ບຸນນະມັດສະການພະ ທາດຫລວງວຽງຈັນ ຊຶ່ງຈະເລີ່ມໄຂຂຶ້ນແຕ່ວັນທີ
11 -17 ແລະ ຢູ່ສູນການຄ້າລາວ-ໄອເຕັກ 08-17 ພະ ຈິກ 2013, ນອກຈາກເປັນການອະນຸລັກຮັກສາ
ແລະ ເສີມຂະ ຫຍາຍວັດທະນະທຳ, ຮີດຄອງປະເພນີອັນດີງາມຂອງຊາດລາວ ທີ່ໄດ້ສືບທອດມາຫລາຍລຸ້ນຄົນ
ໃຫ້ມີຄວາມຍືນຍົງຄູ່ກັບຄົນລາວຕະ ຫລອດໄປແລ້ວ ຍັງເປັນໂອກາດຊາວນະ ຄອນຫລວງວຽງຈັນ
ກໍຄືປະຊາຊົນບັນດາເຜົ່າທົ່ວປະເທດໄດ້ທ່ຽວຊົມ, ຊື້ສິນຄ້າໃຊ້ສອຍ ແລະ ຜະລິດຕະພັນຕ່າງໆຂອງພາຍໃນ
ແລະ ຕ່າງປະເທດດ້ວຍບັນຍາກາດຟົດຟື້ນມ່ວນຊື່ນ, ທັງດຶງດູດນັກທ່ອງທ່ຽວ.
ທ່ານ
ສາຍທອງ ແກ້ວດວງດີ ຮອງເຈົ້າຄອງນະຄອນຫລວງວຽງຈັນ, ປະທານຄະນະກຳມະການຈັດບຸນນະມັດສະການພະ
ທາດຫລວງວຽງຈັນ ໄດ້ຖະແຫລງຕໍ່ສື່ມວນຊົນໃນວັນທີ 8 ພະຈິກ 2013 ໂດຍລະບຸວ່າ:
ສຳລັບຢູ່ເດີ່ນສະໜາມຫລວງປະກອບມີ 3 ກິດ ຈະກຳຫລັກຄື ກິດຈະກຳທາງສາ ສະໜາພິທີຂາບໄຫວ້ພະທາດຫລວງ
ແລະ ຟັງທຳມະເທດສະໜາ, ຈັດຂະບວນແຫ່ຜາສາດເຜິ້ງຕາມປະເພນີ, ການໃສ່ບາດຖວາຍສັງຄະທານ,
ການຫລິ້ນກິ ລາພື້ນເມືອງ(ຕີຄີ) ແລະ ພິທີວຽນ ທຽນຈູດທູບບູຊາ; ກິດຈະກຳສະແດງສິລະປະວັນນະຄະດີ
ຈາກສູນກາງ ແລະ ບັນດາແຂວງ, ສິ ລະປະພື້ນເມືອງ ແລະ ການຂັບລຳທ້ອງຖິ່ນ. ກິດຈະກຳການວາງ
ສະແດງສິນຄ້າຄັ້ງນີ້ມີບັນດາຫົວໜ່ວຍທຸລະກິດການທ່ອງທ່ຽວ, ຫົວໜ່ວຍການຜະລິດ-ທຸລະກິດ-ກະສິກຳ
-ປ່າໄມ້, ໂຮງງານ
ອຸດສາຫະກຳ-ຫັດ ຖະກຳ, ບັນດາບໍລິສັດ-ລັດວິສາຫະກິດ, ຕົວແທນຈາກບັນດາແຂວງ,
ກະ ຊວງ, ເມືອງ ແລະ ຂະແໜງການກ່ຽວຂ້ອງ, ສິນຄ້າອຸດ ສາຫະກຳອຸປະໂພກ -ບໍລິໂພກ,
ຮ້ານອາຫານ, ວົງດົນຕີ, ຮ້ານວາງສະແດງສິນຄ້າຂາຍຍ່ອຍ ແລະ ການບໍລິການອື່ນໆ. ພ້ອມນີ້ຍັງຈະມີຫົວໜ່ວຍທຸລະກິດຈາກປະເທດເພື່ອນບ້ານໂດຍສເພາະແມ່ນຫວຽດນາມ
,ຈີນ, ໄທ, ກຳປູເຈຍ ແລະ ບັນດາປະເທດໃນອາ ຊຽນຈຳນວນໜຶ່ງເຂົ້າມາຮ່ວມວາງສະແດງ
ແລະ ຂາຍສິນຄ້າ ນຳດ້ວຍ. ຢ່າງໃດກໍຕາມຮອງເຈົ້າຄອງ ຍັງໄດ້ແນະນຳການຊື້-ຂາຍສິນຄ້າທຸກຊະນິດ
ລວມ ທັງອາຫານໃຫ້ສັງເກດເບິ່ງປ້າຍຕິດບອກລາຄາ ຖ້າຫາກມີການຂາຍເກີນລາຄາໃຫ້ພົວພັນແຈ້ງຕໍ່ຄະນະກຳມະການຊາບ.
ເພາະປີນີ້ພາກ-ລັດໄດ້ມີການຊີ້ນຳໃຫ້ພາກສ່ວນທຸລະກິດເຮັດແນວໃດປະຊາຊົນຈະໄດ້ບໍລິໂພກສິນ
ຄ້າທີ່ມີຄາລາຍ່ອມເຍົາ.
ບຸນປີນີ້ຈະໄດ້ນຳໃຊ້ກຳລັງພະນັກງານ, ທະຫານ-ຕຳຫລດ
ແລະ ຊາວໜຸ່ມ ເຂົ້າຮ່ວມປະຈຳ ການ ແລະ ວາງແຜນປ້ອງກັນຄວາມສະຫງົບຢ່າງເຂັ້ມງວດ
ທັງພາຍໃນ ແລະ ພາຍນອກສະ ຖານທີ່ງານບຸນໃຫ້ມີຄວາມເປັບລະ ບຽບຮຽບຮ້ອຍ ແລະ
ສະກັດກັ້ນ ທຸກກໍລະນີທີ່ເກີດຂຶ້ນໃຫ້ທັນການ. ຫ້າມບໍ່ໃຫ້ຈູດໝາກກະໂພກ ແລະ
ບັ້ງໄຟດອກທຸກຊະນິດ, ທັງຫ້າມບໍ່ໃຫ້ມີຫ້າງຮ້ານຂາຍວັດຖຸຊະນິດດັ່ງກ່າວຢ່າງເດັດຂາດ,
ຮອງເຈົ້າຄອງຍັງໄດ້ເຕືອນປະຊາຊົນທຸກຊັ້ນຄົນໃຫ້ມີສະຕິລະວັງຕົວໃນການມາທ່ຽວບຸນ,
ຢ່າຖືອາວຸດ ແລະ ຂອງແຂງ, ຢ່າຖືຂອງມີຄ່າເຂົ້າໃນບຸນ ເພາະມີຄົນບໍ່ດີສວຍໂອກາດ
ແລະ ໃຫ້ຮັບຮູ້ກົດລະ ບຽບຈະລາຈອນ, ການນຳໃຊ້ລົດໃຊ້ຖະໜົນ, ການຈອດລົດຢູ່ ຈຸດຕ່າງໆ
ໃຫ້ຮັບປະກັນຄວາມປອດໄພ ຫລີກເວັ້ນການເສຍຫາຍທີ່ຈະເກີດຂຶ້ນ.
No comments:
Post a Comment