ຄະນະຜູ້ແທນສຳນັກຂ່າວ ສານຫວຽດນາມ
ນຳໂດຍທ່ານ ຫງວຽນ ດຶກ ເລີ້ຍ ຜູ້ອຳນວຍ ການໃຫຍ່ ສຳນັກຂ່າວສານຫວຽດນາມ (TTXVN)
ໄດ້ເດີນ ທາງກັບຄືນປະເທດ ໃນຕອນຄ່ຳຂອງວັນທີ 19 ພະຈິກນີ້ ພາຍ ຫລັງທີ່ໄດ້ສຳເລັດການຢ້ຽມຢາມ
ແລະ ເຮັດວຽກຢູ່ ສປປ ລາວ ແຕ່ວັນທີ 14-19 ພະຈິກ 2013.
ໃນໄລຍະດຳເນີນການຢ້ຽມ ຢາມ ແລະ
ເຮັດວຽກຢູ່ ສປປ ລາວ ເປັນເວລາ 6 ມື້ນັ້ນ, ຄະນະຜູ້ແທນສຳນັກຂ່າວສານຫວຽດ ນາມ
ໄດ້ເຂົ້າຢ້ຽມຂ່ຳນັບທ່ານ ອາຊາງ ລາວລີ ຮອງນາຍົກລັດ ຖະມົນຕີ,
ຜູ້ຊີ້ນຳວຽກງານວັດ ທະນະທຳ-ສັງຄົມ, ເຂົ້າຢ້ຽມຂ່ຳ ນັບທ່ານ ສຈ. ດຣ. ບໍ່ແສງຄຳ
ວົງດາລາ ລັດຖະມົນຕີວ່າການກະ ຊວງຖະແຫລງຂ່າວ, ວັດທະນະ ທຳ ແລະ ທ່ອງທ່ຽວ,
ໄດ້ພົບປະກັບຄະນະຜູ້ແທນສຳນັກຂ່າວ ສານປະເທດລາວ ເຊິ່ງນຳໂດຍທ່ານ
ສູນທອນ ຄັນທະວົງ ຜູ້ອຳ ນວຍການໃຫຍ່ ສຳນັກຂ່າວສານປະເທດລາວ (KPL)
ໃນຕອນບ່າຍວັນທີ 14 ພະຈິກ 2013 ຢູ່ ໂຮງແຮມຊາລານາບູຕິກ ນະ ຄອນຫລວງວຽງຈັນ
ເຊິ່ງສອງຝ່າຍໄດ້ທົບທວນການປະຕິບັດແຜນຮ່ວມມືດ້ານວິຊາການ ໃນປີ 2013
ແລະ ປຶກສາຫາລືບັນຫາຕ່າງໆດ້ານວິຊາການ ເພື່ອເພີ່ມທະວີການຮ່ວມມືສອງຝ່າຍສຳ
ລັບປີ 2014 ບົນຈິດໃຈອະນຸສັນ ຍາການຮ່ວມມືດ້ານວິຊາການ ໃນໄລຍະ
2011-2015.
ສອງຝ່າຍມີຄວາມພູມໃຈທີ່ເຫັນວ່າການຮ່ວມມືດັ່ງກ່າວລະຫວ່າງສອງສຳນັກໄດ້ສືບຕໍ່ຜັນຂະຫຍາຍຢ່າງມີປະສິດທິຜົນ
ແລະ ນຳຜົນປະໂຫຍດຕົວຈິງມາສູ່ປະຊາຊົນສອງປະເທດ. ພິເສດແມ່ນການແລກ
ປ່ຽນຂໍ້ມູນຂ່າວສານຕ່າງໆນຳກັນ ນັບທັງພາຍໃນ, ພາກພື້ນ ແລະ
ໃນໂລກໄດ້ຢ່າງວ່ອງໄວທັນເຫດການ ແລະ ມີຄວາມຫລາກຫລາຍ.
ສອງຝ່າຍໄດ້ເປັນ
ເອກະພາບກັນເພີ່ມທະວີ ແລະ ເສີມຂະ ຫຍາຍການຮ່ວມມືດ້ານວິຊາການໃນປີ
2014 ໂດຍແນໃສ່ສືບຕໍ່ຍົກສູງຄຸນນະພາບກ່ຽວກັບຂໍ້ມູນຂ່າວສານ (ຂ່າວ,
ຮູບພາບ) ທີ່ໄດ້ແລກປ່ຽນກັນປະຈຳວັນ,
ພ້ອມກັນເປັນເຈົ້າການສຸມໃສ່ໂຄສະນາໃຫ້ແກ່ການເພີ່ມທະວີ ແລະ
ເສີມຂະຫຍາຍມູນເຊື້ອຄວາມສາມັກຄີແບບພິເສດ ແລະ ການຮ່ວມມືຮອບ ດ້ານລະຫວ່າງລາວ-ຫວຽດ
ນາມ ໃຫ້ນັບມື້ແໜ້ນແຟ້ນຍິ່ງຂຶ້ນ, ໂຄສະນາປຸກລະດົມການພັດທະ
ນາເສດຖະກິດ-ສັງຄົມຂອງສອງປະເທດ ແລະ ຂົງເຂດ
ເພື່ອກຽມຄວາມພ້ອມກ້າວສູ່ການເປັນປະ ຊາຄົມອາຊຽນ ໃນປີ 2015;
ໄດ້ເປັນເອກະພາບໃນການເຊື່ອມຕໍ່ລະຫວ່າງໜັງສືພິມເອເລັກໂຕຣ
ນິກຂອງຂ່າວສານປະເທດລາວ(http://www. kpl.net.la) ແລະ ໜັງສືພິມເອເລັກໂຕຣນິກຂອງຂ່າວສານຫວຽດນາມ
(http://www.vietnamplus.vn); ຂ່າວສານປະເທດລາວເຫັນພ້ອມທີ່ຈະໃຫ້ການຊ່ວຍເຫລືອຂ່າວສານຫວຽດ
ນາມເອົາຊ່ອງໂທລະ ພາບ Vnews ເຂົ້າສູ່ລະບົບເຄເບີ້ນ ຂອງລາວ ແລະ
ຝ່າຍຫວຽດນາມກໍຈະຊ່ວຍເຫລືອຂ່າວ ສານປະເທດລາວຍົກລະດັບພື້ນຖານໂຄງລ່າງທາງດ້ານເຕັກນິກໃນຄວາມສາມາດຂອງຕົນ;
ຊ່ວຍເຝິກອົບ ຮົມຍົກລະດັບຄວາມຮູ້ດ້ານວິຊາການຂ່າວ ແລະ ເຕັກນິກໃຫ້ພະ
ນັກງານຂ່າວສານປະເທດລາວ ແລະ ພ້ອມທີ່ຈະສົ່ງຊ່ຽວ ຊານລາວ
ເພື່ອຈັດຕັ້ງການເຝິກ ອົບຮົມໄລຍະສັ້ນໃຫ້ແກ່ຖັນແຖວນັກ ຂ່າວ, ບັນນາທິການ
ແລະ ຖ່າຍທຳວີດີໂອຂອງຂ່າວສານປະເທດລາວ. ພ້ອມນັ້ນຄະນະນຳຂອງສອງສຳນັກຍັງໄດ້ເຫັນດີເປັນເອກະພາບກັນເພີ່ມທະວີຊ່ວຍເຫລືອເຊິ່ງກັນ
ແລະ ກັນໃນການຍົກລະດັບພາສາລາວແລະພາສາຫວຽດນາມ ໂດຍຈະໄດ້ສະເໜີຂໍທຶນການສຶກສາຂັ້ນມະຫາວິທະຍາໄລຢູ່ລາວ
ແລະ ຫວຽດນາມໃຫ້ພະນັກງານຂອງຕົນຕາມຄວາມຕ້ອງການ.
ນອກຈາກນັ້ນ,
ຄະນະຜູ້ແທນສຳນັກຂ່າວສານຫວຽດນາມຍັງໄດ້ຢ້ຽມຢາມ ແລະ
ທ່ຽວຊົມບຸນນະມັດສະການພະທາດຫລວງວຽງຈັນ ແລະ ສະຖານທີ່ທ່ອງທ່ຽວທີ່ສຳຄັນອື່ນໆຈຳນວນໜຶ່ງຢູ່ນະຄອນຫລວງວຽງຈັນ
ແລະ ແຂວງວຽງຈັນນຳອີກ.
No comments:
Post a Comment