ແຫລ່ງຂ່າວແຂວງຊຽງຂວາງ ໃຫ້ຮູ້ວ່າ:
ໃນເວລາປະມານ 18 ໂມງ 45 ນາທີ ຂອງວັນທີ 24 ພະຈິກນີ້, ໄດ້ເກີດເຫດໄຟໄໝ້ຕະຫລາດອຸດສາຫະກຳຢູ່ໂພນສະຫວັນ
ເມືອງແປກ ແຂວງຊຽງຂວາງ. ທ້າວ ກໍຢ່າ ພະນັກງານອະນາໄມຕະຫລາດ ຜູ້ເຫັນເຫດ ການທຳອິດ
ໃຫ້ຮູ້ວ່າ: ຫລັງຈາກຊຸກລໍ້ເຂົ້າມາອະນາໄມ ໄດ້ກິ່ນຂິວໄຟໄໝ້ ແລະ ເຫັນຄວັນໄຟພຸ່ງອອກມາ
ຈຶ່ງໄດ້ແລ່ນໄປລາຍງານພະນັກງານຮັກສາຄວາມປອດໄພ ເພື່ອແຈ້ງຕໍ່ເຈົ້າໜ້າທີ່
ເຊິ່ງເວລານັ້ນບໍ່ມີຄົນເຂົ້າ-ອອກແລ້ວ.
ທ່ານ ພັນຕີ ສຸດທາ ນັນທະວົງ ຮອງກອງຕຳຫລວດຈະລາ
ຈອນ, ສະກັດກັ້ນ ແລະ ມອດໄຟ ກອງບັນຊາການປ້ອງກັນຄວາມສະຫງົບແຂວງ ລາຍງານວ່າ:
ຫລັງຈາກໄດ້ຮັບແຈ້ງເຫດໄຟໄໝ້ດັ່ງກ່າວ, ກຳລັງເຈົ້າໜ້າທີ່ພວກເຮົາກໍໄດ້ຮີບຮ້ອນຈັດລົດມອດໄຟທີ່ມີຢູ່
4 ຄັນ ແລະ ລົດບັນທຸກນ້ຳ 8 ໂຕນອີກ 1 ຄັນ ເຂົ້າໄປສຸມໃສ່ການມອດໄຟ, ແຕ່ເນື່ອງຈາກວ່າແຫລ່ງປະຕູນ້ຳ
ປະປາຢູ່ໄກ ຈຶ່ງເຮັດໃຫ້ການໄປເອົານ້ຳພົບຄວາມຫຍຸ້ງຍາກ. ຈາກນັ້ນ ຈຶ່ງໄດ້ຕິດຕໍ່ເອົາລົດມອດໄຟຈາກກອງພັນໃຫຍ່
702 ເຂົ້າມາຊ່ວຍອີກ 2 ຄັນ ແລະ ມີກຳລັງມອດໄຟປະມານ 20 ຄົນ, ແຕ່ກໍຕ້ອງໃຊ້ເວລາຫລາຍຊົ່ວໂມງ
ຈຶ່ງຄວບຄຸມໄຟໄດ້.
ທ່ານ ຄຳພູ ວັນນະຈັກ ຫົວ ໜ້າລັດວິສາຫະກິດການຄ້າພັດ
ທະນາຂາເຂົ້າ-ຂາອອກແຂວງ ໃນນາມຜູ້ຮັບຜິດຊອບຕະ ຫລາດນີ້ ກ່າວວ່າ: ຕົວອາຄານຖືກໄຟໄໝ້ເສຍຫາຍປະມານ
1 ສ່ວນ 5, ມີ 47 ຫ້ອງຮ້ານຖືກໄຟໄໝ້ໝົດກ້ຽງ, ສ່ວນສາເຫດຂອງການເກີດອັກຄີໄພເທື່ອນີ້ຍັງຢູ່ໃນຂັ້ນຕອນການສັນລະສູດຂອງເຈົ້າໜ້າທີ່ກ່ຽວຂ້ອງ.
ປັດຈຸບັນລັດວິສາຫະກິດການຄ້າພັດທະນາຂາເຂົ້າ-ຂາອອກພວມປະສານງານກັບພາກສ່ວນກ່ຽວຂ້ອງຕ່າງໆລົງຕິດຕາມກວດກາ.
No comments:
Post a Comment