫົວໃສຫາກິນໃນຊ່ອງທາງ ລັດກັບປະຊາຊົນ ກະຍັງຍາກຄືເກົ່າ
ReplyDeletewhat about the fountain?
ReplyDelete